Ditɛronɔmi 7:24 - EBƆRƐ BE KAWƆL

²⁴ Mo alɛ beeŋ naŋ sa menyi yuku bumo be bewura so nɛ men mɔ bumo nɛ esa maaŋ naa nyiŋi bumo be asheŋ gba kuraa. Esa kama maaŋ tiŋ ŋ kuŋ menyi be kemur bumo akpa.

Ditɛronɔmi 7:24 ပူးပေါင်းရင်းမြစ်များ

Nshɛ 9:5

Fo fɛa efuliana so nseŋ shin nɛ alubiworapoana mur; nɛ fo bubɔ bumo be atre mbaanaayɔ.

Ɛksodɔs 17:14

Kumo be kaman nɛ Enyɛnpe Ebɔrɛ kaŋɛ Mosis le: “Sibɛ kekɔmpɔɔso ere be asheŋ kikɛ n nase kawɔl to, saŋɛ na so k beeŋ baa la kanyiŋi nɛ fo kraŋ kumo ŋ ŋini Joshuwa. Ŋkpal manɛ so meeŋ mur Amalɛkebi nɛ b ka na kikɛ cheche ashi kasawule so nɛ esa kikɛ maaŋ naŋ nu bumo be asheŋ.”

Aŋasa 10:7

Basa lela be alela so nɛ baa nyiŋi bumo, ama b maa nyiŋi belubiwurapo bre kikɛ.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Jɛremaya 10:11

Fo yɛ ŋ kaŋɛ basa fanɛ, mannɛ agbirana e to ebɔrɛso nɛ kasawule; fo Enyɛnpe Ebɔrɛ na malɛ beeŋ mur kegbir kikɛ nɛ edimɛdi lɔŋɛ.

Zefanaiya 1:4

Meeŋ gberge Jerusalɛm to nɛ Juda be efuli so be basa kikɛ kusoe. Meeŋ mur kegbir nɛ baa tre Baal na be kushuŋ kikɛ ashi ndoŋ nɛ ekama maaŋ naaŋ nyiŋi kegbirwura nɛ e daa keni kumo so na gba kuraa.

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

1 Kɔrintebi 15:57

Ama anyee chɔrɔ Ebɔrɛ ga ŋkpal manɛ so, mo e naa bɔla an Nyɛnpe Yesu Kristo so a shin nɛ anyee kɔ a pɔɔ so.

Ditɛronɔmi 11:25

Kaplɛkama nɛ menyeeŋ yɔ kasawule na so, Enyɛnpe, menyi be Ebɔrɛ na beeŋ shin nɛ kufu a pɛ basa nɛ b wɔ ndoŋ na fanɛ kananɛ e nase kɔnɔ na. Esa kikɛ maaŋ tiŋ ŋ kuŋ menyi akpa.

Ditɛronɔmi 25:19

Amoso, nɛ Enyɛnpe menyi be Ebɔrɛ na kaŋ sa menyi kasawule na, nɛ men chena kumo so nɛ kayurwushi, a daga fanɛ men mur Amalɛkebi na kikɛ, saŋɛ na so, esa kama maaŋ naŋ nyiŋi bumo be asheŋ gba kuraa. Men sa maŋ kaa teŋ kesheŋ ere so kikɛ!

Ditɛronɔmi 29:20

Enyɛnpe Ebɔrɛ na maaŋ ta m paŋ esa nɛ e beeŋ wora loŋ na. E beeŋ nya agbo ga n wora amodoŋwura nseŋ shin nɛ eshoduu nɛ a wɔ Ebɔrɛ na be mbra be kawɔl ere to a ba mo so nɛ e mur mo cheche. Saŋɛ na so, k beeŋ baa la kasokpele n sa Israɛl be eyiriana na kikɛ.

Ditɛronɔmi 9:14

Amoso sa maŋ kaŋ kuŋ ma akpa, ŋkpal manɛ so, mee sha kemur bumo nna nɛ esa kikɛ maaŋ naaŋ nyiŋi bumo be asheŋ kikɛ. Kumo be kaman nɛ n shin nɛ fo ki efuli nɛ k shi nsaa kɔ eleŋ a chɔ bumo ere kumo tuto.”

Ditɛronɔmi 9:3

Ama menyi ere beeŋ wu naniere fanɛ Enyɛnpe menyi be Ebɔrɛ na beeŋ juŋkpar menyi fanɛ gbaŋgbaŋ to be edɛ na. E beeŋ pɔɔ bumo so n sa menyi jemanɛ nɛ menyeeŋ baa kɔ bumo na, saŋɛ na so, menyeeŋ mur bumo nseŋ suge bumo be kasawule, fanɛ kananɛ e nase kɔnɔ na.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Joshuwa 10:23

Ndoŋ nna nɛ b ya bugi kebeelaŋ na n lara Jerusalɛm nɛ Hibrɔn nɛ Jaamɔf nɛ Lakish nɛ Iglɔn be bewura na

Joshuwa 10:40

Joshuwa daŋ kɔ m pɔɔ efuli na kikɛ so nna. E daŋ pɔɔ bewura nɛ b wɔ abee be efuli nɛ k wɔ nferinto na so, nɛ bumo nɛ b wɔ epeŋilarkpa be kaba so na, nɛ bumo nɛ b wɔ abee nɛ a wɔ epeŋitɔrkpa be kaba so na, nɛ bumo nɛ b chena kelargato be kaseto be keshishɛrsawule so na kikɛ so nna. Ndoŋ be esa kama daa maŋ pete. Kupɔrso kikɛ daa maŋ ji efute, ŋkpal manɛ so, loŋ nɛ Enyɛnpe Israɛl be Ebɔrɛ na daŋ kaŋɛ bumo fanɛ b wora.

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.

Joshuwa 10:8

Nɛ Enyɛnpe Ebɔrɛ kaŋɛ Joshuwa le: “Sa maa ŋana bumo. N teŋ ta bumo m bɔɔ fo enɔ. Bumo be ekama maaŋ tiŋ n tu fo ŋ kɔ.”

Joshuwa 11:17

Kasawule na dese hale n ya fo Halak be kebeegboŋ nɛ k wɔ kelargato be kaseto be kaba so a mata Edɔm be efuli so na, n ta n ya fo Baal Gad nɛ k wɔ kelargato be esoso be kaba so ashi Lebanɔn be ketaŋɛ nɛ k wɔ Hɛɛmɔn be kebeegboŋ na be kelargato be kaseto be kaba so na. Joshuwa nɛ le be bewura ere daŋ kɔ abar kena n chɛr ga, ama e daŋ pɔɔ bumo so m mɔ bumo kikɛ.

Joshuwa 12:24

Tiiza be ewura. Bumo kikɛ daa wɔ bewura adesa nɛ kako.

Joshuwa 21:44

Enyɛnpe Ebɔrɛ daŋ sa bumo kagbenewushi nna ashi efuli na kikɛ so, fanɛ kananɛ e nase kɔnɔ n sa bumo nananyɛnana na. Bumo doŋana be ekama daa maŋ tiŋ m pɔɔ bumo so, ŋkpal manɛ so, Enyɛnpe Ebɔrɛ daŋ sa Israɛlebi na eleŋ nna nɛ b kɔ m pɔɔ bumo doŋana kikɛ so.

Joshuwa 23:3

Menyi kikɛ wu kusɔ nɛ Enyɛnpe menyi be Ebɔrɛ na wora efuliana na ŋkpal menyi so. Enyɛnpe Ebɔrɛ na e kɔ n sa menyi.

Joshuwa 23:9

Enyɛnpe Ebɔrɛ na ju basagboŋ lempoana saŋɛ nɛ menyee ba na nna, nɛ bumo be ekama maŋ naŋ tiŋ n tu menyi ŋ kɔ.

Joshuwa 6:2

Ndoŋ nna nɛ Enyɛnpe Ebɔrɛ kaŋɛ Joshuwa le: “N ta Jɛriko be efuli so nɛ kumo be bewura nɛ benapo lempoana na kikɛ a bɔɔ fo enɔ.