Ditɛronɔmi 7:23 - EBƆRƐ BE KAWƆL

²³ Enyɛnpe menyi be Ebɔrɛ na beeŋ sa menyi yuku men doŋana so nseŋ shin nɛ keyeŋiyeŋi e tɔr bumo so n ya fo fanɛ b ka beeŋ mur.

Ditɛronɔmi 7:23 ပူးပေါင်းရင်းမြစ်များ

Ɛksodɔs 23:27

Meeŋ shin nɛ kufu nɛ keyeŋiyeŋi e tɔr basa nɛ menyee tu na so. Meeŋ shin nɛ men doŋana e kilgi n shile menyi.

Aizaaya 13:6

Men baa boŋ to a shu awɔrso! Ŋkpal manɛ so, Enyɛnpe Ebɔrɛ na be demuji be kachɛ na taga to. K la kachɛ nɛ Enyɛnpetale Ebɔrɛ na beeŋ shin nɛ basa e mur nna.

Jɛremaya 17:18

Enyɛnpe Ebɔrɛ, shin nɛ basa nɛ baa kɔrfɛ ma na e ji anishinyɔr, ama baa kuŋ ma nɛ n sa maŋ ji nyɔmɔ. Kumo be kaman nɛ fo shin nɛ kufugboŋ e tɔr bumo so nseŋ naŋ shin nɛ b mur ga.

Jowɛl 1:15

Enyɛnpe Ebɔrɛ be kachɛ na taga to. Kachɛ nɛ e beeŋ bar kemur na. Kashenteŋto, kachɛ na maaŋ baa walɛ kuraa!

Ditɛronɔmi 2:15

Enyɛnpe Ebɔrɛ na e daa maŋ shin nɛ b nya bumo be amu n ji hale nɛ bumo kikɛ wu mur.

Ditɛronɔmi 31:5

Mo koŋwule na e naaŋ chɛ menyi to nɛ men pɔɔ efuliana na so nseŋ mɔ esa kama nɛ e wɔ ndoŋ.

Ditɛronɔmi 9:3

Ama menyi ere beeŋ wu naniere fanɛ Enyɛnpe menyi be Ebɔrɛ na beeŋ juŋkpar menyi fanɛ gbaŋgbaŋ to be edɛ na. E beeŋ pɔɔ bumo so n sa menyi jemanɛ nɛ menyeeŋ baa kɔ bumo na, saŋɛ na so, menyeeŋ mur bumo nseŋ suge bumo be kasawule, fanɛ kananɛ e nase kɔnɔ na.

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.

Joshuwa 10:10

Amɔriebi na ka wu Israɛl be benapo na nɛ Enyɛnpe Ebɔrɛ shin nɛ keyeŋiyeŋi tɔr bumo so, nɛ Israɛlebi na mɔ bumo ga ashi Gibiɔn, nseŋ ju m buu bumo so m bɔla kebee ase ashi Bɛf Hɔrɔn a mɔ bumo hale n ya fo kelargato be kaseto be kaba so ashi Azeka nɛ Makɛda kikɛ.

Demujipoana 4:15

Barak nɛ mbe benapo ka ya tu Sisɛra nɛ mbe benapo e kɔ nɛ Enyɛnpe Ebɔrɛ na shin nɛ keyeŋiyeŋi tɔr Sisɛra nɛ mbe benapo so. Ndoŋ nna nɛ Sisɛra tɛ mbe gbaŋɛturko so ŋ gbelge nseŋ lara keya fuful a shile.