Ditɛronɔmi 7:21 - EBƆRƐ BE KAWƆL

²¹ Amoso men sa maa ŋana basa ere jemanɛ nɛ menyi nɛ bumo beeŋ tu abar kena to. Menyi nɛ Enyɛnpe menyi be Ebɔrɛ na e wɔtɔ. E la Ebɔrɛ gboŋgboŋi nɛ mbe asheŋ kɔ kufu nna.

Ditɛronɔmi 7:21 ပူးပေါင်းရင်းမြစ်များ

2 Kronikɛls 32:8

Dimɛdi be eleŋ nɛ mo ere kɔ, ama anyi ere kɔ Enyɛnpe anyi be Ebɔrɛ na nna nɛ e bee kɔ anyi be ana a sa anyi. Ndoŋ nna nɛ basa na nya keleŋto ŋkpal kusɔ nɛ ewura kaŋɛ na so.”

Nehemaya 1:5

“O Enyɛnpe Ebɔrɛ nɛ fo wɔ ebɔrɛso, fo e kɔ eleŋ ga nɛ fo bunyaŋ shi m baŋ so. Fo alɛ e naa wora a bɛ fo nnɔ naseso so a sa bekama nɛ baa sha fo nsaa wora fo mmalga kasonu.

Nehemaya 4:14

Kumo be kaman nɛ n wu fanɛ basa na be ŋgbene jija bumo, nɛ ŋ kaŋɛ bumo nɛ bumo be bejuŋkparpo nɛ ekrachi na le: “Men sa maa ŋana anyi doŋana ere. Men baa nyiŋi kananɛ Enyɛnpe na be eleŋ shi ga nɛ kananɛ mbe asheŋ bee keta kufu. Amoso men leŋ menyi be amu to nseŋ kɔ kenishipereso n sa menyi be basa nɛ mbia nɛ beche nɛ elantoebi!”

Nehemaya 9:32

O, anyi be Ebɔrɛ mo nɛ eleŋ kikɛ bɔɔ fo enɔ, nɛ fo asheŋ kɔ kufu; fo maa lar fo kamalga kaman kikɛ, kasha malɛ bɔlɔ fo to kiŋkiŋ. Nyiŋi awurfoŋ nɛ k ba anyi nɛ anyi be bewura nɛ bejuŋkparpo nɛ bɔrɛmatapoana nɛ anebiana nɛ an nanaana nɛ anyi be basa kikɛ so, yili Asiriya be ewura be jemanɛ kikɛ so m ba fo kabre.

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Nshɛ 46:5

Ŋkpal Ebɔrɛ ka wɔ kadegboŋ na to so, shɛŋ shɛŋ maa gbuŋgbuŋ kumo. Kachipurdidi kikɛ e bee chɛ kumo to nna.

Nshɛ 46:6

Nɛ efuli pɔtɛana bee baga to, nɛ kuwurjiana bee tɔr, nɛ Ebɔrɛ ponte nɛ kasawule ŋalga gba,

Nshɛ 46:7

Enyɛnpetale Ebɔrɛ na wɔ anyi kutɔ nna. Ebɔrɛ nɛ an nananyɛn Jeekɔb shuŋ na e la anyi be ekumpogboŋ.

Nshɛ 47:2

Enyɛnpetale Ebɔrɛ na be asheŋ woraso kɔ mamachi nɛ kufu nna. Mo e la ewurgboŋ, a ji durnya kikɛ so kuwura.

Nshɛ 68:35

O, Ebɔrɛ, fo asheŋ woraso bee keta kufu ashi fo bɔrɛlambu to nna, nɛ fee sa fo basa eleŋ nɛ yuku. Men shin nɛ an fur anyi be Ebɔrɛ na!

Nshɛ 89:8

Fo e la Enyɛnpetale Ebɔrɛ na. Ekama maŋ naa kɔ kasha nsaa ji kashenteŋ fanɛ fo.

Nshɛ 95:3

Ŋkpal manɛ so, Enyɛnpe Ebɔrɛ na e la Ewurgboŋ; agbirana maŋ la shɛŋ mbe anishito.

Ɛksodɔs 29:45

Saŋɛ na so, nɛ ŋ gbelge m baa kaa wɔ Israɛlebi na to a la bumo be Ebɔrɛ.

Danɛl 9:4

Ma kabɔrɛkule na to nɛ m bugi to ŋ kaŋɛ Enyɛnpetale Ebɔrɛ na alubi nɛ ma basa wora ŋ kaŋɛ le: “Enyɛnpe Ebɔrɛ nɛ fo shibi nɛ anyee bunyaŋ fo nɛ fee ji kashenteŋ a sa fo ŋkre nɛ fo nase na nsaa ŋini bekama nɛ baa sha fo nsaa wora fo aparsheŋ na kasha saŋkama na,

Nɔmbɛs 13:9

Rafu pibinyɛn Paalti shi Bɛnjamin be yiri to nɛ

Nɔmbɛs 14:14

baaŋ kaŋɛ basa nɛ b wɔ kasawule ere so kikɛ kumo be asheŋ. Bumo alɛ teŋ nu fanɛ fo Enyɛnpe Ebɔrɛ na wɔ anyi kutɔ nɛ anyi nɛ fo bee malga abar kutɔ, nɛ fo kuwɔlpa buu anyi so nsaa juŋkpar anyi kapaso nɛ fo edɛ be kabulpi malɛ bee juŋkpar anyi kanyɛso.

Nɔmbɛs 14:42

Enyɛnpe Ebɔrɛ na maŋ naa wɔ menyi kutɔ, amoso men sa maŋ yɔ nɛ men doŋana e ya pɔɔ menyi so.

Nɔmbɛs 14:9

Amoso men sa maŋ shin nɛ an kini kenu n sa Enyɛnpe Ebɔrɛ na. K maŋ daga an ka bee ŋana basa nɛ b wɔ ndoŋ na, ŋkpal manɛ so, Enyɛnpe Ebɔrɛ na wɔ anyi kutɔ, amoso b maaŋ tiŋ ŋ kɔ m pɔɔ anyi so.”

Nɔmbɛs 16:3

Bumo kikɛ daŋ shɛr Mosis nɛ Ɛɛrɔn kutɔ nna ŋ kaŋɛ bumo le: “Manɛ nna nɛ menyee fɛ fanɛ men bɔ esa kikɛ ere? An kikɛ la Enyɛnpe Ebɔrɛ be basa cheembi nna.”

Nɔmbɛs 21:34

Nɛ Enyɛnpe Ebɔrɛ kaŋɛ Mosis le: “Sa maa ŋana Ɔg nɛ mbe benapo. Meeŋ sa fo eleŋ nɛ fo kɔ m pɔɔ so bumo so fanɛ kananɛ fo wora Hishbɔn be ewura Sihɔn na. Ewura Ɔg be kasawule beeŋ ki menyeya.”

Nɔmbɛs 23:21

Mee keni a wu fanɛ Israɛl be echefoso be kebaawɔtɔ maaŋ ba kɔ kumulubi nɛ tɔrɔ. Ŋkpal manɛ so Enyɛnpe, bumo be Ebɔrɛ na, wɔ bumo kutɔ nna. B yɛ, mo e la bumo be ewura.

Nɔmbɛs 9:20

Saŋko kuwɔlpa na beeŋ tiŋ a wɔ wajɛbu na so n nchɛ gbrɛbi ko. Saŋkama nɛ k baa wɔ ndoŋ, basa na gba wɔ keeyi na to nna. K ba naŋ tia malɛ, bumo alɛ gba bee kaa keeyi na to nna. Kanaŋ kama nɛ Enyɛnpe Ebɔrɛ na baŋ kaŋɛ, aloŋ nɛ baa wora.

1 Kɔrintebi 14:25

Mbe wulo to be nfɛra beeŋ lar n dii efuli nɛ e gbir n dese kasawule m maŋ Ebɔrɛ so ŋ kaŋɛ le: “Kashenteŋto, Ebɔrɛ wɔ menyi kutɔ nfe.”

Ditɛronɔmi 10:17

Enyɛnpe menyi be Ebɔrɛ na e la Ebɔrɛ nɛ e kɔ eleŋ a chɔ agbirana kikɛ nseŋ naa la benyɛnpe to be Enyɛnpe, Ebɔrɛ lempo nɛ mbe asheŋ shi nsaa kɔ kufu. Mo alɛ maa kpɛa to ŋko a tu basa a sɔ asɔ pɔɛŋ nsaa wora asheŋ a sa bumo.

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

Ditɛronɔmi 25:8

Kumo be kaman nɛ benimu na malɛ e tre esa nɛ e wu na mo kurgepo na m malga n sa mo. Nɛ e kraŋ kini keta ekulpoche na ŋ kil,

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

Joshuwa 8:1

Asheŋ ere be kaman nɛ Enyɛnpe Ebɔrɛ kaŋɛ Joshuwa le: “Keta fo benapo na kikɛ n yɔ Ai. Fo alɛ e sa maa lɔ kufu ŋko a pɔ aba. Meeŋ shin nɛ men kɔ m pɔɔ Ai be ewura na so, nɛ mbe basa nɛ mbe kade nɛ kasawule na kikɛ e ki menyeya.

1 Samuɛl 4:8

Nuso be asheŋ nde? Wanɛ e naaŋ tiŋ m mɔlga anyi ashi Israɛl be Ebɔrɛ lempo ere be enɔ to? Loŋ be Ebɔrɛ ere e shin nɛ alɔ be yiri yiri ba mɔ Ijiptebi ashi keshishɛrsawule na to dra dra na.