Ditɛronɔmi 7:2 - EBƆRƐ BE KAWƆL

² Enyɛnpe Ebɔrɛ na beeŋ tintiŋ bumo n lar kasawule na so, nɛ menyi alɛ e mur bumo cheche nsaa maŋ wu bumo kuwɔr. Menyi alɛ nɛ bumo e sa maŋ kaa wora kayurwushi be kɔnɔkoŋwule be ŋkre kikɛ.

Ditɛronɔmi 7:2 ပူးပေါင်းရင်းမြစ်များ

Jɛnesis 14:20

Kemaŋkura e baa la Ebɔrɛ Ewurgboŋ nɛ e sa fo eleŋ nɛ fo kɔ m pɔɔ fo doŋana so na peya.” Nɛ Eebram sa Mɛlkizedɛk asɔ nɛ e ya nya kena na to na kikɛ be kudukudusopo.

2 Samuɛl 21:2

Gibiɔnebi na daa maŋ la Israɛlebi, b daa la Amɔriebi be katuŋ fimbi ko nna nɛ Israɛlebi na daŋ nase kɔnɔ n sa bumo fanɛ baŋ baa kuŋ bumo. Ama Sɔɔl daŋ wora ania nɛ e mur bumo nna ŋkpal e ka daa sha fanɛ Israɛlebi nɛ Judaebi e sɔ bumo be efuli na kikɛ so.

1 Bewura 20:34

Nɛ Bɛnhadad kaŋɛ le: “Meeŋ laŋɛ nde nɛ n tuto kɔ n sɔ fo tuto kutɔ na n sa fo. Saŋɛ na so feeŋ fara a ji yawu ashi Damaskɔs be kade to fanɛ kananɛ n tuto gba daŋ wora ashi Samɛria be kade na.” Nɛ ewura Ahab kaŋɛ le: “Nɛ fo tiŋ n wora loŋ bre kumo ere ma alɛ beeŋ sa fo ekpa nɛ fo baa yɔ.” Ndoŋ nna nɛ b wora kɔnɔkoŋwule be ŋkre nɛ ewura Ahab sa Bɛnhadad ekpa nɛ e yɔ.

Ɛzra 10:3

To, men shin nɛ an nase kɔnɔ fanɛ anyeeŋ yige loŋ be beche na nseŋ lara bumo nɛ bumo be mbia be asheŋ ashi anyi be asheŋ to nseŋ wora asheŋ fanɛ kananɛ fo nɛ bekama nɛ baa ŋana Ebɔrɛ bee kaa ji anyi asoe to a kaŋɛ na, saŋɛ na so anyeeŋ wora asheŋ m bɛ Ebɔrɛ be mbra na so.

Nshɛ 106:34

B ka ya fo kɔnɔ naseso be kasawule na so, Enyɛnpe Ebɔrɛ daŋ kaŋɛ bumo nna fanɛ b mur nnyamase na kikɛ nɛ b kini.

Ɛksodɔs 22:20

Esa kama nɛ e lara sarga n sa kegbir kama m baŋ ma, Enyɛnpe Ebɔrɛ so, b mɔ mo.

Nɔmbɛs 21:2

Ndoŋ nna nɛ Israɛlebi na kule Enyɛnpe Ebɔrɛ nseŋ nase kɔnɔ le: “Nɛ feeŋ chɛ anyi to nɛ an kɔ m pɔɔ basa ere so bre, kumo ere anyi alɛ beeŋ mur bumo nɛ bumo be nde nɛ kusɔ kama nɛ b kɔ kikɛ.”

Nɔmbɛs 31:17

Naniere, men mɔ mbinyɛnsobi nɛ beche kama nɛ b nyi benyɛn na,

Nɔmbɛs 33:52

men ju basa nɛ b wɔ kasawule na so na kikɛ, nseŋ jija bumo be agbir nɛ b ta abɛlso nɛ ajembu n wora na nɛ mboŋ nɛ baa shuŋ amo na kikɛ.

Ditɛronɔmi 13:8

Ama sa maŋ kaŋ shin nɛ b leŋ fo to n wɔtɔ kagbirshuŋ to. Sa maŋ kaa nu a sa bumo gba kuraa. Fo alɛ e sa maŋ kaa wu bumo kuwɔr ŋko a shu bumo so a kuŋ bumo gba.

Ditɛronɔmi 13:9

Shin nɛ b mɔ bumo! Fo gbagba e juŋkpar ŋ kpa bumo kejembu pɔɛŋ nɛ ekama nɛ e wɔ ndoŋ e chɛ fo to ŋ kpa bumo ajembu m mɔ.

Ditɛronɔmi 19:13

B maaŋ wu fo kuwɔr. A daga fanɛ b lara basa mɔpo kikɛ ashi Israɛl be efuli so, saŋɛ na so asheŋ beeŋ baa nite nɛnɛ.

Ditɛronɔmi 2:33

Ama Enyɛnpe anyi be Ebɔrɛ na daŋ chɛ anyi to nɛ an pɔɔ bumo so, nseŋ mɔ mo nɛ mbe mbinyɛnso nɛ mbe benapo na kikɛ.

Ditɛronɔmi 2:34

Kumo be kaman, nɛ an kɔ m pɔɔ nde nɛ a wɔ Ewura Sihɔn be kasawule so kikɛ m mur amo, nseŋ mɔ benyɛn nɛ beche nɛ mbia kikɛ. Anyi daa maŋ shin nɛ esa koŋwule gba ji efute.

Ditɛronɔmi 23:14

Ŋkpal menyi nɛ Enyɛnpe menyi be Ebɔrɛ na ka wɔ keeyi na to nɛ e bee kuŋ menyi nsaa shin nɛ menyee kɔ a pɔɔ men doŋana so so, a daga fanɛ men baa keni keeyi na so nɛnɛ nɛ k baa du farfarbi nsaa walɛ so daŋkare be ekpa so. Amoso men sa maŋ kaa wora ekishisheŋ nɛ k beeŋ shin nɛ Enyɛnpe Ebɔrɛ na e pal kaman n sa menyi kikɛ.

Ditɛronɔmi 25:12

men ku eche na be enɔ so. Men sa maŋ kaŋ wu mo kuwɔr kikɛ.

Ditɛronɔmi 3:3

Ndoŋ nna nɛ Enyɛnpe Ebɔrɛ na shin nɛ an kɔ m pɔɔ Ewura Ɔg nɛ mbe basa so nseŋ mɔ bumo kikɛ.

Ditɛronɔmi 31:5

Mo koŋwule na e naaŋ chɛ menyi to nɛ men pɔɔ efuliana na so nseŋ mɔ esa kama nɛ e wɔ ndoŋ.

Ditɛronɔmi 33:27

Ebɔrɛ nɛ e wɔtɔ mbaanaayɔ na e la menyi be ekumpo. Mo e kɔ menyi mbe enɔana to na. Mo koŋwule na e naa ju men doŋana ashi menyi so na. Mo e naa malga nɛ menyee mur men doŋana na.

Ditɛronɔmi 7:16

A daga fanɛ men mur efuli kama nɛ Enyɛnpe Ebɔrɛ na shin nɛ men pɔɔ kumo be basa so na cheche nsaa maŋ wu bumo kuwɔr. Men sa maŋ kaa shuŋ bumo be agbirana, ŋkpal manɛ so, loŋ beeŋ tiŋ m bar menyi luwu.

Ditɛronɔmi 9:3

Ama menyi ere beeŋ wu naniere fanɛ Enyɛnpe menyi be Ebɔrɛ na beeŋ juŋkpar menyi fanɛ gbaŋgbaŋ to be edɛ na. E beeŋ pɔɔ bumo so n sa menyi jemanɛ nɛ menyeeŋ baa kɔ bumo na, saŋɛ na so, menyeeŋ mur bumo nseŋ suge bumo be kasawule, fanɛ kananɛ e nase kɔnɔ na.

Joshuwa 10:28

Kumo be kachɛ na nɛ Joshuwa kɔ m pɔɔ Makɛda be kade na nɛ kumo be ewura so. E daŋ mɔ kade na to be basa kikɛ nna. Esa kama daa maŋ ji efute kumo be kachɛ na. Kananɛ e daŋ wora Jɛriko be ewura na, loŋ koŋwule na nɛ e wora Makɛda be ewura na gba.

Joshuwa 10:30

Nɛ Enyɛnpe Ebɔrɛ shin nɛ Israɛlebi naŋ kɔ m pɔɔ kumo malɛ nɛ kumo be ewura so. B daŋ mɔ ekama nna. Esa kikɛ daŋ maŋ ji efute. Kananɛ b daŋ wora Jɛriko be ewura na gbagba chap nɛ b wora ndoŋ be ewura na gba.

Joshuwa 10:32

Kena na be kachɛ nyɔsopo na nɛ Enyɛnpe Ebɔrɛ shin nɛ Israɛlebi na kɔ m pɔɔ Lakish so. Kananɛ b baŋ wora Libna na gbagba nɛ b wora ndoŋebi gba. Esa kama daa maŋ lar kade na to. B daŋ mɔ bumo kikɛ nna.

Joshuwa 10:40

Joshuwa daŋ kɔ m pɔɔ efuli na kikɛ so nna. E daŋ pɔɔ bewura nɛ b wɔ abee be efuli nɛ k wɔ nferinto na so, nɛ bumo nɛ b wɔ epeŋilarkpa be kaba so na, nɛ bumo nɛ b wɔ abee nɛ a wɔ epeŋitɔrkpa be kaba so na, nɛ bumo nɛ b chena kelargato be kaseto be keshishɛrsawule so na kikɛ so nna. Ndoŋ be esa kama daa maŋ pete. Kupɔrso kikɛ daa maŋ ji efute, ŋkpal manɛ so, loŋ nɛ Enyɛnpe Israɛl be Ebɔrɛ na daŋ kaŋɛ bumo fanɛ b wora.

Joshuwa 10:42

Joshuwa daŋ kɔ bewura na kukoko to nna m pɔɔ bumo be efuliana kikɛ so, ŋkpal Enyɛnpe, Israɛl be Ebɔrɛ, na ka bee kɔ a sa Israɛlebi so so.

Joshuwa 11:8

Nɛ Enyɛnpe Ebɔrɛ ta bumo m bɔɔ Israɛlebi na enɔ nseŋ shin nɛ b pɔɔ bumo so n ju m buu bumo so ŋ kɔ bumo n ya fo Misrefɔf Mayim nɛ Sidɔn ashi kelargato be esoso be kaba so, n ta loŋ n ya fo Mispa be ketaŋɛ nɛ k wɔ epeŋilarkpa na, m mɔ bumo kikɛ.

Joshuwa 2:14

Nɛ basa na yɛ: “Nɛ an baŋ maŋ wora kusɔ nɛ anyee shin nɛ an kaŋɛ fo ere, Ebɔrɛ e mɔ anyi. An nase kɔnɔ fanɛ nɛ fo baŋ maŋ kaŋɛ basa kusɔ nɛ anyee wora ere bre, kumo ere nɛ Enyɛnpe Ebɔrɛ na baŋ ta kasawule ere n sa anyi bre, anyeeŋ wora menyi kelela.”

Joshuwa 21:44

Enyɛnpe Ebɔrɛ daŋ sa bumo kagbenewushi nna ashi efuli na kikɛ so, fanɛ kananɛ e nase kɔnɔ n sa bumo nananyɛnana na. Bumo doŋana be ekama daa maŋ tiŋ m pɔɔ bumo so, ŋkpal manɛ so, Enyɛnpe Ebɔrɛ daŋ sa Israɛlebi na eleŋ nna nɛ b kɔ m pɔɔ bumo doŋana kikɛ so.

Joshuwa 8:24

Israɛlebi na daŋ mɔ Ai be basa kama nɛ b daŋ ju m buu bumo so n yɔ keshishɛrsawule na so na kikɛ nseŋ bɛta n yɔ Ai be kade na to n ya mɔ bekama nɛ b ka ndoŋ malɛ.

Joshuwa 9:24

Nɛ Gibiɔnebi na malɛ kaŋɛ Joshuwa le: “Fo nyɛrbi nu kananɛ Enyɛnpe, menyi be Ebɔrɛ na kaŋɛ mbe kayɛrbi Mosis fanɛ e ta kasawule na kikɛ n sa menyi nɛ men mɔ basa kama nɛ b tase kumo so na kikɛ. Kumo be kufu e daŋ pɛ anyi so nɛ an fule menyi na.

Joshuwa 9:7

Ama le nɛ Israɛlebi na daŋ kaŋɛ: “Manɛ so nɛ anyi nɛ menyi bee wora kɔnɔkoŋwule be ŋkre? Ashere anyi nɛ menyi maŋ chena n feŋ abar ga gba.”

Demujipoana 1:24

nɛ b ya tu kanyɛn ko nɛ e shi kade na to a lar, nɛ b kaŋɛ mo: “Ŋini anyi kananɛ anyeeŋ wora n nya n luri kade ere to saŋɛ na so anyi maaŋ tɔrɔ fo.”

Demujipoana 1:4

Judaebi na ka kre kena n ya tu Keenanebi nɛ bumo kurgepoana Pɛrizebi na, nɛ Enyɛnpe Ebɔrɛ shin nɛ Judaebi na kɔ m pɔɔ bumo so. Basa ŋgboŋ kudu nɛ b daŋ mɔ ashi kade ko nɛ baa tre Bɛzɛk na.

Demujipoana 2:2

Amoso menyi nɛ basa nɛ b tase efuli na so na e sa maŋ kaŋ luri kɔnɔkoŋwule be ŋkre kikɛ to. A daŋ daga fanɛ men bure bumo be agbirshuŋkpaana kikɛ, ama menyi maŋ nu n sa kusɔ nɛ ŋ kaŋɛ na.