Ditɛronɔmi 7:18 - EBƆRƐ BE KAWƆL

¹⁸ Men sa maa ŋana bumo, ama men baa nyiŋi kusɔ nɛ Enyɛnpe menyi be Ebɔrɛ na wora Ijipt be ewura nɛ mbe basa na.

Ditɛronɔmi 7:18 ပူးပေါင်းရင်းမြစ်များ

Nshɛ 105:5

Menyi nɛ men la Eebraham nɛ e shuŋ Ebɔrɛ na, nɛ Jeekɔb nɛ Ebɔrɛ lara dra dra na mo nanabiana na, e baa nyiŋi Ebɔrɛ be mamachi be asheŋ woraso nɛ kananɛ e bee ji asheŋ nɛ amo be ekpa so be asheŋ.

Nshɛ 77:11

Enyɛnpe Ebɔrɛ, meeŋ baa nyiŋi fo asheŋgboŋ nɛ emamachisheŋ nɛ fo wora dra dra na be asheŋ.

Nshɛ 77:12

Meeŋ baa fɛ asheŋ tumase nɛ fo wora na kikɛ be asheŋ.

Nshɛ 78:11

B daŋ teŋ kusɔ e wora so nna, emamachisheŋ nɛ b daŋ wu e ka wora na kikɛ nɛ b daŋ teŋ so.

Nɔmbɛs 13:9

Rafu pibinyɛn Paalti shi Bɛnjamin be yiri to nɛ

Nɔmbɛs 21:34

Nɛ Enyɛnpe Ebɔrɛ kaŋɛ Mosis le: “Sa maa ŋana Ɔg nɛ mbe benapo. Meeŋ sa fo eleŋ nɛ fo kɔ m pɔɔ so bumo so fanɛ kananɛ fo wora Hishbɔn be ewura Sihɔn na. Ewura Ɔg be kasawule beeŋ ki menyeya.”

Ditɛronɔmi 1:29

Ndoŋ nna nɛ ŋ kaŋɛ: ‘Men sa maa ŋana basa na.

Ditɛronɔmi 1:30

Enyɛnpe men be Ebɔrɛ na e naaŋ juŋkpar ŋ kɔ n sa menyi, fanɛ kananɛ men wu e ka wora ashi Ijipt be efuli so

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

Ditɛronɔmi 3:6

Nɛ an daŋ mur ndeana na kikɛ nseŋ mɔ benyɛn nɛ beche nɛ mbia na kikɛ fanɛ kananɛ an wora Ewura Sihɔn be ndeana na.

Ditɛronɔmi 31:5

Mo koŋwule na e naaŋ chɛ menyi to nɛ men pɔɔ efuliana na so nseŋ mɔ esa kama nɛ e wɔ ndoŋ.

Ditɛronɔmi 31:6

Men nya kagbene a kɔ kenyɛn. Men sa maa ŋana bumo. Ŋkpal manɛ so, Enyɛnpe menyi be Ebɔrɛ na gbagba beeŋ baa wɔ menyi kutɔ. Mo alɛ maaŋ lar menyi kaman ŋko ŋ kplaŋ menyi so kikɛ.”

Joshuwa 8:1

Asheŋ ere be kaman nɛ Enyɛnpe Ebɔrɛ kaŋɛ Joshuwa le: “Keta fo benapo na kikɛ n yɔ Ai. Fo alɛ e sa maa lɔ kufu ŋko a pɔ aba. Meeŋ shin nɛ men kɔ m pɔɔ Ai be ewura na so, nɛ mbe basa nɛ mbe kade nɛ kasawule na kikɛ e ki menyeya.

Demujipoana 6:13

Nɛ Gidiɔn malɛ yɛ: “Gafra, shin nɛ ŋ kule m bishi, nɛ fanɛ Enyɛnpe Ebɔrɛ na wɔ anyi kutɔ, manɛ nna nɛ le be asheŋ ere kikɛ bee tu anyi? Nnɛ nɛ mbe emamachisheŋ nɛ an tutoana bee ji amo be asheŋ na yɔ? B yɛ, Enyɛnpe Ebɔrɛ na e lara anyi ashi Ijipt be efuli so m ba nfe. Ama naniere Enyɛnpe Ebɔrɛ na kplaŋ anyi so nna n sa Midianebi na.”