Ditɛronɔmi 7:17 - EBƆRƐ BE KAWƆL

¹⁷ Men sa maŋ kaa fɛ fanɛ basa na shibi a chɔ menyi so menyi maaŋ tiŋ n ju bumo n lar kasawule na so.

Ditɛronɔmi 7:17 ပူးပေါင်းရင်းမြစ်များ

Aizaaya 14:13

Fo daŋ kre fo kagbene to nna fanɛ feeŋ dii n yɔ ebɔrɛso n ya baŋ achɛkpabi nɛ a wɔ awɔlto so na n ya chena ndoŋ a ji kuwura. Fo daa fɛ fanɛ feeŋ chena fanɛ ewura nna ashi kebee nɛ k wɔ kelargato be esoso be kakpa nɛ baa shɛr na.

Aizaaya 47:8

Menyi alɛ daa naa fɛ fanɛ men shi ga nna a kɔ eleŋgboŋ fanɛ Ebɔrɛ, a wɔtɔ a ji menyi be amu jemanɛ kikɛ, a fɛ fanɛ esa kikɛ maŋ naa du fanɛ menyi. Menyi alɛ daa naa fɛ nna fanɛ menyi maaŋ tiŋ ŋ ki fanɛ ekulpoche ŋko esa nɛ e paŋ mbe mbia.

Aizaaya 49:21

Ndoŋ nna nɛ fo alɛ e kaŋɛ fo kumu le: ‘Wanɛ e kurge mbia ere kikɛ n sa ma? N daŋ paŋ ma mbia nna nsaa maaŋ naŋ tiŋ ŋ kurge ebi. B daŋ pɛ ma kenya nna n yɔ efuli pɔtɛ so; wanɛ e bela mbia ere nɛ b daŋ? N nawule e daŋ ka a wɔtɔ; nnɛ nɛ mbia ere shi m ba?’ ”

Jɛremaya 13:22

Fo kaŋ bishi fo kumu fanɛ manɛ e ba nɛ b delge ma so nseŋ pur ma ere? Feeŋ pin fanɛ fo asheŋ lubi so nɛ loŋ wora.

Nɔmbɛs 13:32

Nseŋ fara a sa Israɛlebi na efɛ be baru a yɔ kasawule na be kaplɛa so a kaŋɛ le: “Kasawule na gba maŋ la kudɔsawule lela nɛ esa beeŋ tiŋ n dɔ kumo so n nya adɔjibi nɛnɛ m bela basa nɛ b wɔ ndoŋ na. Basa nɛ an wu ndoŋ na malɛ kikɛ la basa tenteŋ gboŋgboŋi nna.

Nɔmbɛs 21:34

Nɛ Enyɛnpe Ebɔrɛ kaŋɛ Mosis le: “Sa maa ŋana Ɔg nɛ mbe benapo. Meeŋ sa fo eleŋ nɛ fo kɔ m pɔɔ so bumo so fanɛ kananɛ fo wora Hishbɔn be ewura Sihɔn na. Ewura Ɔg be kasawule beeŋ ki menyeya.”

Nɔmbɛs 33:53

Men sɔ kasawule na kikɛ n chena so, ŋkpal manɛ so, ma e naa ta kumo a sa menyi.

Luuk 9:47

Nɛ Yesu pin kusɔ nɛ b daa fɛ na nseŋ ta kebi ko n yili mbe kekel to nseŋ kaŋɛ bumo:

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

Ditɛronɔmi 15:9

Men sa maa kini kepaŋ basa asɔ ŋkpal kafɛ nɛ baa yige basa be akɔ a kɛ bumo na ka taga to so. Men sa maŋ shin nɛ le be nfɛra lubi ere e ba menyi to gba kuraa. Nɛ menyi baŋ kini kesa betirpo na m paŋ, baaŋ shu ŋ ŋini Enyɛnpe Ebɔrɛ na nɛ kumo be kulubi e baa bɛ menyi.

Ditɛronɔmi 18:21

Menyi beeŋ baa belsi nsaa bishi menyi be amu fanɛ nuso nɛ anyeeŋ wora m pin fanɛ anebi ere be kubɔya ere shi Enyɛnpe Ebɔrɛ na kutɔ nna.

Ditɛronɔmi 8:17

Amoso men sa maŋ kaa fɛ fanɛ menyi gbagba be eleŋ nɛ ketiŋwora so nɛ men nyalɛ nseŋ dii dama na.

Joshuwa 23:3

Menyi kikɛ wu kusɔ nɛ Enyɛnpe menyi be Ebɔrɛ na wora efuliana na ŋkpal menyi so. Enyɛnpe Ebɔrɛ na e kɔ n sa menyi.