Ditɛronɔmi 7:16 - EBƆRƐ BE KAWƆL

¹⁶ A daga fanɛ men mur efuli kama nɛ Enyɛnpe Ebɔrɛ na shin nɛ men pɔɔ kumo be basa so na cheche nsaa maŋ wu bumo kuwɔr. Men sa maŋ kaa shuŋ bumo be agbirana, ŋkpal manɛ so, loŋ beeŋ tiŋ m bar menyi luwu.

Ditɛronɔmi 7:16 ပူးပေါင်းရင်းမြစ်များ

Nshɛ 106:34

B ka ya fo kɔnɔ naseso be kasawule na so, Enyɛnpe Ebɔrɛ daŋ kaŋɛ bumo nna fanɛ b mur nnyamase na kikɛ nɛ b kini.

Nshɛ 106:36

Ebɔrɛ be basa na daŋ shuŋ agbirana nna, nɛ kumo be loŋ shin nɛ kemur ba bumo so.

Ɛksodɔs 23:33

Men sa maŋ kaŋ shin nɛ b chena men be kasawule so, nɛ mannɛ aloŋ, baaŋ shin nɛ men wora kulubi ŋ gbiti ma, ŋkpal manɛ so menyeeŋ baa shuŋ bumo be agbirana na, nɛ k ki fanɛ kejigbelɛ n sa menyi.”

Jɛremaya 21:7

Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Nɔmbɛs 33:55

Ama nɛ men baa maŋ ju basa nɛ b wɔ kasawule na so bre, baaŋ ki fanɛ ndubi a chute men be anishito ŋko ewi men be nle to a jɔ menyi. Baaŋ sa menyi tɔrɔ damta kasawule na so.

1 Kɔrintebi 15:33

Men sa maŋ kaŋ fule men be amu. Beteri lubi e naa jija da lela.

Ditɛronɔmi 13:8

Ama sa maŋ kaŋ shin nɛ b leŋ fo to n wɔtɔ kagbirshuŋ to. Sa maŋ kaa nu a sa bumo gba kuraa. Fo alɛ e sa maŋ kaa wu bumo kuwɔr ŋko a shu bumo so a kuŋ bumo gba.

Ditɛronɔmi 13:9

Shin nɛ b mɔ bumo! Fo gbagba e juŋkpar ŋ kpa bumo kejembu pɔɛŋ nɛ ekama nɛ e wɔ ndoŋ e chɛ fo to ŋ kpa bumo ajembu m mɔ.

Ditɛronɔmi 19:13

B maaŋ wu fo kuwɔr. A daga fanɛ b lara basa mɔpo kikɛ ashi Israɛl be efuli so, saŋɛ na so asheŋ beeŋ baa nite nɛnɛ.

Ditɛronɔmi 19:21

Kasogberge nɛ k dese e la fanɛ nɛ esa baaŋ lara mo barkasa be efute ŋko kenishi ŋko kinyi ŋko ŋ ku mo barkasa be enɔ so ŋko keya so, b wora mo kananɛ e wora mo barkasa na gbagba chap. A maŋ daga fanɛ men baa wu kuwɔr ashi le be asheŋ to.

Ditɛronɔmi 25:12

men ku eche na be enɔ so. Men sa maŋ kaŋ wu mo kuwɔr kikɛ.

Ditɛronɔmi 7:2

Enyɛnpe Ebɔrɛ na beeŋ tintiŋ bumo n lar kasawule na so, nɛ menyi alɛ e mur bumo cheche nsaa maŋ wu bumo kuwɔr. Menyi alɛ nɛ bumo e sa maŋ kaa wora kayurwushi be kɔnɔkoŋwule be ŋkre kikɛ.

Ditɛronɔmi 7:25

Nɛ men kaŋ pɔɔ efuli kama so, men chɔɔ bumo be agbirana. Men sa maŋ kaa yɛlga shuwa ŋko gbiti nɛ a beeŋ baa deŋ agbirana na so na. Menyi alɛ e sa maŋ ta amo ŋ ki menyeya. Nɛ men wora loŋ, k beeŋ tiŋ a la luwu n sa menyi, ŋkpal manɛ so, Enyɛnpe Ebɔrɛ na kishi kagbirshuŋ nna.

Joshuwa 11:20

Enyɛnpe Ebɔrɛ na gbagba e daŋ shin nɛ b yili bumo be ŋgbene kukoŋwule fanɛ baaŋ kɔ Israɛlebi na kena, saŋɛ na so Israɛlebi na maaŋ shu bumo ekama so, nseŋ mɔ bumo kikɛ m mur bumo fanɛ kananɛ Enyɛnpe Ebɔrɛ kaŋɛ Mosis na.

Demujipoana 2:12

B daŋ yige kebaabunyaŋ bumo tutoana be Ebɔrɛ nɛ e lara bumo Ijipt be efuli so m ba na nna, nsaa shuŋ basa nɛ b chena ŋ kulti bumo na be agbirana. Ndoŋ nna nɛ Enyɛnpe Ebɔrɛ na nya agbo n wɔtɔ bumo

Demujipoana 2:3

To, mee kaŋɛ menyi nna fanɛ m maa ba nɛ m ba ju bumo ŋkpal menyi so, ama baaŋ ki men doŋana nɛ bumo be agbir malɛ e ki ajigbelɛ n sa menyi.”

Demujipoana 3:6

Israɛlebi na daa ta bumo be bibicheana nna a kil nseŋ naa shin nɛ bumo alɛ gba be bibinyɛnana bee ta Israɛlebi na be bibicheana a kil. Ŋkpal loŋ so nɛ b fara a shuŋ bumo be agbirana.

Demujipoana 8:27

Ndoŋ nna nɛ Gidiɔn ta shuwa na n lɔŋɛ kegbir n yɔ Ofra, nɛ k la mbe kade to na. Nɛ Israɛlebi na kikɛ pal kaman n sa Ebɔrɛ nseŋ yɔ ndoŋ n ya kaa shuŋ kegbir na. Nɛ k ba ki kejigbelɛ n sa Gidiɔn nɛ mbe kanaŋ.