Ditɛronɔmi 6:17 - EBƆRƐ BE KAWƆL

¹⁷ Men baa wora mbraana nɛ Enyɛnpe Ebɔrɛ na sa menyi na kikɛ kasonu.

Ditɛronɔmi 6:17 ပူးပေါင်းရင်းမြစ်များ

Nshɛ 119:2

Kagbenefuli la bekama nɛ baa bɛ mbe atande so, nsaa wora mo kasonu ashi bumo be ŋgbene to na peya nna.

Nshɛ 119:4

Enyɛnpe Ebɔrɛ, fo e sa anyi fo mbraana na, nsaa sha fanɛ an baa wora amo kasonu kashenteŋto.

Ɛksodɔs 15:26

nseŋ ŋini bumo ŋ kaŋɛ le: “Men baŋ bugi asoe nɛnɛ n nu ma, men Nyɛnpe Ebɔrɛ na be ebɔl nseŋ wora kusɔ nɛ k niŋi ashi ma anishito, nseŋ bɛ ma mbraana so bre, menyeeŋ baa kɔ eleŋ. Ma alɛ maaŋ ta alɔ wurbi be aleblawu nɛ n daŋ ta n lɛ ljiptebi so na n lɛ menyi so.”

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

Ditɛronɔmi 11:13

Amoso men baa wora mbraana nɛ n ta a sa menyi kabre ere kasonu. Men baa sha Enyɛnpe menyi be Ebɔrɛ na nsaa ta menyi be ŋgbene kikɛ a shuŋ mo.

Ditɛronɔmi 11:22

Men baa sha Enyɛnpe menyi be Ebɔrɛ na nsaa wora mbraana nɛ n ta a sa menyi kabre ere kasonu nɛnɛ. Men baa wora kusɔ kama nɛ e kaŋɛ menyi kenishipere so nsaa ji kashenteŋ a sa mo.

Ditɛronɔmi 27:1

Ndoŋ nna nɛ Mosis nɛ Israɛl be bejuŋkparpoana na kikɛ ba yili Israɛl be basa be anishito nɛ e kaŋɛ bumo le: “Men baa wora mbraana nɛ mee ta a sa menyi kabre ere kikɛ kasonu.

Ditɛronɔmi 5:1

Mosis daŋ tre Israɛl be basa na kikɛ nna m ba kaŋɛ bumo le: “Israɛlebi, men kaŋ asoe n nu mbraana nɛ mee ta a sa menyi kabre ere. Men koya amo nseŋ wora amo kasonu.

Ditɛronɔmi 5:29

Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.

Ditɛronɔmi 5:32

Amoso, Israɛlebi, a daga men baa wora Enyɛnpe, menyi be Ebɔrɛ na be mbraana na kasonu. Men sa maa wora a da amo be kekama so.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.

Hibruwebi 6:11

To, loŋ gbagba na nɛ anyee sha fanɛ menyi be ekama e baa kraa pere kenishi a du n ya fo ekar na, saŋɛ na so, asɔ nɛ menyee tama na beeŋ bɔla ekpa.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.