Ditɛronɔmi 6:15 - EBƆRƐ BE KAWƆL

¹⁵ Nɛ men kaŋ shuŋ agbirana, Enyɛnpe Ebɔrɛ na be agbo beeŋ ba menyi so fanɛ edɛ m ba mur menyi cheche ashi durnya ere to. Ŋkpal manɛ so, Enyɛnpe menyi be Ebɔrɛ nɛ e wɔ menyi kutɔ na maa sha kechamana.

Ditɛronɔmi 6:15 ပူးပေါင်းရင်းမြစ်များ

Jɛnesis 7:4

Ŋkpal manɛ so, nchɛ ashunu be kefɛato meeŋ shin nɛ bɔrɛ e ba kasawule so nchɛ nɛ nnyɛ adena nɛ kusɔ futeso kama nɛ n to durnya ere to e mur cheche.”

1 Bewura 13:34

Le be kulubi nɛ e wora ere e naaŋ shin mbe kuwurji e tɔr nseŋ mur cheche kachako.

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Nshɛ 90:11

Esa kikɛ maŋ nyi kananɛ fo agbo be eleŋ sa. Ŋkpal manɛ so, k shi alegaiso, nseŋ daga fanɛ an baa ŋana fo ŋkpal kumo so.

Nshɛ 90:7

Fo kanya agbo bee ta kufu nna a da anyi nsaa mur anyi kuraa.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Ɛksodɔs 32:12

Nuso nɛ Ijiptebi na beeŋ kaŋɛ a yɔ fo kaplɛa so? B maaŋ kaŋɛ fanɛ fo lara bumo nna ashi Ijipt be kasawule so nna m ba abee to nɛ fo ba mur a? Amoso shin nɛ fo kagbene e dese nɛ fo chɛrga fo nfɛra nsaa maŋ shin nɛ le be tɔrɔ ere e ba fo basa so.

Jɛremaya 28:16

Amoso kusɔ nɛ Enyɛnpe Ebɔrɛ na bee kaŋɛ e la fanɛ e beeŋ lara fo ashi durnya to. Pɔɛŋ nɛ kafɛ ere e fo ekar feeŋ wu, ŋkpal fo ka ku efɛ n sa basa ere nɛ b lar Enyɛnpe Ebɔrɛ na kaman nseŋ kini mo so.”

Jɛremaya 7:6

Men yige kebaapuni befɔ nɛ amunibi nɛ bekulpoche nɛ bekulponyɛn nseŋ naŋ yige kebaamɔ basa nɛ b maŋ wora shɛŋ ashi kasawule na so. Menyi alɛ e yige kagbirshuŋ, ŋkpal manɛ so, k beeŋ mur menyi.

Eemɔs 3:2

Enyɛnpe Ebɔrɛ yɛ: “Menyi nawule nɛ n lara ashi efuliana kikɛ so fanɛ men baa la meya, amoso nɛ meeŋ gberge menyi kusoe alegaiso ŋkpal menyi be alubi so na.”

Eemɔs 9:8

Ma Enyɛnpetale na bee wu kulubi nɛ Israɛl be efuli na bee wora, ma alɛ beeŋ mur bumo ashi kasawule ere so. Ama ŋkpal bumo nananyɛn Jeekɔb so meeŋ yige bumo be basa gbrɛbi.

Nɔmbɛs 35:34

Men sa maŋ kaŋ jija kasawule nɛ men wɔ so ere, ŋkpal manɛ so, ma e la Enyɛnpe Ebɔrɛ na. Ma alɛ wɔ menyi to nna.”

1 Kɔrintebi 10:22

Ŋko anyee sha fanɛ an wɔtɔ Enyɛnpe kayurbesa to nna ŋ keni? Anyi e chɔ mo eleŋ a?

Ditɛronɔmi 11:17

Nɛ men wora loŋ, Enyɛnpe Ebɔrɛ na beeŋ nya agbo n wɔtɔ menyi nseŋ pɛ bɔrɛ nɛ menyi be adɔsawule e wɔl nɛ menyi be adɔjibi e wora ŋ gben. Kumo be kaman k maŋ chɛr nɛ menyi gbagba e wu m mur kasawule lela nɛ Enyɛnpe Ebɔrɛ na bee sa menyi na so.

Ditɛronɔmi 4:24

ŋkpal manɛ so, Enyɛnpe, menyi be Ebɔrɛ na beeŋ tiŋ a du fanɛ edɛ nɛ k bee ji a mur. E la Ebɔrɛ nɛ e maa sha kechamana nna.

Ditɛronɔmi 5:9

Men sa maŋ kaŋ gbir m bunyaŋ kegbir kikɛ ŋko n shuŋ kumo, ŋkpal manɛ so, ma e la Enyɛnpe, menyi be Ebɔrɛ nɛ m maa sha echamana na. Ma e naa gberge bekama nɛ b kishi ma nɛ bumo be kamanebi kusoe hale n ya fo bumo be kenanafofo nɛ kenana gbiramuli.

Ditɛronɔmi 7:4

Nɛ mannɛ aloŋ baaŋ lara menyi be mbia ashi kushuŋ Enyɛnpe Ebɔrɛ na to n ya wɔtɔ agbir be kushuŋ to. Kumo loŋ malɛ beeŋ shin nɛ Enyɛnpe Ebɔrɛ na e nya agbo ga n wɔtɔ menyi nseŋ mur menyi epul to.

Joshuwa 23:12

Men baŋ pal kaman n sa mo nseŋ tu basa nɛ b ka a wɔ menyi to na a wora asheŋ nsaa ta abar be beche bre,

Joshuwa 23:16

Nɛ men baŋ maŋ bɛ kɔnɔ naseso be ŋkre nɛ Enyɛnpe Ebɔrɛ sa menyi na so nsaa wɔtɔ a shuŋ nsaa bunyaŋ agbir bre, kumo ere e beeŋ gberge menyi kusoe agbo so nɛ men paŋ kasawule lela nɛ e ta n sa menyi ere gba.”