Ditɛronɔmi 6:14 - EBƆRƐ BE KAWƆL

¹⁴ Men sa maŋ kaa shuŋ basa nɛ b kulti menyi na be agbirana kikɛ.

Ditɛronɔmi 6:14 ပူးပေါင်းရင်းမြစ်များ

2 Bewura 17:35

Israɛlebi na nɛ Enyɛnpe Ebɔrɛ na ka daŋ wora kɔnɔkoŋwule be ŋkre na, le nɛ e daŋ kaŋɛ bumo: “Men sa maŋ kaa shuŋ agbir; ŋko a jɔŋɛ amo ase ŋko a lara esarga a sa mo.

Nshɛ 44:20

An daŋ teŋ fo so nna, nseŋ ya kaa bunyaŋ efuli pɔtɛana so be agbirana,

Ɛksodɔs 20:3

Men sa maŋ kaŋ bunyaŋ kegbir n naŋ ti ma so.

Jɛremaya 25:6

Anebiana na kaŋɛ menyi fanɛ men sa maa bunyaŋ ŋko a shuŋ agbir nɛ men lɔŋɛ na; saŋɛ na so Enyɛnpe Ebɔrɛ na maaŋ nya agbo n wora menyi. Men daŋ wora Enyɛnpe Ebɔrɛ na kasonu nna, e daa maaŋ gberge menyi kusoe.

Jɛremaya 35:15

Ŋ kraa shuŋi ma anya anebiana na menyi kutɔ, nɛ baa kaŋɛ menyi fanɛ men yige menyi be asheŋ lubi na nsaa wora kusɔ nɛ k niŋi. B kpele menyi kusoe fanɛ men sa maa bunyaŋ nsaa shuŋ agbir pɔtɛana, saŋɛ na so menyi kraa beeŋ chena kasawule nɛ n ta n sa men nananyɛnana na so. Ama men kini kenu n sa ma nsaa maŋ wora lakal a laŋɛ kumo be kaplɛa so.

Jɛremaya 7:6

Men yige kebaapuni befɔ nɛ amunibi nɛ bekulpoche nɛ bekulponyɛn nseŋ naŋ yige kebaamɔ basa nɛ b maŋ wora shɛŋ ashi kasawule na so. Menyi alɛ e yige kagbirshuŋ, ŋkpal manɛ so, k beeŋ mur menyi.

Ditɛronɔmi 11:28

ama nɛ fanɛ menyi maa wora mbe mbraana ere kasonu nseŋ ya kaa shuŋ agbirana nɛ men maŋ naŋ shuŋ ŋ ku so bre, kɔnɔsho beeŋ ba menyi so.

Ditɛronɔmi 13:7

Bumo be beko beeŋ tiŋ n leŋ fo to n wɔtɔ basa nɛ b taga menyi to ŋko bumo nɛ b wɔ kufɔ ŋ kulti menyi na be agbirana be kushuŋ to.

Ditɛronɔmi 5:7

Men sa maŋ kaa shuŋ Ebɔrɛ kikɛ n ti ma so.

Ditɛronɔmi 8:19

Mee kpele menyi kusoe kabre nna, fanɛ men sa maŋ kaŋ teŋ Enyɛnpe menyi be Ebɔrɛ na so ŋko n ya shuŋ agbir. Nɛ men kaŋ wora loŋ Enyɛnpe Ebɔrɛ na beeŋ mur menyi fanɛ kananɛ e beeŋ mur efuliana nɛ menyeeŋ kɔ kena na.”

Joshuwa 23:7

Men sa maa ji a tir kasawule na so be basa nɛ b ka a wɔ menyi to na. Men sa maa nase nnɔ bumo be agbir to ŋko a bɔ amo. Men sa maa shuŋ agbir na ŋko a bunyaŋ amo.

1 Jɔn 5:21

Ma mbi shasoana, men baa gelge agbir.