Ditɛronɔmi 6:11 - EBƆRƐ BE KAWƆL

¹¹ nɛ nwu nɛ asɔ lela bɔlɔ amo to nɛ menyi gbagba maŋ ta amo n wɔtɔ ndoŋ na, n sa menyi. Enyɛnpe Ebɔrɛ na beeŋ sa menyi atirbu nɛ menyi gbagba maŋ kur nɛ ndibi be adɔ nɛ ɔlif be ndibi be adɔ nɛ menyi gbagba maŋ dɔ n duu. Enyɛnpe Ebɔrɛ na kaŋ yɛr menyi kasawule ere so nɛ men ya nya asɔ nɛ menyee sha kikɛ a ji,

Ditɛronɔmi 6:11 ပူးပေါင်းရင်းမြစ်များ

Nehemaya 9:25

Kumo be kaman nɛ b suge ndegboŋ nɛ egbalana kulti na nɛ adɔsawule nɛ e walɛ. B daŋ suge nwu nɛ basa daa wɔ amo to nɛ atirbu nɛ b kur n laa to a saŋ nchu, nɛ ndibi sɔrso be adɔana, nɛ ɔlifs be ndibi be adɔana nɛ ndibi sɔrso damtaana nna. B daa ji nna a moɛ nseŋ daa ji eyur ŋkpal fo enɛfa damta so.

Nshɛ 105:44

E daŋ suge efuli pɔtɛana ko be nsawule nɛ asɔ kama nɛ b gben n nya nna n sa Israɛlebi na.

Ditɛronɔmi 11:15

nɛ menyi be asɔbɔya e baa nya afitiri lela damta a ji. Menyi alɛ gbagba beeŋ nya ajibi nɛ menyee sha.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 19:1

Nɛ Enyɛnpe Ebɔrɛ na kaŋ mur basa nɛ e bee ta bumo be kasawule a sa menyi ere nɛ men sɔ bumo be ndegboŋana nɛ nwuana n chena,

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.

Joshuwa 24:13

N sa menyi kasawule nɛ menyi maŋ dɔ, nɛ nde nɛ menyi maŋ pɔr. Naniere men wɔ ndoŋ a ji asɔrso nɛ baa tre greeps nɛ men maŋ du, nsaa chuge asɔrso nɛ baa tre ɔlifs ashi ndibi nɛ men maŋ du so.’ ”

Demujipoana 3:7

Israɛlebi na daŋ teŋ Enyɛnpe bumo be Ebɔrɛ na so nna nseŋ wora alubi n da mo so, nsaa shuŋ kegbir nɛ baa tre Baal nɛ kegbirche nɛ baa tre Ashira na.