Ditɛronɔmi 5:4 - EBƆRƐ BE KAWƆL

⁴ Enyɛnpe Ebɔrɛ na daŋ bɔla edɛ to nna m malga n sa an nananyɛnana ashi kebeegboŋ na ase nɛ b nu mbe ebɔl.

Ditɛronɔmi 5:4 ပူးပေါင်းရင်းမြစ်များ

Ɛksodɔs 19:9

Nɛ Enyɛnpe Ebɔrɛ kaŋɛ Mosis: “Keni, meeŋ bɔla kuwɔlpagboŋ ko to a malga fo kutɔ, saŋɛ na so basa na beeŋ nu ŋ ka bee malga fo kutɔ nsaa yirda fo saŋkama.” Ndoŋ nna nɛ Mosis naŋ kaŋɛ Enyɛnpe Ebɔrɛ asheŋ nɛ bejuŋkparpoana na malɛ malga kikɛ.

Ɛksodɔs 20:1

Ade kikɛ be kaman nɛ Ebɔrɛ malga le be mmalga ere kikɛ ŋ kaŋɛ:

Ɛksodɔs 33:11

Enyɛnpe Ebɔrɛ na nɛ Mosis daa malga abar kutɔ nna fanɛ esa nɛ mo teri na. Kumo be kaman nɛ Mosis e bɛta m ba keeyi to. Mbe kayɛrbi, nɛ baa tre Joshuwa nɛ e la Nun pibinyɛn na bre daa shir a wɔ nshɛr be wajɛbu na to nna.

Nɔmbɛs 12:8

Ma nɛ mo ere bee wu abar nna nsaa malga abar kutɔ. Mannɛ aŋasa to nɛ mee malga mo kutɔ. E nyi kananɛ ma kapɔr du kikɛ! Amoso men maŋ kɔ ekpa nɛ men malga ŋ gbiti ma kayɛrbi Mosis!”

Nɔmbɛs 14:14

baaŋ kaŋɛ basa nɛ b wɔ kasawule ere so kikɛ kumo be asheŋ. Bumo alɛ teŋ nu fanɛ fo Enyɛnpe Ebɔrɛ na wɔ anyi kutɔ nɛ anyi nɛ fo bee malga abar kutɔ, nɛ fo kuwɔlpa buu anyi so nsaa juŋkpar anyi kapaso nɛ fo edɛ be kabulpi malɛ bee juŋkpar anyi kanyɛso.

Ditɛronɔmi 34:10

Anebi kikɛ maŋ naŋ lar Israɛl be efuli so a du fanɛ Mosis. Mo nɛ Enyɛnpe Ebɔrɛ na daa malga, baa wu abar nna.

Ditɛronɔmi 4:12

nɛ kananɛ Enyɛnpe Ebɔrɛ na bɔla edɛ na to m malga menyi kutɔ be asheŋ. Men daa nu kusɔ nɛ e daa kaŋɛ na nsaa pin to ama menyi alɛ daa maa wu mo kenishiso.

Ditɛronɔmi 4:15

Ade be kaman, nɛ Mosis naŋ kaŋɛ Israɛlebi na le: “Enyɛnpe Ebɔrɛ na ka daŋ bɔla edɛ na to m malga menyi kutɔ ashi Sainai be kebee na ase na, men daa maŋ wu mbe kapɔr kikɛ kenishiso. Amoso men baa da so

Ditɛronɔmi 4:33

Basa ko malɛ daŋ nu Ebɔrɛ be ebɔl ka shi edɛ to a malga bumo kutɔ fanɛ kananɛ men nu ere nseŋ kraa wɔ ŋkpa to a?

Ditɛronɔmi 4:36

E daŋ shin nɛ mbe ebɔl shi ebɔrɛso m ba nɛ men nu, saŋɛ na so e beeŋ ŋini menyi asheŋ. Mo alɛ naŋ shin nɛ men wu mbe edɛ cheembi kasawule ere so nna nɛ e bɔla kumo to m malga n sa menyi.

Ditɛronɔmi 5:22

Mbraana nɛ Enyɛnpe Ebɔrɛ na daŋ ta n sa Israɛl be basa kikɛ jemanɛ nɛ men daa wɔ kebee na ase na nna na. Jemanɛ nɛ e daŋ bɔla awɔlpa lembir gbitigbiti nɛ edɛ daa lar amo to na to m malga awɔrso na, mbraana ere nɛ e daŋ ta n sa na nɛ mannɛ apɔtɛ ko. Kumo be kaman nɛ e sibɛ amo n deŋi ajembu peŋgeleŋ peŋgelembi anyɔ so nseŋ ta amo n sa ma.