Ditɛronɔmi 5:27 - EBƆRƐ BE KAWƆL

²⁷ Amoso, Mosis, bɛta n yɔ n ya nu kusɔ kama nɛ Enyɛnpe, anyi be Ebɔrɛ na kaŋɛ nseŋ ba kaŋɛ anyi. Anyeeŋ nu nseŋ wora kusɔ kama nɛ e kaŋɛ.”

Ditɛronɔmi 5:27 ပူးပေါင်းရင်းမြစ်များ

Ɛksodɔs 18:20

Baa ŋini bumo Ebɔrɛ be mmalga nasesoana na nɛ mbe mbraana na nseŋ shin nɛ b pin kebaawɔtɔ nɛ Ebɔrɛ bee sha fanɛ b baa kɔ.

Ɛksodɔs 19:8

Nɛ basa na kikɛ chɛ abar n shuli so ŋ kaŋɛ: “Anyeeŋ wora asheŋ nɛ Ebɔrɛ kaŋɛ na kikɛ.” Kumo be kaman nɛ Mosis ya kaŋɛ Enyɛnpe Ebɔrɛ kusɔ nɛ basa na malɛ kaŋɛ na.

Ɛksodɔs 20:18

Basa na ka daŋ wu bɔrɛ ka nyɛkpɛ m ponte nɛ kabel ponte awɔrso nɛ b wu edishi ka sɔ kebeegboŋ na kikɛ so na nɛ kufu pɛ bumo nɛ b chicha kufuso nseŋ bɛta n yɔ kufɔ n ya yili.

Ɛksodɔs 20:19

Kumo be kaman nɛ b kaŋɛ Mosis le: “Nɛ fo ere gbagba malga anyi kutɔ, anyeeŋ nu, ama Ebɔrɛ bre malga anyi kutɔ, anyeeŋ wu.”

Ɛksodɔs 24:3

Mosis ka shi kebee na so m ba nɛ e ba kaŋɛ basa na mmalga nɛ Enyɛnpe Ebɔrɛ malga kikɛ nɛ mbraana nɛ e nase kikɛ. Nɛ basa na kikɛ kpaŋɛ ŋ kaŋɛ le: “Mmalga nɛ Enyɛnpe Ebɔrɛ malga na kikɛ, anyeeŋ bɛ amo so.”

Jɛremaya 42:5

Ndoŋ nna nɛ b kaŋɛ ma le: “Enyɛnpe Ebɔrɛ na gbagba e naaŋ baa la anyi be kashenteŋ be shɛdajipo fanɛ an nase kɔnɔ fanɛ anyeeŋ wora kusɔ kama nɛ e beeŋ bɔla fo so ŋ kaŋɛ anyi.

Jɛremaya 42:6

Kusɔ kama nɛ e beeŋ kaŋɛ anyi na, k par anyi nɛ k maŋ par anyi gba, anyeeŋ wora Enyɛnpe, anyi be Ebɔrɛ nɛ fee kule mo a sa anyi na kasonu, saŋɛ na so asheŋ beeŋ nite nɛnɛ n sa anyi.”

Ditɛronɔmi 5:26

Dimɛdi ko wɔtɔ nɛ e nu Ebɔrɛ, nɛ mo nawule la Ebɔrɛ ere, ka bɔla edɛ to m malga nseŋ ji efute a?

Ditɛronɔmi 5:28

Enyɛnpe Ebɔrɛ na ka nu loŋ nɛ e kaŋɛ ma le: “N nu kusɔ nɛ basa ere kaŋɛ fo, ma alɛ shuli m bɛ bumo so.

Hibruwebi 12:19

Kebee koŋwule na so nɛ kabel daŋ shu nɛ ebɔl daŋ ponte to na. Basa na ka nu ebɔl na nɛ b kule Mosis fanɛ b sa maŋ naŋ nu mmalga kama n ti so.

Joshuwa 24:24

Nɛ basa na malɛ kaŋɛ Joshuwa le: “Anyeeŋ shuŋ Enyɛnpe an be Ebɔrɛ na nseŋ wora mo kasonu.”