Ditɛronɔmi 5:26 - EBƆRƐ BE KAWƆL

²⁶ Dimɛdi ko wɔtɔ nɛ e nu Ebɔrɛ, nɛ mo nawule la Ebɔrɛ ere, ka bɔla edɛ to m malga nseŋ ji efute a?

Ditɛronɔmi 5:26 ပူးပေါင်းရင်းမြစ်များ

Jɛnesis 32:31

Epeŋi maŋ so nna pɔɛŋ nɛ e lar Peniyɛl a tɔr keleŋ so a yɔ.

Jɛnesis 6:12

Ndoŋ nna nɛ Ebɔrɛ wu fanɛ durnya jija, ŋkpal manɛ so, basa be asheŋ lubi sɔ durnya to kikɛ nyam nna nɛ dimɛdi be asheŋ woraso kikɛ ki kulubi.

Nshɛ 42:2

Kananɛ achukoŋ bee pɛ esa nɛ e bee fin nchu na, aloŋ nɛ mee fin fo Enyɛnpe Ebɔrɛ na ashi ma kagbene to. Saŋɛ mo nɛ meeŋ wu fo?

Nshɛ 42:3

M ma anishichubi e ki ma kapa nɛ kanyɛ be ajibi. Nɛ saŋkama basa bee bishi ma fanɛ nnɛ nɛ fo Ebɔrɛ na wɔ.

Nshɛ 84:2

Kumo to be keyɔ bee yɛlga ma ga! Enyɛnpe Ebɔrɛ na be bɔrɛlambu to be keyɔ wɔ ma kagbene to ga. N ta ma kagbene nɛ ma eyur kikɛ nna a boŋ nshɛ kagbenefuliso a sa Ebɔrɛ nɛ e wɔ ŋkpa to na.

Ɛksodɔs 20:22

Ndoŋ nna nɛ Enyɛnpe Ebɔrɛ kaŋɛ Mosis fanɛ e kaŋɛ Israɛlebi na le: “Menyi gbagba wu nseŋ nu kananɛ ma, Enyɛnpe Ebɔrɛ na malga n sa menyi ashi ebɔrɛso nna na.

Aizaaya 40:6

Esa ko daŋ kaŋɛ ma fanɛ m ponte awɔrso, nɛ m bishi mo le: “N ponte ŋ kaŋɛ manɛ?” Nɛ e yɛ: “Ponte ŋ kaŋɛ awɔrso fanɛ edimɛdi kikɛ du fanɛ afitiri nna; b maa chɛr kebaawɔtɔ to fanɛ kananɛ atoto maa chɛr nsaa chɔɔ a mur ashi kupuŋ to na.

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Matiu 26:63

Ama Yesu daŋ la to nna a yil. Nɛ bɔrɛmatapo nimuso na kaŋɛ mo le: “Ebɔrɛ nɛ e wɔ ŋkpa to ere so, kaŋɛ anyi, fo e la Kristo, Ebɔrɛ Pibinyɛn na a?”

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.

Romebi 3:20

Ŋkpal manɛ so, mannɛ esa nɛ e bee wora mbra be ashuŋ shunso e la esa nɛ Ebɔrɛ nase kumo fanɛ e la elelapo. Kusɔ nɛ mbra na baa ŋini e la kebaashin nɛ basa e baa pin kulubi be asheŋ.

2 Kɔrintebi 6:16

Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

Ditɛronɔmi 4:33

Basa ko malɛ daŋ nu Ebɔrɛ be ebɔl ka shi edɛ to a malga bumo kutɔ fanɛ kananɛ men nu ere nseŋ kraa wɔ ŋkpa to a?

Ditɛronɔmi 5:27

Amoso, Mosis, bɛta n yɔ n ya nu kusɔ kama nɛ Enyɛnpe, anyi be Ebɔrɛ na kaŋɛ nseŋ ba kaŋɛ anyi. Anyeeŋ nu nseŋ wora kusɔ kama nɛ e kaŋɛ.”

1 Tɛsalɔnikaebi 1:9

Le be basa ere malɛ kikɛ bee kaa malga kananɛ men daŋ sɔ anyi saŋɛ nɛ an daŋ bɔɔ menyi so na be asheŋ nɛ kananɛ men yige agbir nsaa bɛ kashenteŋ nɛ ŋkpa be Ebɔrɛ na so a wɔtɔ a jo mo Pibi Yesu

Joshuwa 3:10

Kananɛ menyeeŋ pin fanɛ Enyɛnpe Ebɔrɛ nɛ e wɔ ŋkpa to na wɔ menyi kutɔ nde. E beeŋ ju Keenanebi nɛ Hitebi nɛ Hivebi nɛ Pɛrizebi nɛ Gɛgashebi nɛ Amɔriebi nɛ Jebusiebi nɛ b wɔ Jɔɔdan be lɔr be kaba ndoŋ na kikɛ.

Demujipoana 13:22

Kumo be kaman nɛ Manoa kaŋɛ mbe eche: “Anyee shin nɛ an wu nna na, ŋkpal manɛ so, an wu Ebɔrɛ kenishiso!”

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”