Ditɛronɔmi 5:25 - EBƆRƐ BE KAWƆL

²⁵ Ama anyi maa sha kewora ewɔji nɛ edɛ gboŋgboŋi ere e mɔ anyi. An baa nyi geeŋ fanɛ nɛ Enyɛnpe, anyi be Ebɔrɛ na kraa malga anyi kutɔ, anyeeŋ wu.

Ditɛronɔmi 5:25 ပူးပေါင်းရင်းမြစ်များ

Jɛnesis 3:10

Nɛ enyɛn na shuli ŋ kaŋɛ: “N nu fo ka na kudɔbi na to nna nɛ kufu pɛ ma ŋkpal ŋ ka maŋ dela shɛŋ so, amoso nɛ n ya ŋana.”

Ɛksodɔs 20:18

Basa na ka daŋ wu bɔrɛ ka nyɛkpɛ m ponte nɛ kabel ponte awɔrso nɛ b wu edishi ka sɔ kebeegboŋ na kikɛ so na nɛ kufu pɛ bumo nɛ b chicha kufuso nseŋ bɛta n yɔ kufɔ n ya yili.

Ɛksodɔs 20:19

Kumo be kaman nɛ b kaŋɛ Mosis le: “Nɛ fo ere gbagba malga anyi kutɔ, anyeeŋ nu, ama Ebɔrɛ bre malga anyi kutɔ, anyeeŋ wu.”

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Ditɛronɔmi 18:16

Kachɛ nɛ men daŋ shɛr ashi kebeegboŋ nɛ baa tre Sainai na ase na, men daŋ kule ma nna fanɛ menyi maŋ naa sha kenu Enyɛnpe Ebɔrɛ na be ebɔl ŋko n wu mbe edɛ gboŋ na kikɛ, ŋkpal manɛ so, menyi daa lɔ kufu nna fanɛ menyeeŋ wu.”

Ditɛronɔmi 18:17

Ndoŋ nna nɛ Enyɛnpe Ebɔrɛ na kaŋɛ ma le: “Kashenteŋ nɛ b ji na.

Ditɛronɔmi 33:2

“Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

Ditɛronɔmi 5:24

m ba kaŋɛ: “Enyɛnpe, anyi be Ebɔrɛ na lara mbe keshi nɛ kemaŋkura ŋ ŋini kabre. E bɔla edɛ na to m malga nɛ an pin fanɛ Ebɔrɛ beeŋ tiŋ m malga basa kutɔ nɛ b nu nseŋ kraa wɔ ŋkpa to.

Hibruwebi 12:19

Kebee koŋwule na so nɛ kabel daŋ shu nɛ ebɔl daŋ ponte to na. Basa na ka nu ebɔl na nɛ b kule Mosis fanɛ b sa maŋ naŋ nu mmalga kama n ti so.

Hibruwebi 12:29

Ŋkpal manɛ so, anyi be Ebɔrɛ na du fanɛ edɛ chɔɔso nna a mur basa.