Ditɛronɔmi 5:16 - EBƆRƐ BE KAWƆL

¹⁶ Men baa bunyaŋ men tutoana nɛ men nioana, fanɛ kananɛ ma, Enyɛnpe, menyi be Ebɔrɛ na yili n sa menyi na; saŋɛ na so, asheŋ beeŋ nyalɛ n sa menyi nɛ menyi alɛ e chena kasawule nɛ n ta a sa menyi ere so n chɛr.

Ditɛronɔmi 5:16 ပူးပေါင်းရင်းမြစ်များ

Ɛksodɔs 20:12

Men baa bunyaŋ men nioana nɛ men tutoana, saŋɛ na so men be ŋkpa beeŋ teŋi so ashi kasawule nɛ mee ta a sa menyi na so.

Aŋasa 3:1

M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Ezikɛl 22:7

Menyi basa nɛ men wɔ kadegboŋ na to na maa sa men tutoana nɛ men nioana bunyaŋ. Menyee puni befɔ nna nsaa kɔrfɛ amunibi nɛ bekulpoche.

Levitikɔs 19:3

Men be ekama daga e sa mo nio nɛ mo tuto bunyaŋ, nseŋ ta Kewushiachɛ na kachɛ cheembi fanɛ kananɛ n yili n sa menyi na. Ma e la Enyɛnpe menyi be Ebɔrɛ na.

Matiu 19:19

baa bunyaŋ fo tuto nɛ fo nio nsaa sha fo barkasa fanɛ fo kumu.”

Maak 10:19

Fo nyi mbraana nɛ a bee kaŋɛ: Sa maŋ kaŋ mɔ, sa maa ji kubojua, sa maŋ kaŋ yuri, sa maŋ kaŋ ji efɛ be shɛda, sa maŋ kaŋ puni, baa bunyaŋ fo tuto nɛ fo nio.”

Maak 7:10

Ŋkpal manɛ so, anebi Mosis daŋ kaŋɛ fanɛ: ‘Bunyaŋ fo tuto nɛ fo nio,’ nɛ: ‘Ekama nɛ e malga ŋ gbiti mo nio nɛ mo tuto, b mɔ amodoŋwura.’

Luuk 18:20

Fo nyi mbraana nɛ a bee kaŋɛ, sa maa ji kubojua, sa maŋ kaŋ mɔ, sa maŋ kaŋ yuri, sa maŋ kaŋ ji efɛ be shɛda, baa bunyaŋ fo tuto nɛ fo nio na ŋko?”

Ditɛronɔmi 11:9

Nseŋ tiŋ n chena kasawule lela nɛ k bee wora adɔjibi ga, nɛ Enyɛnpe Ebɔrɛ na nase kumo be kɔnɔ n sa menyi nananyɛnana nɛ bumo kaman to ebi ere so n chɛr.

Ditɛronɔmi 27:16

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ ŋaba mo tuto ŋko mo nio so.” Nɛ basa nɛ b yil Ebal be kebee so na kikɛ shuliso le: ‘Amɛn!’

Ditɛronɔmi 4:40

Men baa wora mbe mbraana kikɛ nɛ mee sa menyi kabre ere kasonu, nɛ asheŋ a nyalɛ n sa menyi nɛ menyi be kaman to ebi kikɛ. Kumo be kaman nɛ men chena kasawule nɛ Enyɛnpe, menyi be Ebɔrɛ na bee ta a sa menyi na so mbaanaayɔ.”

Ditɛronɔmi 5:29

Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.

Ditɛronɔmi 5:33

Men baa bɛ amo kikɛ so, saŋɛ na so, asheŋ beeŋ nyalɛ n sa menyi nɛ men tiŋ n chena kasawule nɛ Enyɛnpe, menyi be Ebɔrɛ na bee ta a sa menyi na so n chɛr.

Ditɛronɔmi 6:2

A daga fanɛ menyi nɛ menyi be kamanebi kikɛ ka bee bunyaŋ Enyɛnpe menyi be Ebɔrɛ na nsaa wora mbe mbraana nɛ n ta a sa menyi ere kasonu menyi be kebaawɔtɔ kikɛ to, saŋɛ na so menyeeŋ chena kasawule na so n chɛr.

Kɔlɔsiebi 3:20

Mbia, men baa bunyaŋ men nioana nɛ men tutoana kusɔ kama to ŋkpal men ka la Enyɛnpe na peya so, aloŋ e naa par Enyɛnpe na.