Ditɛronɔmi 5:14 - EBƆRƐ BE KAWƆL

¹⁴ ama bɔkwe to be kachɛ shunusopo na la kewushiachɛ nna nsaa la meya. Esa kama maŋ daga fanɛ e shuŋ loŋ be kachɛ na. Menyi gbagba ŋko menyi be mbia ŋko anya ŋko asɔbɔya ŋko befɔ nɛ b wɔ menyi be efuli so na maŋ daga fanɛ b ka shuŋ. Menyi be anya gba daga fanɛ b wushi nna fanɛ kananɛ menyee wushi na.

Ditɛronɔmi 5:14 ပူးပေါင်းရင်းမြစ်များ

Jɛnesis 2:2

Kachɛ shunusopo na ka fo nɛ Ebɔrɛ loge mbe kushuŋ kikɛ, amoso kachɛ shunusopo na e wushi nna ashi ashuŋ nɛ e shuŋ na kikɛ nyam to.

Nehemaya 13:15

Ma alɛ daŋ naŋ dara m pin kusɔ nɛ Juda be basa na bee wora Kewushiachɛ na. Mannɛ kebaachichi asɔrso nɛ baa tre greep na so a wora yabra nawule nɛ b daa wora ama b daa teŋi ayu, nsaa chuge egreep nɛ figi be asɔrso nɛ adɔjibi pɔtɛana kikɛ n ti so nna Kewushiachɛ na. Bumo alɛ daa naa ta ekurma a sulɔ amo nna a yɔ Jerusalɛm n ya ka fa. Amoso n daŋ kpele bumo kusoe nna fanɛ b sa maŋ naa fa ajibi Kewushiachɛ.

Nehemaya 13:16

Basa nɛ b daŋ shi kadegboŋ nɛ baa tre Tayɛ nɛ b daa wɔ Jerusalɛm to na daa bar ekɔrɔtɔ nɛ asɔ pɔtɛana ko nna m ba ka fa ndoŋ Kewushiachɛ na.

Nehemaya 13:21

Ama n daŋ fɛa bumo so nna ŋ kaŋɛ le: “Nɛ men naŋ wora loŋ, meeŋ shin nɛ b pɛ menyi n ti ebu. Yili loŋ be kachɛ na a yɔ, b maŋ naŋ ba Jerusalɛm to Kewushiachɛ kikɛ.

Nehemaya 5:5

Anyi alɛ gba la Juwebi nna, nɛ anyi be mbia nɛ bumo be mbia kikɛ la kukoŋwule. Ama anyi ere bee fa anyi be mbia nna nɛ baa ki anya. Naniere anyi maŋ naa kɔ kechɛto kikɛ be tama ŋkpal an ka ta anyi be adɔsawule nɛ ndibi sɔrso be adɔana ŋ n chɛr ayu so.”

Ɛksodɔs 23:12

Men ta nchɛ ashe n shuŋ, nseŋ wushi kachɛ shunusopo na, saŋɛ na so men be ana dɔso nɛ ekurma gba beeŋ wushi. Nɛ men be elaŋ to be anya nɛ befɔ gba e wushi.

Levitikɔs 23:3

Nchɛnshe nɛ menyeeŋ ta n shuŋ menyi be ashuŋ, ama men baa nyiŋi fanɛ kachɛ shunusopo na bre la Kewushiachɛ nna. Loŋ be kachɛ nɛ menyeeŋ ta n shɛr abar so m bunyaŋ ma Enyɛnpe Ebɔrɛ na. Kaplɛkama nɛ men wɔ, Kewushiachɛ na la Enyɛnpe Ebɔrɛ na be kachɛ nna.

Maak 2:27

Kamalga ere be kaman nɛ Yesu naŋ kaŋɛ bumo: “B jɔŋɛ kewushiachɛ na nna n sa basa, mannɛ basa nɛ b lɔŋɛ n sa kewushiachɛ na.

Luuk 23:56

Kumo be kaman nɛ b bɛta n yɔ epe n ya wora ŋku dufɛso nɛ etulale n yili. Kewushiachɛ ka fo nɛ b wushi m bɛ kusɔ nɛ mbra na bee kaŋɛ na so.

Ditɛronɔmi 5:13

Nchɛ ashe nɛ men kɔ nɛ men ta n shuŋ menyi be ashuŋ,

Hibruwebi 4:4

Ŋkpal manɛ so, loŋ nɛ e malga kakpa ko ŋ kaŋɛ kachɛ shunusopo na be asheŋ fanɛ: “Ndoŋ nna nɛ Ebɔrɛ wushi kachɛ shunusopo na ashi mbe ashuŋ na kikɛ to nyam.”