Ditɛronɔmi 4:7 - EBƆRƐ BE KAWƆL

⁷ Efuligboŋ ŋko kefimbi kikɛ maŋ wɔtɔ a kɔ Ebɔrɛ nɛ e mata bumo nsaa nu bumo be kekule fanɛ kananɛ Enyɛnpe, anyi be Ebɔrɛ na du n sa anyi ere kikɛ. Jemanɛ kama nɛ an kule mo kechɛto, e bee nu anyi be kekule nna.

Ditɛronɔmi 4:7 ပူးပေါင်းရင်းမြစ်များ

2 Samuɛl 7:23

Efuli pɔtɛana so ebi kikɛ malɛ maŋ naa wɔtɔ a du fanɛ Israɛl be efuli so ebi nɛ fo lara kenyaya to ashi Ijipt be efuli so nseŋ ta bumo ŋ ki fo gbagba be basa ere so. Fo asheŋ tumase damta nɛ fo wora nɛ fo ketre dii na so e shin nɛ efuli pɔtɛana kikɛ ta bumo agbirana n shile efuliana na so, saŋɛ na so, fo basa beeŋ sɔ ndoŋ n chena.

Nshɛ 145:18

E wɔ bekama nɛ baa tre mo kagbene koŋwule so na kutɔ nna.

Nshɛ 147:20

E maŋ wora le n sa efuli pɔtɛ kama so be basa; b maŋ nyi mbe mbraana gba. Men baa kpaŋ Enyɛnpe Ebɔrɛ na!

Nshɛ 148:14

Mo e shin nɛ mbe efuli nya eleŋ, saŋɛ na so, mbe basa, Israɛlebi kikɛ, nɛ bumo be asheŋ wɔ mbe kagbene to na, beeŋ baa kpaŋ mo. Men baa kpaŋ Enyɛnpe Ebɔrɛ na!

Nshɛ 34:17

Enyɛnpe Ebɔrɛ na bee nu esa nɛ e bee wora asheŋ niŋiso be kushu nna, nsaa mɔlga mo ashi mbe tɔrɔ to.

Nshɛ 34:18

Enyɛnpe Ebɔrɛ na taga basa nɛ bumo be aba pɔ bumo na to nna. E bee mɔlga bekama nɛ b maŋ naa kɔ tama na nna.

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Nshɛ 73:28

Ama k walɛ ga ŋkpal ma ere ka taga fo, Ebɔrɛ na, to so. N ta fo, Enyɛnpetale Ebɔrɛ na, fanɛ ma ekumpo nna. Ma alɛ beeŋ baa bɔ fo emamachisheŋ na be kubɔya.

Nshɛ 85:9

Kashenteŋto e wora shiriya nɛ e mɔlga bekama nɛ baa ŋana mo na nna; saŋɛ na so mo gbagba be kemaŋkura beeŋ baa wɔ anyi be kasawule so.

Aizaaya 43:4

Meeŋ kplaŋ efuli pɔtɛana na so nseŋ mɔlga menyi, ŋkpal menyi be asheŋ ka bee par ma ga so. Ma alɛ bee sha menyi nna nsaa maŋkura menyi.

Aizaaya 55:6

Men fin Enyɛnpe Ebɔrɛ na nseŋ kule mo saŋɛ nɛ e taga menyi to ere.

Nɔmbɛs 23:21

Mee keni a wu fanɛ Israɛl be echefoso be kebaawɔtɔ maaŋ ba kɔ kumulubi nɛ tɔrɔ. Ŋkpal manɛ so Enyɛnpe, bumo be Ebɔrɛ na, wɔ bumo kutɔ nna. B yɛ, mo e la bumo be ewura.

Nɔmbɛs 23:9

N yili kebee be esoso n wu bumo. N wɔ kebee so a keni bumo. B la basa nɛ b kɔr bekama to nna. Basa nɛ Ebɔrɛ nɛfa.

Ashuŋ Shunso 17:27

E daŋ wora loŋ nna nɛ b laa n fin mo kukoko to n ya nya mo ashi bumo be kafin na to. Ama anyi be ekama ere nyam nɛ Ebɔrɛ maŋ wɔ kufɔ,

Ditɛronɔmi 26:19

Enyɛnpe Ebɔrɛ na e to efuliana na kikɛ, ama e beeŋ shin nɛ men nya ketre, nɛ b kpaŋ nseŋ maŋkura menyi a chɔ amo kikɛ. Menyi alɛ beeŋ baa la Enyɛnpe menyi be Ebɔrɛ na be basa gbagba nna, fanɛ kananɛ e nase kɔnɔ na.”

Ditɛronɔmi 33:29

Israɛlebi, men be ŋgbene fuli pasaa! Ekama maŋ wɔtɔ e du fanɛ menyi. Enyɛnpe Ebɔrɛ na mɔlga menyi be efuli nna. Mo gbagba e naa kuŋ menyi nsaa kɔ a sa menyi. Mo koŋwule na e naa chɛ menyi to a shin nɛ menyee kɔ a pɔɔ so. Men doŋana beeŋ ba gbir ŋ kule fanɛ men wu bumo kuwɔr, nɛ men chichi bumo so m mata kasawule.”

Ditɛronɔmi 4:32

Men bishi asheŋ to nɛnɛ a laŋɛ dra na be kaplɛa so. Kumo e la fanɛ pɔɛŋ nɛ b kurge menyi na hale n ya fo jemanɛ nɛ Ebɔrɛ to edimɛdi na nseŋ to kenishi ŋ keni durnya ere kikɛ to, kusɔ gboŋgboŋi ko fanɛ kede daŋ wora kikɛ a? Esa daŋ nu le be kesheŋ ere ŋ ku so a?

Ditɛronɔmi 5:26

Dimɛdi ko wɔtɔ nɛ e nu Ebɔrɛ, nɛ mo nawule la Ebɔrɛ ere, ka bɔla edɛ to m malga nseŋ ji efute a?

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.