Ditɛronɔmi 4:4 - EBƆRƐ BE KAWƆL

⁴ Ama menyi bumo nɛ b daa ji kashenteŋ a sa Enyɛnpe, menyi be Ebɔrɛ na, e kraa wɔ ŋkpa to kabre na.

Ditɛronɔmi 4:4 ပူးပေါင်းရင်းမြစ်များ

Nshɛ 63:8

M baa mar fo nna, nɛ fo enɔ lempo na, e baa kɔ ma to.

Aizaaya 26:20

Ma basa, men luri menyi be ebuana to nseŋ ti menyi be amu so n wɔtɔ. Men ŋana ndoŋ gbrɛbi, n ya fo fanɛ Enyɛnpe Ebɔrɛ na be agbo ka beeŋ wushi.

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Ashuŋ Shunso 11:23

E ka ba ndoŋ m ba wu kananɛ Ebɔrɛ nɛfa basa na nɛ mbe kagbene fuli mo ga nɛ e leŋ bumo kikɛ to fanɛ b bugi bumo be ŋgbene kikɛ kashenteŋto a nu a sa Enyɛnpe na.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

Ditɛronɔmi 10:20

Kumo be kaman, men baa sa Enyɛnpe menyi be Ebɔrɛ na bunyaŋ nsaa shuŋ mo nawule. Men baa ji kashenteŋ a sa mo nsaa nase nnɔ ashi mo nawule be ketre to.

Ditɛronɔmi 13:4

Men baa bɛ Enyɛnpe Ebɔrɛ na so nsaa bunyaŋ mo. Menyi alɛ e baa wora mo nɛ mbe mbraana kasonu nsaa shuŋ mo nseŋ naa ji kashenteŋ a sa mo.

Ditɛronɔmi 30:20

Men baa sha Enyɛnpe menyi be Ebɔrɛ na a wora mo kasonu nsaa ji kashenteŋ a sa mo nɛ menyi nɛ men be kaman to ebi e chena kasawule nɛ e nase kumo be kɔnɔ n sa men nananyɛnana, Eebraham nɛ Aizek nɛ Jeekɔb, na so n chɛr.”

Ditɛronɔmi 4:3

Men gbagba wu kusɔ nɛ Enyɛnpe Ebɔrɛ na wora ashi kebeegboŋ nɛ baa tre Piyɔɔ na ase. E daŋ mur ekama nɛ e daŋ shuŋ kegbir nɛ baa tre Baal na nna ashi ndoŋ.

Ditɛronɔmi 4:5

Mbraana nɛ Enyɛnpe, ma Ebɔrɛ na ta n sa ma na kikɛ nɛ ŋ ŋini menyi na. Men wora amo kasonu ashi kasawule nɛ menyee yɔ nɛ men ya kɔ n sɔ n chena so na so.

Joshuwa 22:5

Ama men baa da so nsaa bɛ mbra nɛ Mosis sa menyi, fanɛ: ‘Men baa sha men Nyɛnpe Ebɔrɛ na, nsaa wora mbe aparsheŋ. Men baa bɛ mbe mbra so, a ji kashenteŋ a sa mo, nsaa shuŋ mo nɛ men be ŋgbene nɛ ayoyu kikɛ.’ ”

Joshuwa 23:8

Ama men ba ji kashenteŋ a sa Enyɛnpe Ebɔrɛ na fanɛ kananɛ men chɛr a wora na.

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.

Kelaraŋŋini 20:4

Nɛ n naŋ wu kuwurputiana nɛ bumo nɛ b daa tase amo so na kikɛ. B daŋ sa bumo ekpa nna fanɛ b ji basa demu. Ma alɛ daŋ naŋ wu basa nɛ b daŋ mɔ ŋkpal b ka daŋ ji Yesu be shɛda so nɛ ŋkpal b ka daŋ malga Ebɔrɛ be kamalga na so na be ayoyu. Bumo alɛ daa maŋ maŋ kusɔbɔya na ŋko mbe kaduli na so, bumo alɛ daa maŋ naa kɔ mbe ndulgi na bumo be nsɔto so ŋko bumo be enɔana so. B daŋ naŋ nya ŋkpa nna n tu Kristo n ji kuwura nfɛ kagboŋ.