Ditɛronɔmi 4:36 - EBƆRƐ BE KAWƆL

³⁶ E daŋ shin nɛ mbe ebɔl shi ebɔrɛso m ba nɛ men nu, saŋɛ na so e beeŋ ŋini menyi asheŋ. Mo alɛ naŋ shin nɛ men wu mbe edɛ cheembi kasawule ere so nna nɛ e bɔla kumo to m malga n sa menyi.

Ditɛronɔmi 4:36 ပူးပေါင်းရင်းမြစ်များ

Nehemaya 9:13

Fo daŋ shi ebɔrɛso nna ŋ gbelge m ba Sainai be kebee na so m ba sa fo basa mbra nɛ keŋini nɛ a walɛ ga n sa bumo.

Ɛksodɔs 19:18

Kumo be kachɛ na, Sainai be kebeegboŋ na so kikɛ daŋ baa la edishi nna, ŋkpal manɛ so, Enyɛnpe Ebɔrɛ daŋ bɔla edɛ to nna m ba kumo so. Nɛ kumo be edishi na daŋ yɔ awɔlto fanɛ edishi nɛ a shi edɛ nɛ baa chɔɔ nɛ a shi ga na nɛ kebeegboŋ na kikɛ gbuŋgbuŋ to eleŋso.

Ɛksodɔs 19:19

Saŋɛ nɛ kabel na kraŋ baa ponte to awɔrso na nɛ Mosis malga Ebɔrɛ kutɔ nɛ Ebɔrɛ bɔla bɔrɛ be keponte na to m malga Mosis kutɔ.

Ɛksodɔs 19:9

Nɛ Enyɛnpe Ebɔrɛ kaŋɛ Mosis: “Keni, meeŋ bɔla kuwɔlpagboŋ ko to a malga fo kutɔ, saŋɛ na so basa na beeŋ nu ŋ ka bee malga fo kutɔ nsaa yirda fo saŋkama.” Ndoŋ nna nɛ Mosis naŋ kaŋɛ Enyɛnpe Ebɔrɛ asheŋ nɛ bejuŋkparpoana na malɛ malga kikɛ.

Ɛksodɔs 24:16

Nɛ Enyɛnpe Ebɔrɛ be kemaŋkura gbelge m ba Sainai be kebee na so nɛ kuwɔlpa na buu kumo so hale n ya fo nchɛnshe. Kachɛ shunusopo na nɛ Enyɛnpe Ebɔrɛ shi kuwɔlpa na be nferinto n tre Mosis.

Ditɛronɔmi 4:12

nɛ kananɛ Enyɛnpe Ebɔrɛ na bɔla edɛ na to m malga menyi kutɔ be asheŋ. Men daa nu kusɔ nɛ e daa kaŋɛ na nsaa pin to ama menyi alɛ daa maa wu mo kenishiso.

Ditɛronɔmi 4:15

Ade be kaman, nɛ Mosis naŋ kaŋɛ Israɛlebi na le: “Enyɛnpe Ebɔrɛ na ka daŋ bɔla edɛ na to m malga menyi kutɔ ashi Sainai be kebee na ase na, men daa maŋ wu mbe kapɔr kikɛ kenishiso. Amoso men baa da so

Ditɛronɔmi 4:33

Basa ko malɛ daŋ nu Ebɔrɛ be ebɔl ka shi edɛ to a malga bumo kutɔ fanɛ kananɛ men nu ere nseŋ kraa wɔ ŋkpa to a?

Ditɛronɔmi 8:5

Menyi alɛ e naa nyiŋi fanɛ Enyɛnpe menyi be Ebɔrɛ na e naa niŋi menyi nseŋ naa gberge menyi kusoe fanɛ kananɛ betuto nɛ benioana bee bela bumo be mbia na.

Hibruwebi 12:18

Men baa nyiŋi fanɛ men maŋ ba kebee mo nɛ baaŋ tiŋ m beta na ase nɛ edɛ wuloŋwuloŋ daa wɔ kumo so na. Ndoŋ nɛ tentembiri daŋ sɔ kakpa nɛ kaboŋ daŋ wora gbrum nɛ kumo be kaman nɛ afugboŋ ko daŋ ba na.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!