Ditɛronɔmi 4:31 - EBƆRƐ BE KAWƆL

³¹ Enyɛnpe, menyi be Ebɔrɛ na beeŋ wu menyi kuwɔr nsaa maŋ mur menyi ŋko ŋ kini menyi n lɛ. E beeŋ nyiŋi mbe kɔnɔ naseso nseŋ wora m bɛ mo nɛ men nananyɛnana be kɔnɔkoŋwule be ŋkre so.

Ditɛronɔmi 4:31 ပူးပေါင်းရင်းမြစ်များ

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

2 Kronikɛls 30:9

Men baŋ bɛta m ba Enyɛnpe Ebɔrɛ na kutɔ, kumo ere basa kama nɛ b kɔ n sɔ men kurgepoana na beeŋ wu bumo kuwɔr nseŋ shin nɛ b naŋ bɛta m ba epe. Men Nyɛnpe men be Ebɔrɛ na la esa ga nsaa wu kuwɔr, amoso nɛ men baaŋ bɛta m ba mo kutɔ, mo alɛ gba beeŋ sɔ menyi.”

Nehemaya 1:5

“O Enyɛnpe Ebɔrɛ nɛ fo wɔ ebɔrɛso, fo e kɔ eleŋ ga nɛ fo bunyaŋ shi m baŋ so. Fo alɛ e naa wora a bɛ fo nnɔ naseso so a sa bekama nɛ baa sha fo nsaa wora fo mmalga kasonu.

Nehemaya 9:31

Ŋkpal fo kuwɔrwu kaa shi ga so, fo maŋ pal kaman n sa bumo ŋko m mur bumo na, ŋkpal manɛ so, fo la kuwɔrwu be Ebɔrɛ nna.

Nshɛ 103:8

Enyɛnpe Ebɔrɛ na la ewɔrwupo nna, nsaa kɔ kanyiti; mbe kasha malɛ maa chɛrga kikɛ.

Nshɛ 105:8

E bee nyiŋi a bɛ mbe kɔnɔkoŋwule be ŋkre nɛ mbe nnɔ naseso nɛ e nase n sa menyi na so hale n ya fo yili kenana ko m ba tu kenana ko be ntuŋ kagboŋ so nna.

Nshɛ 111:4

Enyɛnpe Ebɔrɛ na maa shin nɛ anyee teŋ mbe emamachisheŋ so; Mo alɛ la esa nsaa wu kuwɔr nna.

Nshɛ 111:5

E bee sa bekama nɛ baa bunyaŋ mo na ajibi nna. Mo alɛ nsaa nyiŋi mo nɛ bumo be kɔnɔkoŋwule be ŋkre na hale mbaanaayɔ.

Nshɛ 111:9

Ebɔrɛ e sɔ mbe basa n yige; mo e wora mo nɛ bumo be kɔnɔkoŋwule be ŋkre mbaanaayɔ. E la esa cheembi nɛ esa gboŋgboŋi nɛ e daga bunyaŋgboŋ nna.

Nshɛ 116:5

Enyɛnpe Ebɔrɛ na bee wu kuwɔr nsaa walɛ; Kashenteŋto Ebɔrɛ kɔ kushuso pasaa.

Nshɛ 86:15

Ama fo, Enyɛnpe Ebɔrɛ na, la ewɔrwupo nɛ kasha be Ebɔrɛ nna. Fo la esa nna nsaa kɔ kanyiti, a wu kuwɔr jemanɛ kikɛ.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Ɛksodɔs 6:8

Meeŋ yɛr menyi kasawule nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb na so. Ma, Enyɛnpe Ebɔrɛ na beeŋ ta kumo n sa menyi nɛ k baa la menyeya.’ ”

Jɛremaya 14:21

Nyiŋi fo nnɔ naseso nsaa maŋ kini anyi n lɛ. Sa maŋ shin nɛ nyɔmɔ e ba Jerusalɛm nɛ k la kakpa nɛ fo kemaŋkura be kuwurputi wɔ na so. Sa maŋ lar anyi nɛ fo be kɔnɔkoŋwule be ŋkre na kaman.

Jɛremaya 30:11

Meeŋ ba menyi kutɔ m ba mɔlga menyi. Meeŋ mur efuliana nɛ m pesaŋ menyi to n yɔ na kikɛ, ama m maaŋ mur menyi ere. M maaŋ shin nɛ men nya menyi be amu n ji nɛ m maŋ gberge menyi kusoe. Ama meeŋ gberge menyi kusoe nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Levitikɔs 26:42

meeŋ nyiŋi ma nɛ Jeekɔb nɛ Aizek nɛ Eebraham be kɔnɔkoŋwule be ŋkre na nseŋ naŋ tiŋi ma kɔnɔ nɛ n nase fanɛ meeŋ sa ma basa kasawule na to.

Levitikɔs 26:44

Asheŋ nɛ b wora ere kikɛ be kaman, m maa ba nɛ m ba kplaŋ bumo so ŋko m mur bumo kuraa jemanɛ nɛ b wɔ bumo doŋana be efuli so na. Nɛ n wora loŋ k beeŋ shin nɛ ma nɛ bumo be kɔnɔkoŋwule be ŋkre na e ba ekar. Ma e la Enyɛnpe bumo be Ebɔrɛ na.

Levitikɔs 26:45

Meeŋ tiŋi kɔnɔkoŋwule be ŋkre nɛ ma nɛ bumo nanaana daŋ kre jemanɛ nɛ n daŋ lara ma basa ashi Ijipt be efuli so m ba nɛ efuliana na kikɛ wu ma eleŋgboŋ na to. Ma, Enyɛnpe Ebɔrɛ na beeŋ baa la bumo be Ebɔrɛ.”

Jona 4:2

Nseŋ kule Enyɛnpe Ebɔrɛ na ŋ kaŋɛ le: “O Enyɛnpe Ebɔrɛ, mannɛ le nɛ n daŋ kaŋɛ saŋɛ nɛ n kra wɔ epe na a? Loŋ so nɛ n nya manaŋ n shile n yɔ Tarshish na. N nyi fo ka la kasha nɛ kuwɔrwu be Ebɔrɛ, nsaa maa nya agbo manaŋ manaŋ. Fee wora kelela nna saŋkama nseŋ wora shiriya nɛ fo ta alubi m paŋ. Fo alɛ maa kuse a bar kasogberge basa so.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Nɔmbɛs 14:18

‘Ma, Enyɛnpe Ebɔrɛ na maa nya agbo manaŋ manaŋ, ma alɛ kɔ kashenteŋ be kasha nsaa ta bekama nɛ baa kini kenu n sa ma nsaa wora alubi na be alubi a paŋ bumo. Ama ma alɛ maaŋ yige kegberge bekama nɛ b wora alubi kusoe hale n ya fo bumo be kenanafofo nɛ kenana gbiramuli.’

Luuk 1:72

E yɛ e beeŋ wu an nanaana kuwɔr n nyiŋi mbe kɔnɔ naseso cheembi na.

Ditɛronɔmi 31:6

Men nya kagbene a kɔ kenyɛn. Men sa maa ŋana bumo. Ŋkpal manɛ so, Enyɛnpe menyi be Ebɔrɛ na gbagba beeŋ baa wɔ menyi kutɔ. Mo alɛ maaŋ lar menyi kaman ŋko ŋ kplaŋ menyi so kikɛ.”

Ditɛronɔmi 31:8

Enyɛnpe Ebɔrɛ na gbagba beeŋ baa wɔ fo kutɔ a juŋkpar fo. Mo alɛ maaŋ lar fo kaman ŋko ŋ kplaŋ fo so kikɛ; amoso sa maa pɔ aba ŋko a lɔ kufu.”

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.