Ditɛronɔmi 4:27 - EBƆRƐ BE KAWƆL

²⁷ Enyɛnpe Ebɔrɛ na beeŋ tintiŋ menyi n lar kasawule na so nseŋ pesaŋ menyi to n sɔ efuli pɔtɛana so, mboŋ nɛ menyi to be gbrɛbi beeŋ ya ji efute.

Ditɛronɔmi 4:27 ပူးပေါင်းရင်းမြစ်များ

Jɛnesis 11:4

Kede be kaman nɛ b kaŋɛ le: “Naniere bre men shin nɛ an pɔr kadegboŋ n sa anyi be amu nseŋ pɔr ketempreŋ jeŋgreŋ n ya chute awɔlpa, saŋɛ na so, anyi be ketre beeŋ dii nɛ anyi maaŋ naŋ pesaŋ to a wɔ kasawule so kikɛ.”

Jɛnesis 34:30

Le be asheŋ ere ka wora na be kaman nɛ Jeekɔb kaŋɛ Simiɔn nɛ Livai le: “Men bar ma tɔrɔ nna na. Naniere Keenanebi nɛ Pɛrizebi, nɛ b wɔ efuli ere so ere beeŋ kishi ma. Anyi alɛ be basa maŋ shi. Nɛ basa ere kikɛ wora kɔnɔkoŋwule, baaŋ mur ma nɛ ma laŋ to ebi ere kikɛ.”

Nehemaya 1:3

Nɛ b kaŋɛ ma fanɛ basa nɛ b bɛta n yɔ Jerusalɛm na wɔ tɔrɔ nɛ awurfoŋ to nna. B yɛ Jerusalɛm be egbal na bure n tɔr nɛ kumo be mbunagboŋana na malɛ gba ji edɛ.

Nshɛ 106:27

E yɛ e beeŋ pesaŋ bumo kaman to ebi nɛ baaŋ ka na n yɔ nnyamase to, saŋɛ na so baaŋ ya wu n tɔr efuli pɔtɛana so.

Nshɛ 44:11

Fo yige anyi nna nɛ an ki fanɛ asɔbɔya nɛ basa bee mɔ a ji, nseŋ pesaŋ anyi to n wɔtɔ efuli pɔtɛana to.

Nshɛ 44:12

K du fanɛ fo maŋ fa fo basa yawu kpakpaso, amoso fo maŋ nya tɔnɔ kikɛ.

Aizaaya 17:6

Basa gbrɛbi ko e naŋ ji efute nɛ Israɛl e ki fanɛ ɔlif be kedibi nɛ b chuge kumo so be asɔrso kikɛ nseŋ ka anyɔ ŋko asa ko ashi kumo be awɔlto ŋko asɔrso gbrɛbi ko ashi kumo be kaseto be ayabi so na. Ma, Enyɛnpe, Israɛl be Ebɔrɛ na e kaŋɛ na.”

Jɛremaya 16:13

Ŋkpal loŋ so meeŋ lara menyi ashi kasawule ere so nseŋ kpa menyi n lɛ kasawule nɛ menyi ŋko men nananyɛnana maŋ nyi so, nɛ kapa nɛ kanyɛ men ya kaa shuŋ agbir ndoŋ. Ma alɛ maaŋ wu menyi kuwɔr.’ ”

Ezikɛl 11:16

Ama kusɔ nɛ mee sha fanɛ fo, Ezikɛl, e kaŋɛ Israɛl be basa nɛ b wɔ Babilɔn be efuli so na e la fanɛ, ma e shin nɛ b yɔ efuli pɔtɛ so kufɔ kufɔ n ya pesaŋ to a wɔtɔ na. Ama naniere, ma nɛ menyi e naŋ baa la ashi efuliana nɛ men wɔ amo so na.

Ezikɛl 12:15

Ŋ kaŋ shin nɛ bumo nɛ b ka na pesaŋ to n yɔ efuli pɔtɛ wɔfɔ so na nɛ baaŋ pin fanɛ ma, e la Enyɛnpe Ebɔrɛ na.

Ezikɛl 20:23

Amoso nɛ n daŋ naŋ bɔ ntaŋ ŋ kaŋɛ bumo kiyi na to fanɛ meeŋ shin nɛ b pesaŋ to n sɔ efuliana pɔtɛana so na.

Ezikɛl 22:15

Ma alɛ beeŋ naŋ shin nɛ b pesaŋ to n yɔ efuli pɔtɛana so nɛ bumo be asheŋ lubi na kikɛ e ba ekar.

Ezikɛl 32:26

Meshɛk nɛ Tubal nɛ amo be benapo be nchaŋana kulti amo na gba wɔ ndoŋ. B la basa nɛ b maa ŋana Ebɔrɛ nna nɛ b mɔ bumo kikɛ kena to. Bumo e daa funti basa nɛ b wɔ ŋkpa to na.

Danɛl 9:7

Kusɔ nɛ k walɛ nɛ fo ere Enyɛnpe Ebɔrɛ bee wora saŋkikɛ. Ama anishinyɔr nɛ anyi ere bee kil a sa anyi be amu. Anyi bekama nɛ an wɔ Judiya be kasawule so nɛ Jerusalɛm to nɛ bekama nɛ fo shin nɛ b pesaŋ to n yɔ efuli wɔfɔana nɛ amo nɛ a taga to kikɛ so wora alubi ŋkpal an ka daa maa ji kashenteŋ a sa fo so na.

Hoziya 9:17

Ebɔrɛ nɛ mee shuŋ na beeŋ kini mo gbagba be basa ŋkpal b ka kini kenu n sa mo so. Baaŋ baa na a kilgi to ashi efuli pɔtɛana so nna fanɛ basa nɛ b maŋ kɔ epe na.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Zakareya 7:14

N daŋ pesaŋ bumo to nna n ya lɛ efuli pɔtɛana so fanɛ kananɛ afugboŋ bee pesaŋ asɔ to n ya kaa lɛ na, nɛ bumo be kasawule lela na dese fuloŋ nɛ esa kikɛ daa maŋ naa wɔ kumo so.

Ditɛronɔmi 28:36

Ade malɛ kikɛ be kaman, Enyɛnpe Ebɔrɛ na beeŋ shin nɛ bedoŋ e pɛ menyi nɛ men be ewura tintiŋ so n yɔ efuli pɔtɛ so, kakpa nɛ menyi ŋko men nananyɛnana maŋ naŋ chena ŋ ku so na, nɛ men ya shuŋ agbirana nɛ b ta ndibi nɛ ajembu n lɔŋɛ.

Ditɛronɔmi 29:28

Enyɛnpe Ebɔrɛ na daŋ nya agbo ga nna nseŋ lara bumo ashi bumo gbagba be kasawule so n ya lɛ efuli pɔtɛ nɛ b wɔ kumo so kabre ere so.”

Ditɛronɔmi 30:3

kumo ere Enyɛnpe menyi be Ebɔrɛ na beeŋ wu menyi kuwɔr. Mo alɛ beeŋ naŋ bɛta menyi n shi efuliana nɛ e pesaŋ menyi to n yɔ na so m ba nseŋ shin nɛ men naŋ dii dama.

Ditɛronɔmi 32:26

Meeŋ mur bumo kikɛ kuraa, nɛ esa maaŋ naŋ nyiŋi bumo gba.