Ditɛronɔmi 4:26 - EBƆRƐ BE KAWƆL

²⁶ Amoso, esoso nɛ kasawule bee ji ma shɛda kabre nna fanɛ nɛ men kaŋ kini kenu n sa ma, k maaŋ chɛr nɛ men mur kasawule na so. Menyi maaŋ chena kasawule nɛ k wɔ Jɔɔdan be kaba ndoŋ na so n chɛr. Menyeeŋ mur cheche.

Ditɛronɔmi 4:26 ပူးပေါင်းရင်းမြစ်များ

Jɛnesis 19:13

ŋkpal manɛ so, anyee shin nɛ an mur kade ere nna na. Asheŋ lubi nɛ baa malga a gbiti basa ere a sa Enyɛnpe na wora keshi ga, amoso nɛ e shuŋi anyi fanɛ an ba mur kumo na.”

1 Bewura 9:7

kumo ere meeŋ lara ma basa Israɛlebi ashi kasawule nɛ n ta n sa bumo ere so, nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ b baa bunyaŋ ma na to. Saŋɛ na so basa kikɛ beeŋ ba fɛl Israɛlebi nsaa keni bumo jiga.

Aizaaya 1:2

Ndoŋ nna nɛ Enyɛnpe Ebɔrɛ naŋ kaŋɛ: “Basa nɛ b wɔ ebɔrɛso nɛ kasawule so kikɛ e kaŋ asoe n nu kusɔ nɛ mee kaŋɛ ere! Mbia nɛ m bela e kilgi a kɔ ma na.

Aizaaya 6:11

Ndoŋ nna nɛ m bishi Enyɛnpe Ebɔrɛ na le: “Jemanɛ mo nɛ kede beeŋ fo ekar?” Nɛ e kaŋɛ ma le: “Jemanɛ nɛ ndegboŋana na beeŋ mur nɛ amo to be nwuana e ka a yil fuloŋ nɛ amo to be adɔsawule e dese jiga na nɛ k beeŋ fo ekar.

Jɛremaya 16:13

Ŋkpal loŋ so meeŋ lara menyi ashi kasawule ere so nseŋ kpa menyi n lɛ kasawule nɛ menyi ŋko men nananyɛnana maŋ nyi so, nɛ kapa nɛ kanyɛ men ya kaa shuŋ agbir ndoŋ. Ma alɛ maaŋ wu menyi kuwɔr.’ ”

Jɛremaya 2:12

Amoso nɛ n shin nɛ kufugboŋ tɔr esoso be asɔ kikɛ so nɛ e bee chicha kenishipereso na.

Jɛremaya 22:29

O Juda be kasawule so be basa! Men kaŋ asoe n nu kusɔ nɛ Enyɛnpe Ebɔrɛ na kaŋɛ:

Jɛremaya 32:24

Babilɔnebi na daŋ ba dɔ ashigboŋ nna m mata egbal nɛ k kulti Jerusalɛm na nna nɛ b dii so n luri to ŋ kɔ kumo kena. Kena na nɛ akoŋ nɛ alɔ e naaŋ shin nɛ b tiŋ ŋ kɔ n sɔ kadegboŋ na. Kusɔ kama nɛ fo kaŋɛ na bɔlɔ so kashenteŋto.

Jɛremaya 44:22

Kabre ŋ ka bee malga ere, menyi be kasawule na dese fuloŋ nɛ esa kikɛ maŋ naa wɔ kumo so. K ki kakpa nɛ kumo be asheŋ bee keta kejijɛ nɛ basa bee ta kumo be ketre a sho basa kɔnɔ ŋkpal Enyɛnpe Ebɔrɛ na ka daa maŋ naŋ nyiti menyi be kumu kpakpaso nɛ asheŋ woraso lubi na so.

Jɛremaya 6:19

Bumo be ashiri to be ŋkre na so, meeŋ shin nɛ jɛrbi gboŋgboŋi e ba bumo so, nɛ k baa la kasogberge n sa bumo ŋkpal b ka kini ma keŋini nsaa maŋ wora ma mmalga kasonu so.

Ezikɛl 33:28

Meeŋ shin nɛ kasawule na e ki kasawule fuloŋ a dese, nɛ basa nɛ b daa kɔ eleŋgboŋ nsaa wu bumo amu kumo so na e ba ekar. Israɛl be abee beeŋ ki mboŋ lubi nɛ esa kama maaŋ naŋ tiŋ m bɔla amo ase n choŋ.

Ezikɛl 36:4

Amoso naniere kusɔ nɛ ma Enyɛnpetale Ebɔrɛ na bee kaŋɛ menyi abeegboŋ nɛ abeebi nɛ eboŋana nɛ ataŋɛ nɛ mboŋ nɛ a bure a dese nɛ ndegboŋ nɛ basa shile amo to nɛ efuliana nɛ a kulti menyi na ba muu amo to be asɔ n yɔ nseŋ wora menyi eyurto na kikɛ nde.

Levitikɔs 18:28

nɛ kasawule na e sa maŋ kini menyi fanɛ kananɛ k kini nnyamase nɛ b daa wɔ kumo so na.

Maika 1:2

Menyi basa nɛ men wɔ durnya ere be efuliana kikɛ so e nu nfe! Menyi basa kama nɛ men wɔ kasawule ere kikɛ so gba e nu asheŋ ere! Enyɛnpetale Ebɔrɛ nɛ e wɔ mbe bɔrɛlambu cheembi to na, e naa shin nɛ e ji shɛda ŋ gbiti menyi.

Maika 6:2

O abeegboŋ nɛ durnya be nsawule be egbaltɔlase nɛ a wɔtɔ mbaanaayɔ, men nu asheŋ nɛ Enyɛnpe Ebɔrɛ na kɔ a semaŋ mbe basa Israɛlebi na.”

Luuk 21:24

Basa beeŋ ta etokobi m mɔ bumo be beko nɛ efuliana so ebi kikɛ e pɛ bumo be beko anya n yɔ bumo be efuliana so nɛ nnyamase e mur Jerusalɛm kikɛ nyam. K beeŋ ba du loŋ nna hale nɛ nnyamase na be eleŋ be jemanɛ e ya choŋ.

Ditɛronɔmi 11:17

Nɛ men wora loŋ, Enyɛnpe Ebɔrɛ na beeŋ nya agbo n wɔtɔ menyi nseŋ pɛ bɔrɛ nɛ menyi be adɔsawule e wɔl nɛ menyi be adɔjibi e wora ŋ gben. Kumo be kaman k maŋ chɛr nɛ menyi gbagba e wu m mur kasawule lela nɛ Enyɛnpe Ebɔrɛ na bee sa menyi na so.

Ditɛronɔmi 28:20

Nɛ fanɛ men kini Enyɛnpe Ebɔrɛ na nseŋ wora kulubi, e beeŋ shin nɛ kumu lubi gboŋgboŋi nɛ kebagato nɛ etɔrɔ e ba kusɔ kama nɛ menyeeŋ wora so nɛ men mur cheche.

Ditɛronɔmi 28:22

E beeŋ shin nɛ alɔ nɛ a bee suse nɛ asɔ puŋiso nɛ kayurbeldɛ e tɔr menyi so. Kumo be kaman, e beeŋ shin nɛ ewule nɛ afu tushiso a ba mur menyi be adɔjibi kikɛ. Le be aleblawu ere beeŋ baa wɔ menyi so hale n ya fo fanɛ men kikɛ ka beeŋ wu m mur.

Ditɛronɔmi 28:45

Nɛ menyi Israɛlebi baŋ maŋ wora Enyɛnpe menyi be Ebɔrɛ na kasonu nseŋ bɛ mbe mbraana nɛ e ta a sa menyi ere so, e beeŋ shin nɛ nnɔsho ere a ba menyi so m mur menyi.

Ditɛronɔmi 28:61

Ade kikɛ be kaman, mo alɛ beeŋ naŋ shin nɛ alɔ be yiri yiri nɛ a bee suse manaŋ manaŋ nsaa maŋ wɔ Ebɔrɛ be mbra be kawɔl ere to gba a ba mur menyi.

Ditɛronɔmi 29:28

Enyɛnpe Ebɔrɛ na daŋ nya agbo ga nna nseŋ lara bumo ashi bumo gbagba be kasawule so n ya lɛ efuli pɔtɛ nɛ b wɔ kumo so kabre ere so.”

Ditɛronɔmi 31:28

Amoso, shin nɛ Israɛl be eyiriana na be bejuŋkparpoana nɛ benimuana na e shɛr nɛ ŋ kaŋɛ bumo asheŋ ere nseŋ ta esoso nɛ kasawule ŋ ki eshɛdajipo fanɛ men kikɛ tea nyi kusɔ nɛ k daga fanɛ men baa wora.

Ditɛronɔmi 32:1

“Esoso nɛ kasawule so be asɔ, men nu ma mmalga ere; men nu kusɔ nɛ mee kaŋɛ ere nɛnɛ!

Ditɛronɔmi 7:4

Nɛ mannɛ aloŋ baaŋ lara menyi be mbia ashi kushuŋ Enyɛnpe Ebɔrɛ na to n ya wɔtɔ agbir be kushuŋ to. Kumo loŋ malɛ beeŋ shin nɛ Enyɛnpe Ebɔrɛ na e nya agbo ga n wɔtɔ menyi nseŋ mur menyi epul to.

Ditɛronɔmi 8:19

Mee kpele menyi kusoe kabre nna, fanɛ men sa maŋ kaŋ teŋ Enyɛnpe menyi be Ebɔrɛ na so ŋko n ya shuŋ agbir. Nɛ men kaŋ wora loŋ Enyɛnpe Ebɔrɛ na beeŋ mur menyi fanɛ kananɛ e beeŋ mur efuliana nɛ menyeeŋ kɔ kena na.”

Joshuwa 23:16

Nɛ men baŋ maŋ bɛ kɔnɔ naseso be ŋkre nɛ Enyɛnpe Ebɔrɛ sa menyi na so nsaa wɔtɔ a shuŋ nsaa bunyaŋ agbir bre, kumo ere e beeŋ gberge menyi kusoe agbo so nɛ men paŋ kasawule lela nɛ e ta n sa menyi ere gba.”

Joshuwa 24:20

Men baŋ yige Enyɛnpe na nsaa shuŋ nnyamase na be agbir na bre, e beeŋ kilgi ŋ gberge menyi kusoe. Kashenteŋ nna fanɛ e daa wɔ menyi kutɔ ama e beeŋ mur menyi cheche.”