23 Amoso, men baa da so nɛ menyi maaŋ teŋ menyi nɛ Enyɛnpe Ebɔrɛ na be kɔnɔkoŋwule be ŋkre na so. Men baa wora mbe mbraana kasonu nsaa maŋ kaŋ shuŋ kegbir be yiri kikɛ,
Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.
Ndoŋ nna nɛ n luri to n ya keni, nseŋ wu b ka wora awɔ nɛ asɔbɔya nɛ a maŋ walɛ keji be efoto n deŋi egbalana na so nɛ agbirana nɛ Israɛl be basa bee shuŋ ndoŋ.
Men baa nyiŋi men nananyɛn ma kayɛrbi Mosis be keŋini na, nɛ mbra nɛ n ta n sa mo ashi kebeegboŋ nɛ baa tre Sainai na so fanɛ e ta n sa Israɛl be basa kikɛ nɛ b bɛ amo so na.
Saŋkama nɛ men wu ajolobi na, a beeŋ ba nyiŋi menyi Enyɛnpe Ebɔrɛ be mbraana na, nɛ men ba bɛ amo so nsaa maaŋ ya ka ji kubojua a bɛ men be anishi be awuso nɛ men be ŋgbene be aparsheŋ lubi so.
Kamalga ere be kaman nɛ e kaŋɛ basa na kikɛ: “Men baa da so nsaa gelge kejimuni be yiri kikɛ, ŋkpal manɛ so, esa baa kɔ asɔ kanaŋkamaso gba, mbe ŋkpa bre maŋ la mo peya.”
Nɛ e kaŋɛ bumo le: “Men baa da so nɛ esa kikɛ e sa maŋ fule menyi, ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la mo!’ ŋko ‘Jemanɛ na fo!’ Men sa maŋ bɛ bumo so.
Ebɔrɛ be kɔnɔsho beeŋ ba esa kama nɛ e beeŋ ta kejembu ŋko kedibi ŋko kebɛlso n lɔŋɛ kegbir a shuŋ ashiri to so. Ŋkpal manɛ so, Enyɛnpe Ebɔrɛ na kishi kagbirshuŋ ga. Nɛ basa nɛ b yil Ebal be kebee so na kikɛ e shuli so le: ‘Amɛn!’
Kumo be kaman nɛ Mosis nɛ bɔrɛmatapoana nɛ b shi Livai be yiri to na naŋ kaŋɛ Israɛl be basa na le: “Israɛl be basa, men nu ŋ kutɔ nfe. Kabre anyi bee nyiŋi menyi nna fanɛ men la Enyɛnpe menyi be Ebɔrɛ na be basa nna,
Kusɔ nɛ beko beeŋ kaŋɛ e la: “Basa ere ka lar bumo Nyɛnpe, nɛ e la bumo nananyɛnana be Ebɔrɛ na be kɔnɔkoŋwule be ŋkre nɛ mo nɛ bumo kre jemanɛ nɛ e lara bumo Ijipt be efuli so kaman
Ma alɛ beeŋ keta bumo n yɔ kasawule nɛ k kɔ eleŋ a wora adɔjibi nɛnɛ na so fanɛ kananɛ n nase kumo be kɔnɔ n sa bumo nananyɛnana na. Baaŋ ya nya kusɔ kama nɛ baa sha n ji ndoŋ. Ama b kaŋ ya nya n ji n daŋ, baaŋ lar ma kaman n ya kaa shuŋ agbirana n jija ma nɛ bumo be kɔnɔkoŋwule be ŋkre na.
Nɛ men ka ya chena kasawule na so n chɛr nseŋ kurge mbia nɛ benanabi gba, men sa maŋ kaŋ lɔŋɛ kegbir be yiri kikɛ m bɔla kumo so n wora kulubi. K la kulubi nɛ Enyɛnpe Ebɔrɛ na kishi nna nɛ kumo alɛ bee wɔtɔ mo agbo to.
Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.
Sainai be kebeegboŋ na ase nɛ anyi nɛ Enyɛnpe, anyi be Ebɔrɛ na wora kɔnɔkoŋwule be ŋkre. Mannɛ an nananyɛnana nɛ mo e daŋ wora ŋkre na, ama anyi nɛ an wɔ ŋkpa to kabre ere gba nɛ mo e wora kumo.
Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.
Nɛ men baŋ maŋ bɛ kɔnɔ naseso be ŋkre nɛ Enyɛnpe Ebɔrɛ sa menyi na so nsaa wɔtɔ a shuŋ nsaa bunyaŋ agbir bre, kumo ere e beeŋ gberge menyi kusoe agbo so nɛ men paŋ kasawule lela nɛ e ta n sa menyi ere gba.”