Ditɛronɔmi 4:15 - EBƆRƐ BE KAWƆL

¹⁵ Ade be kaman, nɛ Mosis naŋ kaŋɛ Israɛlebi na le: “Enyɛnpe Ebɔrɛ na ka daŋ bɔla edɛ na to m malga menyi kutɔ ashi Sainai be kebee na ase na, men daa maŋ wu mbe kapɔr kikɛ kenishiso. Amoso men baa da so

Ditɛronɔmi 4:15 ပူးပေါင်းရင်းမြစ်များ

1 Bewura 19:12

Kasawule be kegbuŋgbuŋ na ka ba choŋ nɛ edɛ malɛ bɛ so ama Enyɛnpe na daa maŋ wɔ edɛ na gba to. Edɛ na ka ba choŋ, nɛ ebɔl fimbi ko kuli mmalga.

Nshɛ 119:9

Kebaawora fo kamalga kasonu e naaŋ shin nɛ mbifɔlbi be kebaawɔtɔ e baa walɛ nseŋ niŋi.

Ɛksodɔs 19:1

Ndoŋ nna nɛ Israɛlebi na lar Refidim. B ka daŋ lar Ijipt be kasawule so na be afɔl anyɔ nɛ b fo Sainai be keshishɛrsawule na so

Ɛksodɔs 20:4

Men sa maŋ kaŋ lɔŋɛ kusɔ kama nɛ k wɔ ebɔrɛso ŋko kasawule so ŋko nchu to ashi kasawule be kaseto be kaduli

Aŋasa 4:23

Baa da fo nfɛra fɛso so, ŋkpal manɛ so amo e naa ŋini fo kebaawɔtɔ.

Aŋasa 4:27

Baa gelge kulubi nsaa nite teteri, Sa maa kpele ekpa niŋiso na kikɛ.”

Aizaaya 40:18

Esa kikɛ maŋ du fanɛ Ebɔrɛ. Amoso esa maaŋ tiŋ ŋ ŋini kananɛ e du.

Jɛremaya 17:21

Kaŋɛ bumo fanɛ nɛ baa sha bumo be ŋkpa, b sa maŋ kaa sulɔ asɔ kewushiachɛ. B sa maŋ kaa sulɔ shɛŋ a bɔla mbunagboŋ na to a luri ŋko a lar Jerusalɛm to.

Malakai 2:15

Ebɔrɛ maŋ ta menyi nna m ber abar so nɛ men ki kukoŋwule a? Manɛ so nɛ e wora loŋ? E daŋ wora loŋ nna saŋɛ na so menyeeŋ kurge mbia nɛ b la Ebɔrɛ be basa kashenteŋto. Amoso k maŋ daga ekama ka kini mbe eche.

Ditɛronɔmi 10:4

Nɛ Enyɛnpe Ebɔrɛ na sibɛ Mbra Kudu na n deŋi amo so fanɛ kananɛ e daŋ wora sososo na. Mbra kudu nɛ e daŋ bɔla edɛ to m malga jemanɛ nɛ an daŋ shɛr kebeegboŋ na ase na e daa la. Enyɛnpe Ebɔrɛ na ka bɛta amo n sa ma

Ditɛronɔmi 4:12

nɛ kananɛ Enyɛnpe Ebɔrɛ na bɔla edɛ na to m malga menyi kutɔ be asheŋ. Men daa nu kusɔ nɛ e daa kaŋɛ na nsaa pin to ama menyi alɛ daa maa wu mo kenishiso.

Ditɛronɔmi 4:14

Enyɛnpe Ebɔrɛ na daŋ kaŋɛ ma nna fanɛ ŋ ŋini menyi mbraana nɛ menyeeŋ wora kasonu ashi kasawule nɛ menyee yɔ nɛ men ya kɔ n suge ashi Jɔɔdan be lɔr na be epeŋitɔrkpa be kaba so na.

Ditɛronɔmi 4:23

Amoso, men baa da so nɛ menyi maaŋ teŋ menyi nɛ Enyɛnpe Ebɔrɛ na be kɔnɔkoŋwule be ŋkre na so. Men baa wora mbe mbraana kasonu nsaa maŋ kaŋ shuŋ kegbir be yiri kikɛ,

Ditɛronɔmi 4:36

E daŋ shin nɛ mbe ebɔl shi ebɔrɛso m ba nɛ men nu, saŋɛ na so e beeŋ ŋini menyi asheŋ. Mo alɛ naŋ shin nɛ men wu mbe edɛ cheembi kasawule ere so nna nɛ e bɔla kumo to m malga n sa menyi.

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Ditɛronɔmi 5:4

Enyɛnpe Ebɔrɛ na daŋ bɔla edɛ to nna m malga n sa an nananyɛnana ashi kebeegboŋ na ase nɛ b nu mbe ebɔl.

Ditɛronɔmi 5:8

Men sa maŋ lɔŋɛ kusɔ kikɛ nɛ k wɔ ebɔrɛso ŋko kasawule so ŋko nchu to ŋko kasawule be kaseto be kapɔrduli n sa menyi be amu.

Ditɛronɔmi 9:10

Ndoŋ nna nɛ Enyɛnpe Ebɔrɛ na ta ajembu peŋgeleŋ peŋgelembi anyɔ nɛ mo gbagba daŋ sibɛ asheŋ nɛ e daŋ bɔla edɛ to m malga n sa menyi kachɛ nɛ men daŋ shɛr ashi kebeegboŋ na ase na n deŋi so.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Joshuwa 23:11

Amoso, men baa sha men Nyɛnpe Ebɔrɛ na ga nsaa da so nɛ men maaŋ wora n da mo so.