Ditɛronɔmi 34:9 - EBƆRƐ BE KAWƆL

⁹ Pɔɛŋ nɛ Mosis wu na, e daŋ lara Nun pibinyɛn, Joshuwa nna nɛ e sɔ mo ere Mosis so a juŋkpar basa na. Mosis daŋ ta mbe enɔana n deŋi Joshuwa so nna ŋ kule Ebɔrɛ n sa mo, nɛ Enyɛnpe Ebɔrɛ na sa mo kanyiasheŋ ga. Israɛl be basa na malɛ daŋ wora Joshuwa kasonu nna nseŋ daa bɛ mbraana nɛ Enyɛnpe Ebɔrɛ na bɔla Mosis so n ta n sa bumo na so.

Ditɛronɔmi 34:9 ပူးပေါင်းရင်းမြစ်များ

1 Bewura 3:12

Meeŋ sa fo kusɔ nɛ fo kule na. Meeŋ sa fo kanyiasheŋ nɛ nfɛra a chɔ basa kama nɛ b juŋkpar fo m ba durnya ere to nɛ bumo nɛ baaŋ ba kumo to fo kaman kikɛ.

1 Bewura 3:9

amoso jande sa ma kanyiasheŋ nɛ nfɛra nɛ meeŋ ta a pin kulubi nɛ kelela. Saŋɛ na so meeŋ tiŋ n ji bumo so kuwura nɛnɛ; nɛ mannɛ aloŋ, nuso nɛ meeŋ tiŋ n wora n ji fo basa damta ere kikɛ so kuwura?”

2 Bewura 2:15

Jɛriko be anebiana adunu na ka wu loŋ nɛ b kaŋɛ le: “Anebi Elaija be eleŋ gbelge Elaisha so,” Kumo be kaman nɛ b ya shɛr mo to ŋ jɔŋɛ mo ase

2 Bewura 2:9

B ka fo lɔr na be kaba ndoŋ nɛ anebi Elaija bishi Elaisha le: “Manɛ nɛ fee sha ŋ ka wora n sa fo pɔɛŋ nɛ Enyɛnpe Ebɔrɛ e ta ma a yɔ?” Nɛ Elaisha malɛ kaŋɛ: “Sa ma fo kenebiya be eleŋ na be ntuŋnyɔ so saŋɛ na so meeŋ tiŋ n sɔ fo so a shuŋ.”

1 Kronikɛls 29:23

Amoso Sɔlɔmɔn e daŋ sɔ mo tuto so n ji kuwura nɛ Enyɛnpe Ebɔrɛ yili n sa bumo na, nɛ asheŋ nite nɛnɛ nɛ Israɛl be efuli na so ebi kikɛ bee nu a sa mo.

Ɛksodɔs 12:28

Kumo be kaman nɛ Israɛlebi na yɔ n ya wora asɔ nɛ Enyɛnpe Ebɔrɛ daŋ kaŋɛ Mosis nɛ Ɛɛrɔn na kikɛ chap.

Ɛksodɔs 28:3

Shin nɛ basa nɛ ma ere Ebɔrɛ sa bumo enɔ to be kushuŋ be kenyi na, e lɔŋɛ Ɛɛrɔn be epiŋi na. Kumo be kaman nɛ b ta Ɛɛrɔn m bɔɔ ma Ebɔrɛ enɔ nɛ e shuŋ ma fanɛ bɔrɛmatapo.

Ɛksodɔs 31:3

nɛ n ta ma kiyoyu n wɔtɔ mo to nseŋ sa mo kasɔwora kikɛ be kenyi nɛ ketiŋ n wora be eleŋ nɛ kasɔlɔŋɛ be kepinto kikɛ nyam be nfɛra na.

Aizaaya 11:2

Enyɛnpe Ebɔrɛ na be kiyoyu e naŋ sa mo kanyiasheŋ nɛ kashennyi nɛ kasheŋwora be kenyi nɛ e ta n ji kuwura mbe basa so nɛnɛ. E beeŋ baa nyi Enyɛnpe Ebɔrɛ na be aparsheŋ nsaa bunyaŋ mo.

Danɛl 6:3

Nɛ Danɛl be kushuŋ bɔlɔ ewura na kenishi a chɔ mo braana na nɛ egomena na kikɛ. Ŋkpal loŋ so nɛ ewura na yili kumo fanɛ e beeŋ shin nɛ Danɛl e ki efuli na so kikɛ be ejuŋkparpo.

Nɔmbɛs 11:17

Meeŋ gbelge m ba ndoŋ m ba malga menyi kutɔ, nseŋ sa bumo eleŋ nɛ n sa fo na, saŋɛ na so baaŋ baa chɛ fo to a keni ma basa so nɛ esulɔ na maaŋ naa la fo nawule peya.

Baru lela nɛ Jɔn kute na 3:34

Emo nɛ Ebɔrɛ shuŋi na bee malga Ebɔrɛ be mmalga nna, ŋkpal manɛ so, Ebɔrɛ shin nɛ mbe Kiyoyu na bɔlɔ mo to felɛlɛ.

Ashuŋ Shunso 6:6

Bumo nɛ beyirdapoana na daŋ lara m bɔɔ beshuŋipo na enɔ nɛ b ta bumo be enɔana n deŋi n deŋi bumo nɛ b lara na so ŋ kule Ebɔrɛ n sa bumo.

Ditɛronɔmi 34:8

Nchɛ adesa nɛ Israɛl be basa daŋ shu Mosis be keeli bumo be daŋkare be ekpa so ashi Mowab be kasawule so.

Kɔlɔsiebi 2:3

Wulo na e la fanɛ Ebɔrɛ lara Yesu Kristo nɛ mo nawule shin nɛ an nya kanyiasheŋ kashenteŋto nseŋ shin nɛ an pin kashenteŋ na kikɛ.

1 Timoti 4:14

Loŋ na fo maaŋ gal kusɔ nɛ Ebɔrɛ ta m bɔɔ fo enɔ fanɛ fo wora saŋɛ nɛ basa wu fo asheŋ ŋ kaŋɛ nɛ benimu daŋ ta enɔana n deŋi fo so ŋ kule Ebɔrɛ n sa fo na n lɛ.

1 Timoti 5:22

Sa maa nya manaŋ a ta fo enɔ a deŋi esa kikɛ so a ta mo a bɔɔ Ebɔrɛ enɔ kabɔrɛkule to. Fo alɛ e sa maŋ kaŋ luri basa pɔtɛ be alubi to ŋko kusɔ jigaya be kebaawɔtɔ to.