Ditɛronɔmi 34:3 - EBƆRƐ BE KAWƆL

³ Enyɛnpe Ebɔrɛ na daŋ naŋ ŋini mo kasawule nɛ k dese ketaŋɛ nɛ baa tre Abii be Ndibi be Kadegboŋ, nɛ k mata Jɛriko n dese n ya fo kade nɛ baa tre Zowa na ashi kelargato be kaseto be kaba so na.

Ditɛronɔmi 34:3 ပူးပေါင်းရင်းမြစ်များ

Jɛnesis 13:10

Nɛ Lɔt maŋ mbe kumu so ŋ keni n wu Jɔɔdan be ketaŋɛ ka dese n ya fo Zowar, a kɔ nchu nseŋ daa du fanɛ Enyɛnpe Ebɔrɛ be kudɔbi nɛ baa tre Iden na, ŋko Ijipt be kasawule. [Ade kikɛ daŋ wora nna pɔɛŋ nɛ Enyɛnpe mur Sodɔm nɛ Gomɔra be ndegboŋ na.]

Jɛnesis 14:2

Sodɔm be ewura Bɛra nɛ Gomɔra be ewura Birsha nɛ Adnab be ewura Shinab nɛ Zeboyim be ewura Shemeber nɛ Bela nɛ baa tre Zowar na be ewura na.

Jɛnesis 14:8

Ndoŋ nna nɛ Sodɔm nɛ Gomɔra nɛ Adma nɛ Zeboyim nɛ Bela, bumo e la Zowar na, be bewura malɛ keta bumo be benapo n lar m ba Sidim be ketaŋɛ na to

Jɛnesis 19:22

Ama men baa shil manaŋ manaŋ. M maaŋ tiŋ n wora shɛŋ ama men fo ndoŋ nna pɔɛŋ.” [Ŋkpal Lɔt ka daŋ tre kade na kadebi na so so, b daa tre kumo Zowar nna.]

2 Kronikɛls 28:15

nɛ benimuana na lara epiŋi ashi asɔ nɛ b muu na to n sa basa nɛ b pɛ kena to na b bumo nɛ b maŋ kɔ asɔbuuso na. Kumo be kaman nɛ b sa bumo kikɛ epiŋi nɛ asɛbta nɛ ajibi nɛ nchu nseŋ wora ɔlif be ŋku a wɔtɔ bumo be achuuana to. Kede be kaman nɛ b ta bumo bekama nɛ b maŋ kɔ eleŋ na n chena ekurma so nseŋ keta bumo n yɔ Jɛriko be kade nɛ baa tre abii be ndibi be kade na to. Kumo be kaman nɛ Israɛlebi na bɛta n yɔ bumo pe Samɛria.

Nɔmbɛs 34:3

Kumo be kelargato be kaseto be kaba so beeŋ yili Zin be keshishɛrsawule na nɛ Edɔm be kasawule be kelargato be esoso be epeŋitɔrkpa be kaba so. Kumo be ekar beeŋ fara Nfɔl be Teku na be kelargato be kaseto be kaba so be epeŋilarkpa be kaba so,

Demujipoana 1:16

Kɛnebi nɛ b la Mosis mo shanyɛn be kaman to ebi daŋ tu Judaebi nna n lar kade nɛ baa tre Jɛriko na n ya chena m mata kade nɛ baa tre Arad nɛ k dese kasawule wɔlso nɛ k wɔ kelargato be kaseto na so.

Demujipoana 3:13

Ammɔnebi nɛ Amalɛkebi nɛ ewura Ɛglɔn daŋ shin nɛ b ba chɛ mo to ŋ kɔ Israɛlebi na kena n suge kadegboŋ nɛ baa tre Jɛriko na. Jɛriko malɛ nɛ b daa tre abiidibi be kadegboŋ na.