Ditɛronɔmi 34:1 - EBƆRƐ BE KAWƆL

¹ Ade kikɛ be kaman nɛ Mosis shi Mowab be kasawule so n dii n yɔ kebeegboŋ nɛ baa tre Pisga nɛ k wɔ kade nɛ baa tre Jɛriko na be epeŋilarkpa be kaba so na be awɔlto nɛ Enyɛnpe Ebɔrɛ na ŋini mo kananɛ Giliad be yiri be kasawule dese n ya fo Dan be yiri be kasawule kikɛ ashi kelargato be esoso be kaba so.

Ditɛronɔmi 34:1 ပူးပေါင်းရင်းမြစ်များ

Jɛnesis 13:14

Eebram nɛ Lɔt ka daŋ barga abar na be kaman nɛ Enyɛnpe Ebɔrɛ na kaŋɛ Eebram le: “Yili kaboŋ nɛ fo wɔ ere m maŋ fo kumu so ŋ keni ŋ kulti kakpa nɛ fo wɔ ere kikɛ.

Jɛnesis 14:14

Eebram ka nu fanɛ b pɛ mo sipo pibi na nɛ e tre benapo nɛ b kurge mbe laŋ to kikɛ m ba shɛr. Bumo kikɛ daa wɔ basa alfa asa nɛ kuduaburwa, nɛ b ju m buu bewura ana na so hale n ya fo kade nɛ baa tre Dan na.

Ezikɛl 40:2

Ndoŋ nna nɛ ŋ ku bɔrɛdare n wu fanɛ Ebɔrɛ ka keta ma n yɔ Israɛl be kasawule so n ya yili kebee jeŋgreŋ ko so nɛ ŋ keni kelargato be kaseto be kaba so n wu nwu damta ko nɛ a duli fanɛ kadegboŋ na.

Nɔmbɛs 21:20

nseŋ yili Bamɔf n yɔ Mowabebi be efuli so be kepla nɛ k gbelge to a yɔ kebeegboŋ nɛ baa tre Pisga nɛ k shoŋi keshishɛrsawule na.

Nɔmbɛs 23:14

Ndoŋ nna nɛ e keta Balaam n yɔ Zɔfim be ndɔ to be kebeegboŋ nɛ baa tre Pisga na be esoso n ya pɔr ebɔrɛsure ashunu ndoŋ gba, nseŋ mɔ gbolu nɛ kpakpa amo be kekama so n lara sarga.

Nɔmbɛs 27:12

Kachako nɛ Enyɛnpe Ebɔrɛ kaŋɛ Mosis le: “Dii abeegboŋ nɛ baa tre Abarim na be esoso ŋ keni kasawule nɛ n ta n sa Israɛlebi na.

Ditɛronɔmi 3:27

Dii n yɔ Pisga be kebeegboŋ na be awɔlto n ya to kenishi ŋ keni ŋ kulti. Keni kusɔ nɛ feeŋ wu kenishiso kikɛ nɛnɛ, ŋkpal manɛ so, fo maaŋ dii Jɔɔdan be lɔr na be kaba ndoŋ.

Ditɛronɔmi 32:49

“Yɔ abee nɛ baa tre Abarim nɛ a wɔ Mowabebi be kasawule so nseŋ shoŋi kadegboŋ nɛ baa tre Jɛriko na so n ya dii kebeegboŋ nɛ baa tre Nebo na n yili kumo so n to kenishi ŋ keni kasawule nɛ mee sha keta n sa Israɛlebi na.

Ditɛronɔmi 32:52

Amoso kufɔ nɛ feeŋ yili ŋ keni kasawule nɛ mee ta a sa Israɛl be basa na, ama fo alɛ maaŋ yɔ kumo so.”

Ditɛronɔmi 34:4

Ade be kaman nɛ Enyɛnpe Ebɔrɛ na kaŋɛ Mosis le: “Kasawule nɛ n nase kumo be kɔnɔ n sa Eebraham nɛ Aizek nɛ Jeekɔb fanɛ meeŋ ta n sa bumo be kaman to ebi na nna na. N shin nɛ fo wu kumo, ama fo alɛ maaŋ yɔ ndoŋ.”

Joshuwa 19:47

Dan be yiri to ebi na ka paŋ bumo be kasawule nɛ b yɔ Leshɛm n ya kɔ kumo kena m pɔɔ kumo so m mɔ kumo be basa kikɛ nseŋ sɔ kasawule na ŋ ki bumo peya. Ndoŋ nɛ b daŋ chena nseŋ chɛrga kade na be ketre Leshɛm na ŋ ki Dan. Bumo nananyɛn be ketre e daa la Dan.

Joshuwa 22:9

Ndoŋ nna nɛ basa nɛ b shi Ruben nɛ Gad be yiri to na nɛ Manase be yiri nɛ k wɔ epeŋilarkpa be kaba so na bɛta n yɔ bumo pe ana. B daŋ yige Israɛlebi be basa nɛ b ka na nna ashi Shilo nɛ k wɔ Keenan na nseŋ bɛta n yɔ bumo gbagba be kasawule so ashi Giliad nɛ b kɔ n sɔ fanɛ kananɛ Enyɛnpe Ebɔrɛ bɔla Mosis so ŋ kaŋɛ bumo kenishipereso na.

Kelaraŋŋini 21:10

Ndoŋ nna nɛ e ta ma kiyoyu to n yɔ kebee gboŋgboŋi jeŋgreŋ ko so n ya ŋini ma kadegboŋ cheembi na, kumo e la Jerusalɛm na nɛ k shi Ebɔrɛ kutɔ ashi ebɔrɛso a ba.

Demujipoana 18:29

nseŋ chɛrga kumo be ketre Layish na nseŋ ta bumo nananyɛn nɛ e daa la Jeekɔb pibinyɛn na be ketre, Dan, n nase kumo.