Ditɛronɔmi 33:8 - EBƆRƐ BE KAWƆL

⁸ A laŋɛ Livai be yiri be kaplɛa so, le nɛ Mosis kaŋɛ: “Fo Enyɛnpe Ebɔrɛ na e naa shin nɛ Livaiebi nɛ b la fo nyɛrbi a ji kashenteŋ na bee bɔla Urim nɛ Tumim so a pin fo aparsheŋ. Fo e daŋ wora bumo ŋ keni ashi Massa, nseŋ mige bumo to m pin fanɛ b la beshenteŋjipoana nna ashi Mɛriba be nchu na ase.

Ditɛronɔmi 33:8 ပူးပေါင်းရင်းမြစ်များ

2 Kronikɛls 23:6

Ekama maŋ kɔ ekpa nɛ e luri bɔrɛlambu na to ama bɔrɛmatapoana nɛ Livaiebi nɛ baa shuŋ kumo to kamɔnchɛ na nawule. Bumo ere beeŋ tiŋ ŋ luri ŋkpal b ka lara kulubi bumo be ŋgbene to nsaa du cheembi so. Ama menyi nɛ men ka ere bre daga fanɛ men bɛ Enyɛnpe Ebɔrɛ be keŋini so nseŋ yili kowushina.

Ɛzra 2:63

Ndoŋ nna Juwebi be gomena yili fanɛ b maŋ kɔ ekpa nɛ b ji ajibi nɛ b ta n lara sarga n sa Ebɔrɛ na n ya fo fanɛ bɔrɛmatapoana ka beeŋ ba bishi Ebɔrɛ m pin fanɛ b la bɔrɛmatapoana nna ŋko b maŋ la.

Ɛzra 8:28

Kumo be kaman nɛ ŋ kaŋɛ bumo le: “Menyi nɛ asɔ ere kikɛ ki asɔ cheembi nna n sa Enyɛnpe men nanaana be Ebɔrɛ na. Shuwa nɛ gbiti na kikɛ la kagbene koŋwule so be sarga nna nɛ an lara n sa Enyɛnpe men tutoana be Ebɔrɛ na.

Nehemaya 7:65

Gomena na daŋ kaŋɛ bumo ere nna fanɛ b maaŋ tiŋ n ji ajibi nɛ b ta n lara sarga n sa Ebɔrɛ na ama bɔrɛmatapo ko baaŋ ta asɔ nɛ baa tre Urim nɛ Thummim na n to beri ŋ ŋini fanɛ b la bɔrɛmatapoana kashenteŋto nna pɔɛŋ nɛ b tiŋ n ji esargajibi na.

Nshɛ 106:16

Bumo be ekama ashi bumo be keeyi to daa besa Mosis nɛ Ɛɛrɔn, nɛ b la Ebɔrɛ be nyɛrbi nɛ e lara n sa mbe kumu na eyur nna.

Nshɛ 16:10

Ŋkpal manɛ so, fee kuŋ ma ashi luwu to. Fo maaŋ shin nɛ fo kenya e luri nchaŋ to; ŋko n shin nɛ fo esa cheembi e wu m bɛ.

Nshɛ 81:7

Men ka daa wɔ etɔrɔ to, ma nɛ men shu n tre, nɛ m mɔlga menyi. Abɔrɛwɔlpa to nɛ n daa wɔ nseŋ nu menyi be kushu. Kumo be kaman nɛ n wora menyi ŋ keni ashi Mɛriba be kebuye na ase.

Ɛksodɔs 17:7

Nɛ Mosis nase kaboŋ na be ketre Masa nɛ Meriba, ŋkpal Israɛlebi na ka daŋ malga ŋ gbiti Enyɛnpe Ebɔrɛ nseŋ wora mo ŋ keni saŋɛ nɛ b bishi fanɛ Enyɛnpe Ebɔrɛ na wɔ anyi kutɔ nna ere ŋko e maŋ wɔtɔ na so so.

Ɛksodɔs 28:30

Saŋkama nɛ Ɛɛrɔn bee yɔ Enyɛnpe Ebɔrɛ na be anishito, a daga fanɛ e di demuji be kɔlgu nɛ Urim nɛ Tumim wɔ kumo to na nɛ a baa chɛ mo to nɛ e baa pin Enyɛnpe Ebɔrɛ na be nfɛra.

Ɛksodɔs 28:36

Men ta shuwa lela n lɔŋɛ kusɔ paŋgelambi nseŋ chaŋ le be nsibɛ n deŋ kumo so: ‘Cheembi n sa Enyɛnpe Ebɔrɛ na’

Levitikɔs 21:7

A maŋ daga bɔrɛmatapo ka ta eche nɛ e ji kesakalea ŋ ku so ŋko eche nɛ e teŋ pin enyɛn ŋko eche nɛ mo kul kini mo, ŋkpal manɛ so, e la esa cheembi nna.

Levitikɔs 8:8

Kumo be kaman nɛ e ta demuji be kɔlgu na n di mo nseŋ ta ajembubi nɛ baa ta a to beri a pin Ebɔrɛ be nfɛra nɛ baa tre amo urim nɛ tumim na n wɔtɔ kɔlgu na to.

Malakai 2:6

Kashenteŋ nɛ kebaawɔtɔ niŋiso be asheŋ nɛ b daa fɛ, manɛ asheŋ lubi. Ma nɛ bumo daa wɔ abar so kagbene wushiso nna. Mannɛ asheŋ nɛ e niŋi nawule nɛ b daa wora, ama b daŋ chɛ basa damta gba to nɛ b yige alubi be kebaawora.

Nɔmbɛs 16:5

Kumo be kaman nɛ e kaŋɛ Koora nɛ mo braana na le: “Echefo kachipurso Enyɛnpe Ebɔrɛ beeŋ ŋini anyi esa nɛ mo gbagba lara fanɛ e ki bɔrɛmatapo. Amodoŋwura malɛ beeŋ shuŋ mo kashenteŋto.

Nɔmbɛs 20:13

Israɛlebi na daŋ fubel m bile asheŋ nna m malga ŋ gbiti Enyɛnpe Ebɔrɛ na, nɛ e ŋini bumo mbe kecheembiya be eleŋ nseŋ sa bumo nchu nɛ b nuu nseŋ nase kakpa na be ketre Mɛriba. Mɛriba be kifito e la kefubel m bile asheŋ.

Nɔmbɛs 20:24

“Ɛɛrɔn be keya maaŋ cha kasawule nɛ n nase kɔnɔ fanɛ meeŋ ta n sa Israɛlebi na so. Ŋkpal menyi benyɔ ka kini kenu n sa ma ashi Mɛriba na so, meeŋ shin nɛ e wu.

Nɔmbɛs 27:21

Bɔrɛmatapowura Eliaza beeŋ baa ŋini mo kusɔ nɛ ma, Enyɛnpe Ebɔrɛ bee sha e ka bee wora. Loŋ e naŋ shin nɛ e baa tiŋ a juŋkpar Israɛlebi na a yɔ a ba.”

Nɔmbɛs 35:8

Israɛlebi be eyiriana na be kekama bee yili kananɛ bumo be kasawule sa so nna a sa Livaiebi na nde. Eyiri nɛ bumo be nsawule shishi na e naaŋ sa nde damta a chɔ bumo nɛ bumo be nsawule maŋ shishi na.”

Ditɛronɔmi 6:16

Men sa maŋ kaŋ wora Enyɛnpe menyi be Ebɔrɛ na ŋ keni, fanɛ kananɛ men daŋ wora ashi kakpa nɛ baa tre Massa na.

Ditɛronɔmi 8:16

Mo koŋwule na e sa menyi ajibi nɛ baa tre ‘manna’ na ashi keshishɛrsawule na so nɛ men ji. Ajibi nɛ men nananyɛnana maŋ naŋ ji ŋ ku so na nɛ e sa menyi. Enyɛnpe Ebɔrɛ daŋ shin nna nɛ etɔrɔbi ba menyi so nɛ e wora menyi ŋ keni nɛ men yirda mo, saŋɛ na so, e beeŋ nɛfa menyi nɛ asɔ lela.

Ditɛronɔmi 9:22

Ade kikɛ be kaman, b daŋ naŋ shin nɛ Enyɛnpe menyi be Ebɔrɛ na nya agbo jemanɛ nɛ b daa wɔ mboŋ nɛ baa tre Tabera nɛ Massa nɛ Kibrɔf Hattava na nna.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.

1 Samuɛl 28:6

ndoŋ nna nɛ e bishi Enyɛnpe Ebɔrɛ kusɔ nɛ k daga e ka wora. Ama Enyɛnpe Ebɔrɛ daa maŋ kaŋɛ mo shɛŋ. E daa maŋ bɔla edare so ŋko bɔrɛmatapo so ŋko anebi so m malga n sa mo.