Ditɛronɔmi 33:2 - EBƆRƐ BE KAWƆL

² “Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

Ditɛronɔmi 33:2 ပူးပေါင်းရင်းမြစ်များ

1 Bewura 11:18

B daŋ yili Midian nna n yɔ Paran nɛ basa ko ya ti bumo so, nɛ b yɔ Ijipt be ewura kutɔ nɛ ewura na sa Hadad kasawule nɛ laŋ nɛ ajibi.

Nshɛ 50:2

Ebɔrɛ wɔ kadegboŋ nɛ k walɛ ga, nɛ baa tre kumo Jerusalɛm na to a kpa edɛ pɛlpɛl nna.

Nshɛ 68:17

Enyɛnpe Ebɔrɛ, egbaŋɛturko lempo ŋgboŋto ŋgboŋto nɛ fo ta n shi Sainai be kebeegboŋ na so m ba fo lambu cheembi na to.

Nshɛ 68:18

Fo keta basa nɛ b ti ebu nna n dii n yɔ kebeegboŋ na be esoso. Ndoŋ nɛ basa ya kɛ fo asɔ. Fo doŋana nɛ b daa maa sha fanɛ fo baa wɔ ndoŋ gba sa fo ŋkɛ.

Ɛksodɔs 23:20

Ade kikɛ be kaman nɛ Ebɔrɛ kaŋɛ bumo le: “Meeŋ shin nɛ malaika ko e baa juŋkpar menyi ŋ kuŋ menyi ekpa to loŋ n ya fo kaboŋ nɛ n lɔŋɛ n yili menyi na.

Danɛl 4:13

Ŋ ka bee fɛ bɔrɛdare nɛ ŋ ku na be asheŋ, nɛ n wu malaika ko ka shi Ebɔrɛso ŋ gbelge to a ba,

Habakuk 3:3

Fo e la Ebɔrɛ cheembi nɛ fo shi kadegboŋ nɛ baa tre Tɛman ashi Edɔm be keshishɛrsawule so nɛ kebee nɛ baa tre Paran na so a ba na. Fo kela nɛ kemaŋkura parga to m buu esoso kikɛ so nna, nɛ fo kapandi malɛ sɔ kasawule so be kaplɛkama.

Nɔmbɛs 10:12

nɛ Israɛlebi na malɛ gba lar Sainai be keshishɛrsawule na so nseŋ pɛ ekpa m bɛ kuwɔlpa na so hale nɛ k ya yili Paran be keshishɛrsawule so.

Ashuŋ Shunso 7:53

Menyi nɛ emalaika daŋ bar Ebɔrɛ be mbra na, ama men kini kebɛ mbra na so.”

2 Kɔrintebi 3:7

B daŋ sibɛ mbra na n deŋi ajembu so nna. Saŋɛ nɛ anebi Mosis daŋ ta amo n sa Israɛlebi na nɛ Ebɔrɛ be kemaŋkura lar efuli hale n shin nɛ Mosis be anishiakpa daa kpa edɛ nɛ Israɛlebi daa maŋ tiŋ ŋ keni mo. Nɛ kumo be kekpa edɛ na malɛ ka daa beeŋ ba loge gba nde!

2 Kɔrintebi 3:9

Nɛ fanɛ kushuŋ nɛ k bee ji a bri basa baa kɔ kemaŋkura kumo to, kumo ere, kushuŋ nɛ k bee ji a mɔlga basa na beeŋ baa kɔ kemaŋkura a chɔ loŋ.

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Galeeshaebi 3:19

To, nɛ manɛ be tɔnɔ nɛ mbra na malɛ daa kɔ? B daŋ ta kumo nna n ti so nɛ k ŋini kusɔ nɛ k baa la kulubi nsaa wɔtɔ loŋ nɛ Eebraham be kamanto be esa nɛ b nase kɔnɔ na n sa na e ya ba. Emalaika so nɛ Ebɔrɛ daŋ bɔla n shin nɛ nyiŋgbasa, anebi Mosis nna na yili Ebɔrɛ nɛ basa be nferinto m bar mbra na.

Galeeshaebi 4:24

Anyeeŋ tiŋ ŋ koya kesheŋ ko ashi le be adrasheŋ ere to. Beche anyɔ na du fanɛ kɔnɔkoŋwule be ŋkre anyɔ nna. Amo be kuko shi Sainai be kebee na so nna nɛ kumo be kaplɛa so be mbia la anya. To, Heega peya nna na.

Ditɛronɔmi 5:22

Mbraana nɛ Enyɛnpe Ebɔrɛ na daŋ ta n sa Israɛl be basa kikɛ jemanɛ nɛ men daa wɔ kebee na ase na nna na. Jemanɛ nɛ e daŋ bɔla awɔlpa lembir gbitigbiti nɛ edɛ daa lar amo to na to m malga awɔrso na, mbraana ere nɛ e daŋ ta n sa na nɛ mannɛ apɔtɛ ko. Kumo be kaman nɛ e sibɛ amo n deŋi ajembu peŋgeleŋ peŋgelembi anyɔ so nseŋ ta amo n sa ma.

2 Tɛsalɔnikaebi 1:7

Mo e naaŋ sa anyi nɛ menyi nɛ menyee ji awurfoŋ ere ewushi kachɛ nɛ Enyɛnpe Yesu beeŋ lara mbe kumu ŋ ŋini durnya saŋɛ nɛ mo nɛ mbe emalaika lempo beeŋ shi ebɔrɛso m ba nɛ edɛ chɔɔso

Hibruwebi 12:20

Ŋkpal manɛ so, b daa maaŋ tiŋ ŋ keta kamalga mo nɛ k daŋ kaŋɛ fanɛ: “Hale nɛ kusɔbɔya gba beta kebee ere, b kpa mo ajembu m mɔ” na.

Hibruwebi 2:2

Baru mo nɛ k daŋ bɔla emalaika so m ba na daa la kashenteŋ nna, ŋkpal manɛ so, ekama nɛ e daa maŋ bɛ bumo so ŋko n nu n sa loŋ be kubɔya na, amodoŋwura daa nya kumo be kasogberge nɛ k daga mo nna.

Juud 1:14

Le malɛ be basa ere be asheŋ nɛ Inɔk nɛ e la esa nɛ e yili Adam be jemanɛ na so m bɛ so esa shunusopo na daŋ wu ŋ kaŋɛ na fanɛ: “Men keni Enyɛnpe nɛ mbe emalaika ŋgboŋ to ŋgboŋ to ba

Kelaraŋŋini 5:11

Kumo be kaman nɛ n naŋ keni nseŋ nu emalaika damtaana nɛ ŋgboŋ to be ŋgboŋ kudu be ebɔlana. B daŋ kulti kuwurputi na nna nɛ asɔbɔya keniso ana nɛ bejuŋkparpo na