Ditɛronɔmi 32:51 - EBƆRƐ BE KAWƆL

⁵¹ Ŋkpal manɛ so, menyi benyɔ na kikɛ daŋ maŋ ji kashenteŋ n sa ma ashi basa na be anishito. Jemanɛ nɛ men daa wɔ Meriba be nchu nɛ k mata kade nɛ baa tre Kadɛsh na ashi kiyi nɛ baa tre Zin so na ase, men daŋ maŋ maŋkura ma ashi basa na be anishito.

Ditɛronɔmi 32:51 ပူးပေါင်းရင်းမြစ်များ

Aizaaya 8:13

Baa nyiŋi fanɛ ma, Enyɛnpetale Ebɔrɛ na du cheembi nna. N nawule e daga fanɛ fo baa ŋana ga nsaa sa ma bunyaŋ.

Ezikɛl 47:19

Kasawule na be kelargato be kaseto be ekar beeŋ fara Tama be kade na nna ŋ keta n ya fo Kadɛsh Mɛriba be achubu na ashi kelargato be kaseto be epeŋilarkpa be kaba so nseŋ naŋ ta n sɔ kelargato be epeŋitɔrkpa be kaba so a shi Ijipt be gbaŋ to n ta ya fo Mɛditerenia be Teku ase.

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Nɔmbɛs 20:24

“Ɛɛrɔn be keya maaŋ cha kasawule nɛ n nase kɔnɔ fanɛ meeŋ ta n sa Israɛlebi na so. Ŋkpal menyi benyɔ ka kini kenu n sa ma ashi Mɛriba na so, meeŋ shin nɛ e wu.

Nɔmbɛs 27:14

Ŋkpal manɛ so, Israɛlebi na ka fubel m bile asheŋ m malga ŋ gbiti ma ashi Mɛriba nɛ k mata Kadɛsh ashi Zin be keshishɛrsawule so na, kakpa nɛ n shin nɛ nchu lar kefalta to na, menyi basa anyɔ na daŋ maŋ yirda ma nseŋ kini keshin nɛ Israɛlebi na pin ma eleŋ.”

Joshuwa 15:1

Juda gba be yiri to ebi na daŋ nya kasawule na be kaba ko nɛ k dese kelargato be kaseto be kaba so a yɔ Zin be keshishɛrsawule so ashi Edɔm be kasawule be ekar na nna.

1 Pita 4:17

Demu be kejiachɛ na taga to, Ebɔrɛ malɛ be kowu to ebi to nɛ k bee fara. Nɛ k baŋ fara anyi to bre, nuso nɛ asheŋ beeŋ ba kaa du n sa basa nɛ b maa nu a sa Ebɔrɛ be baru lela na?