Ditɛronɔmi 32:47 - EBƆRƐ BE KAWƆL

⁴⁷ Ebɔrɛ be mbraana na maŋ la mmalga fuloŋ nna. Amo e naaŋ sa menyi ŋkpa tenteŋ. Amoso, men baa wora amo kasonu nseŋ nya ŋkpa tenteŋ ashi kasawule nɛ k dese Jɔɔdan be lɔr na be kaba ndoŋ nɛ menyee yɔ nɛ men ya kɔ n sɔ n chena so na so.”

Ditɛronɔmi 32:47 ပူးပေါင်းရင်းမြစ်များ

Aŋasa 3:18

Bekama nɛ b kɔ kanyiasheŋ na, be ŋgbene bee fuli bumo nna. Bumo be kanyiasheŋ bee sa bumo ŋkpa tenteŋ nna.

Aŋasa 3:22

Ŋkpal manɛ so, amo e naŋ sa fo kagbenefuli be ŋkpa nɛ k wɔ ebel.

Aŋasa 4:13

Baa nyiŋi asɔ nɛ fo koya na saŋkikɛ, nsaa kɔ amo to kpakpa, ŋkpal manɛ so kusɔ nɛ fo koya e la fo ŋkpa.

Aŋasa 4:22

Ŋkpal manɛ so a beeŋ sa esa kama nɛ e pin amo to ŋkpa nɛ alenfia.

Aizaaya 45:19

Mannɛ ashiri to nɛ m malga ŋko n ta ma ŋkre ŋ ŋana. M maŋ kaŋɛ Israɛl be basa fanɛ, nɛ b fin ma b maaŋ wu ma a. Ma e la Enyɛnpe Ebɔrɛ nɛ e bee ji kashenteŋ na. Kusɔ nɛ k bɔla ekpa nɛ mee kaŋɛ.”

Levitikɔs 18:5

Men baa wora a bɛ ma atande nɛ mbraana so. Men wora loŋ, menyeeŋ mɔlga menyi be amu, ŋkpal manɛ so, ma e la Enyɛnpe Ebɔrɛ na.”

Eemɔs 5:4

Le nɛ Enyɛnpe Ebɔrɛ kra kaŋɛ Israɛl be basa: “Israɛlebi, men bɛta m ba ŋ kutɔ saŋɛ na so menyeeŋ nya ŋkpa.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Ashuŋ Shunso 7:38

Mosis koŋwule na nɛ Israɛlebi nɛ b daŋ shɛr kiyi to na e daa la ndoŋ. Mo nɛ an nanaana nɛ malaika nɛ e daŋ malga mo kutɔ ashi Sainai be kebee na so e daa la. Mo nɛ Ebɔrɛ daŋ ta mbe kubɔya nɛ k maŋ kɔ ekar na n sa nɛ e ba sa anyi.

Ditɛronɔmi 30:16

Nɛ menyeeŋ wora Enyɛnpe, menyi be Ebɔrɛ na be mbraana kasonu nseŋ sha mo bre, menyeeŋ dii dama nsaa la efuli nɛ kumo be basa shi. Enyɛnpe menyi be Ebɔrɛ na malɛ beeŋ nɛfa menyi ashi kasawule nɛ menyee yɔ nɛ men ya sɔ n chena so na so.

Ditɛronɔmi 31:13

Ekpa nɛ men be kaman to ebi nɛ b maŋ naŋ nu Enyɛnpe menyi be Ebɔrɛ na be mbra be asheŋ beeŋ bɔla so n nya kumo n nu nna na. Kumo be loŋ beeŋ shin nɛ b koya kebaawora mo kasonu bumo be kebaawɔtɔ to ashi kasawule nɛ menyee yɔ nɛ men ya sɔ n chena so ashi Jɔɔdan be lɔr na be kaba ndoŋ na.”

Ditɛronɔmi 33:25

Ebɔrɛ e shin nɛ bumo be mbunagboŋ e baa la abɛlso a kuŋ bumo be ndeana jemanɛ kikɛ.

Ditɛronɔmi 4:40

Men baa wora mbe mbraana kikɛ nɛ mee sa menyi kabre ere kasonu, nɛ asheŋ a nyalɛ n sa menyi nɛ menyi be kaman to ebi kikɛ. Kumo be kaman nɛ men chena kasawule nɛ Enyɛnpe, menyi be Ebɔrɛ na bee ta a sa menyi na so mbaanaayɔ.”

Ditɛronɔmi 4:6

Men ya ta kashenteŋji n wora amo kasonu nɛ efuli pɔtɛ so be basa na e wu kananɛ menyi be kanyiasheŋ du. Nɛ b kaŋ nu mbraana ere be asheŋ, baaŋ kaŋɛ le: ‘Efuligboŋ ere be basa nyi asheŋ nsaa pin asheŋ to pasaa!’ ”

Ditɛronɔmi 8:3

Amoso nɛ e daŋ shin nɛ akoŋ pɛ menyi, kumo be kaman nɛ e sa menyi ajibi nɛ menyi nɛ men nananyɛnana maŋ naŋ ji ŋ ku so na. Ajibi na nɛ baa tre ‘manna’ na. Mo alɛ daŋ wora loŋ nna nɛ e ŋini menyi fanɛ a maŋ daga fanɛ men baa wɔtɔ ŋkpal ajibi nawule so, ama ŋkpal kusɔ kama nɛ Enyɛnpe Ebɔrɛ na kaŋɛ so.

1 Timoti 4:8

Ŋkpal manɛ so, esa be kebaakeni mbe eyur so la kusɔ lela nna, ama esa baa ŋini mbe kumu abɔrɛsheŋ be kebaawɔtɔ, loŋ e bɔ, ŋkpal manɛ so, k beeŋ tiŋ n chɛ mo to durnya ere to nfe nseŋ naŋ chɛ mo to saŋɛ nɛ e beeŋ yɔ ebɔrɛso na.

2 Pita 1:16

Men baa nyi fanɛ mannɛ dimɛdi be kanyiashenso be nfɛra fɛso be ablɔmbi so nɛ an daa bɛ saŋɛ nɛ an daŋ kaŋɛ menyi an Nyɛnpe Yesu Kristo be eleŋ nɛ mbe keba be asheŋ na. An daŋ wu kemaŋkura na kenishiso.

2 Pita 1:3

Ebɔrɛ bɔla mbe eleŋ so n sa anyi kusɔ kama nɛ k daga fanɛ an baa kɔ n tiŋ a wɔ kabɔrɛŋana be kebaawɔtɔ nɛ k daga to. Anyi be kebaanyi emo nɛ e bɔla mo gbagba be kemaŋkura nɛ mbe kelela so n tre anyi na so nɛ e wora loŋ.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.