Ditɛronɔmi 32:43 - EBƆRƐ BE KAWƆL

⁴³ Efuli pɔtɛana be basa, a daga fanɛ men tu Enyɛnpe Ebɔrɛ na be basa n ji eyur, ŋkpal manɛ so, e bee gberge bekama nɛ b mɔ mbe basa kusoe nna. Mo e naa bishi mo doŋana kuwule nsaa ta mbe basa be alubi a paŋ bumo na.”

Ditɛronɔmi 32:43 ပူးပေါင်းရင်းမြစ်များ

Jɛnesis 12:3

Bekama malɛ nɛ b nɛfa fo, ma alɛ gba beeŋ nɛfa bumo. Ama ekama nɛ e sho fo kɔnɔ, ma alɛ gba beeŋ sho amodoŋwura kɔnɔ. Fo so nɛ meeŋ bɔla n nɛfa durnya to ebi kikɛ.”

1 Bewura 8:43

kumo ere fo yili esoso n nu bumo be kekule nseŋ wora kusɔ nɛ baa sha n sa bumo, saŋɛ na so durnya be basa kikɛ beeŋ pin fo nsaa nu a sa fo fanɛ kananɛ fo basa Israɛlebi bee nu a sa fo na. Loŋ nɛ baaŋ pin fanɛ bɔrɛlambu nɛ m pɔr ere la kakpa nɛ k daga b ka bee bunyaŋ fo nna.

2 Bewura 9:7

Ama a daga fo ka mur ewura Ahab nɛ e la fo nyɛnpe na be laŋ to ebi kikɛ ŋ gberge bumo kusoe ŋkpal mbe eche Jɛzebel ka mɔ mbe anabiana nɛ mbe nyɛrbi so.

Job be kawɔl 13:24

Manɛ nna nɛ fee ŋana ma so nsaa ta ma fanɛ fo doŋ?

Nshɛ 22:27

Efuliana kikɛ so ebi beeŋ nyiŋi Enyɛnpe Ebɔrɛ na, nɛ basa e shi durnya be kaplɛkama, ŋ kilgi m bɛ mo so a bunyaŋ mo.

Nshɛ 58:10

Nɛ belelaworapo baŋ wu alubiworapoana ka nya bumo be alubi be kasogberge, bumo be ŋgbene beeŋ fuli bumo nɛ b fɔr bumo be aya ashi bumo doŋana na be ŋklaŋ to.

Nshɛ 65:3

Anyi be alubi pɔɔ anyi so, nɛ fo ta anyi be aworandeso m paŋ anyi.

Nshɛ 79:10

Manɛ nna nɛ efuli pɔtɛana na bee bishi anyi fanɛ, nnɛ nɛ menyi be Ebɔrɛ na wɔ? Shin nɛ an wu kasogberge nɛ k bee ba efuliana na so, ŋkpal b ka chulgi basa nɛ b shuŋ fo be ŋklaŋ n wurge so.

Nshɛ 79:9

O Ebɔrɛ nɛ fo la anyi be emɔlgapo, chɛ anyi to! Ŋkpal fo ketre be kemaŋkura so, mɔlga anyi nseŋ ta anyi be alubi m paŋ anyi.

Nshɛ 85:1

O Enyɛnpe Ebɔrɛ, fo e nɛfa fo kasawule nseŋ shin nɛ kusɔ kama nite nɛnɛ n sa Israɛlebi nɛ b la Jeekɔb be kaman to ebi na.

Nshɛ 85:3

Fo daŋ kaa kagbene nna, n nya agbo n wɔtɔ bumo.

Aizaaya 1:24

Amoso, naniere men nu kusɔ nɛ Enyɛnpetale Israɛl be Ebɔrɛ lempo na bee kaŋɛ. E yɛ: “Meeŋ wora n tal menyi nɛ men la n doŋana ere to, nɛ menyi maaŋ naa wora asheŋ a tɔrɔ ma.

Aizaaya 1:25

Meeŋ gberge menyi kusoe kenishipereso nɛ ebɔl e lar menyi. Meeŋ lara eyurpi menyi so fanɛ kananɛ baa ta edɛ a lara eyurpi ashi abɛlso to na.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 19:23

Nɛ loŋ be jemanɛ na kaŋ fo, kegbembi lela gboŋgboŋi beeŋ dese n shi Ijipt n ya fo Asiriya. Saŋɛ na so efuli anyɔ ere be basa beeŋ baa yɔ abar be efuliana na so a ba nsaa tu abar a shuŋ Ebɔrɛ.

Aizaaya 19:25

Ade kikɛ be kaman nɛ Enyɛnpetale Ebɔrɛ na e nɛfa bumo nseŋ kaŋɛ le: “Ijiptebi la ma basa nna. Ma e to Asiriyaebi nseŋ lara Israɛlebi fanɛ ŋ gbagba be basa.”

Aizaaya 44:22

Ma e fuge menyi be alubi fanɛ afu ka ber kuwɔlpa n ya lɛ na nna. Men bɛta m ba ma kutɔ. Ma e la esa nɛ e bee mɔlga menyi.”

Aizaaya 60:6

Enyɔma be ntuŋ damta beeŋ shi efuliana nɛ baa tre Midian nɛ Efa na so n sulɔ asɔ lela m ba sɔ menyi be efuli na kikɛ so. Beko beeŋ shi Shiba be kasawule so n sulɔ shuwa nɛ eduwu m ba kaa lara esarga a sa Enyɛnpe Ebɔrɛ na nsaa malga kusɔ nɛ e wora be asheŋ!

Aizaaya 66:10

Menyi kikɛ nɛ menyee sha Jerusalɛm be kadegboŋ be asheŋ, men tu kumo n ji eyur! Menyi nɛ menyi be ŋgbene jija ŋkpal kumo so na e tu kumo n ji eyur naniere!

Jɛremaya 13:14

Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”

Jɛremaya 51:36

Nɛ Enyɛnpe Ebɔrɛ na kaŋɛ le: “N yil menyi be kaman nna, nɛ n sɔ menyi be kɔnɔ so ŋ ka Babilɔn be basa kukɔ. Meeŋ shin nɛ bumo be elɔr nɛ mbombi kikɛ e wɔl to nɛ b sa maŋ naa nya nchu.

Nfabel 2:5

Enyɛnpe Ebɔrɛ na daŋ mur Israɛl nna fanɛ edoŋ na, nseŋ daŋ shin nɛ kumo be mboŋ lempoana nɛ ewurkpaana ki alambure a dese. N naŋ shin nɛ kebɔltofinfin nɛ kushu naŋ wora keshi n ti so n sa Juda be efuli so be basa.

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Ezikɛl 25:14

Kumo be kaman nɛ n shin nɛ ma basa Israɛlebi na e wora n tal Edɔm be basa to, nɛ b pin kananɛ kanya agbo gboŋ du. Ŋ kaŋ gberge Edɔm be basa kusoe na, nɛ baaŋ pin fanɛ ma, e la Enyɛnpe Ebɔrɛ na.”

Luuk 19:27

Ade kikɛ be kaman nɛ enyɛnpe na kaŋɛ le: ‘To, naniere men ya pɛ ma doŋana nɛ b daŋ kaŋɛ fanɛ m maaŋ ki bumo be ewura na m ba teŋ bumo ma anishito.’ ”

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Romebi 12:19

Beshapo, men sa maa wora a tal basa nɛ baa wora menyi to, men shin nɛ Ebɔrɛ be agbo e baa shuŋ loŋ be kushuŋ a sa menyi fanɛ kananɛ abɔrɛsibɛ na bee kaŋɛ fanɛ Enyɛnpe bee kaŋɛ le na: “Keka esa be kulubi kukɔ la ma asheŋ nna. Ma, Enyɛnpe na e naaŋ ka esa be kulubi kukɔ nɛ kumo be ekpa so.”

Ditɛronɔmi 32:35

Enyɛnpe Ebɔrɛ na beeŋ sɔ bumo be kɔnɔ so ŋ gberge bumo doŋana na kusoe. Jemanɛ na kaŋ fo baaŋ fɛrge n tɔr; bumo be kemur be kachɛ taga to nna na.

Kelaraŋŋini 15:2

Ndoŋ nna nɛ n wu kusɔ ko ka du fanɛ digi nɛ edɛ be weato a dese fanɛ teku nɛ basa nɛ b daŋ kɔ kusɔbɔya na nɛ mbe kaduli na nɛ mbe ketre be lamba na m pɔɔ so na yil m mata teku na. B daa yil nna a kɔ ejaŋjilaŋ ko nɛ Ebɔrɛ daŋ ta n sa bumo na to.

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”

Kelaraŋŋini 18:2

E ka bee ba na nɛ e ponte eleŋso ŋ kaŋɛ: “K tɔr, Babilɔn be kade lempo tɔr! Babilɔn ki alizinaana be kowu nɛ ayoyu lubiana kikɛ be eŋanakpa nɛ mbuibi jiga mo nɛ basa kishi kikɛ be eŋanakpa.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”