Ditɛronɔmi 32:40 - EBƆRƐ BE KAWƆL

⁴⁰ Ma e la Ebɔrɛ nɛ e bee sa ŋkpa; ma e maŋ ma enɔ so m bɔ ntaŋ

Ditɛronɔmi 32:40 ပူးပေါင်းရင်းမြစ်များ

Jɛnesis 14:22

Nɛ Eebram kaŋɛ: “M bɔ ntaŋ Enyɛnpe Ebɔrɛ Ewurgboŋ nɛ e to esoso nɛ kasawule na be anishito

Jɛnesis 21:33

Kumo be kaman nɛ Eebraham duu kedibi ko nɛ baa tre tamariski na ashi Bɛshiba nseŋ bunyaŋ Enyɛnpe Ebɔrɛ nɛ e wɔ ŋkpa to mbaanaayɔ na be ketre ndoŋ.

2 Samuɛl 22:47

Enyɛnpe Ebɔrɛ fo wɔtɔ! Meeŋ di fo epaŋ! Fo la kejembu nna nɛ mee ŋana fo to! Meeŋ maŋkura fo ŋkpal fo ka mɔlga ma so.

Nshɛ 144:11

Jande kɔ m mɔlga ma alɛ gba ashi befɔ fɛpoana nɛ b maa ji kashenteŋ na be enɔ to.

Nshɛ 144:8

Bumo e la befɔ nɛ b maa ji kashenteŋ nsaa ku efɛ a bɔ ntaŋ na.

Ɛksodɔs 6:8

Meeŋ yɛr menyi kasawule nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb na so. Ma, Enyɛnpe Ebɔrɛ na beeŋ ta kumo n sa menyi nɛ k baa la menyeya.’ ”

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Jɛremaya 44:26

Ama naniere men kaŋ asoe n nu kɔnɔ nɛ ma, Enyɛnpe Ebɔrɛ na bee nase ashi ma ketregboŋ na to a sa menyi Israɛlebi kikɛ nɛ men wɔ Ijipt na. M maaŋ naŋ shin nɛ menyi be ekama e naŋ ta ma ketre n nase kɔnɔ a kaŋɛ le: ‘M bɔ Enyɛnpetale Ebɔrɛ nɛ e bee sa ŋkpa na!’

Ezikɛl 20:5

nseŋ naŋ kaŋɛ bumo fanɛ kusɔ nɛ Enyɛnpetale Ebɔrɛ na bee kaŋɛ e la fanɛ kachɛ nɛ e lara menyi nɛ men baa la mbe basa na, e daŋ bɔ ntaŋ nna n nase kɔnɔ n sa Jeekɔb nɛ men tutoana nseŋ lara mbe kumu ŋ ŋini bumo ashi Ijipt be efuli so ŋ kaŋɛ fanɛ e beeŋ baa la menyi nɛ men be kaman to ebi be Ebɔrɛ.

Ezikɛl 20:6

Loŋ be kachɛ na nɛ e nase kɔnɔ fanɛ e beeŋ lara bumo Ijipt be efuli so n yɔ kasawule nɛ k kɔ kanya alegaiso nsaa wora adɔjibi ga nseŋ naa la kasawule nɛ k walɛ a chɔ nsawule kikɛ nɛ mo gbagba fin n yili bumo na so.

Ezikɛl 21:4

Ma tokobi na beeŋ yili kelargato be kaseto be kaba so m ba choŋ kelargato be esoso na kikɛ m mɔ basa kama nɛ b wɔ ndoŋ

Ezikɛl 21:5

Nɛ ekama e pin fanɛ ma, Enyɛnpe Ebɔrɛ na maaŋ naŋ bɛta ma tokobi nɛ n pee na n wɔtɔ kumo be efar to kikɛ.

Danɛl 12:7

Nɛ malaika na maŋ mbe enɔ anyɔ so ŋ ŋini awɔlpa nseŋ nase kɔnɔ kpakpaso ashi Ebɔrɛ nɛ e wɔ ŋkpa to mbaanaayɔ na be ketre to ŋ kaŋɛ le: “K beeŋ ta nfɛ asa nɛ bargato pɔɛŋ nɛ Ebɔrɛ be basa be tɔrɔ nɛ baa ji na e loge na nɛ kusɔ kama e bɔlɔ so.”

Nɔmbɛs 14:21

Ama ŋkpal ŋ ka wɔ ŋkpa to nɛ ma kemaŋkura bɔlɔ durnya ere to kikɛ so,

Kelaraŋŋini 4:10

Bejuŋkparpo adunyɔ nɛ ana na bee jɔŋɛ esa nɛ e tase kuwurputi so na nna nseŋ bunyaŋ mo koŋwule nɛ e wɔ ŋkpa to mbaanaayɔ na. Baa bugi bumo be nwurwuro nna a nase kuwurputi na be anishito nsaa kaŋɛ le:

Kelaraŋŋini 4:9

Saŋkama malɛ asɔbɔya keniso na bee sa esa nɛ e tase kuwurputi na so na nsaa wɔ ŋkpa to mbaanaayɔ na kemaŋkura nɛ bunyaŋ nɛ kechɔrɔ nna.