Ditɛronɔmi 32:36 - EBƆRƐ BE KAWƆL

³⁶ Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

Ditɛronɔmi 32:36 ပူးပေါင်းရင်းမြစ်များ

1 Bewura 14:10

Ŋkpal kusɔ nɛ fo wora ere so meeŋ mur fo kuwurji nseŋ mɔ fo kaman to ebi nɛ b la benyɛn nɛ benimu nɛ mbia kikɛ. Meeŋ mur fo kanaŋ nɛ b ki fanɛ kananɛ anabin bee chɔɔ a mur na.

1 Bewura 21:21

Amoso Enyɛnpe na yɛ: ‘Meeŋ shin nɛ fo ji jɛrbi. Meeŋ mur fo nseŋ mur fo kanaŋ to be benimu nɛ mbia kama nɛ b la benyɛn na kikɛ.

2 Bewura 14:26

Enyɛnpe Ebɔrɛ na daŋ chɛ ewura Jeroboam to nna nɛ e kɔ m pɔɔ so ŋkpal e ka wu kananɛ ekama, anya nɛ bumo nɛ b maŋ la anya kikɛ, wɔ kagbenejija nɛ tɔrɔ to, nɛ kananɛ esa kikɛ malɛ maŋ wɔtɔ nɛ e chɛ bumo to so.

2 Bewura 9:8

Ahab be kanaŋ nɛ mbe kaman to ebi kikɛ daga luwu. Meeŋ mur kanaŋ na to be benimu nɛ mbia nɛ b la benyɛn kikɛ.

Nshɛ 106:45

E daŋ nyiŋi mbe kɔnɔkoŋwule be ŋkre na nna, nseŋ kpal kashagboŋ nɛ e kɔ n sa bumo na so n chɛrga mbe nfɛra a maŋ gberge bumo kusoe.

Nshɛ 135:14

Ŋkpal manɛ so, Enyɛnpe Ebɔrɛ maaŋ ji m bri mbe basa; e beeŋ wu bekama nɛ baa shuŋ mo na kuwɔr.

Nshɛ 50:4

E tre esoso nɛ kasawule kikɛ fanɛ eshɛdajipo nna, nɛ b keni kananɛ e bee ji mbe basa demu.

Nshɛ 7:8

Fo e la durnya kikɛ be demujipo na. Amoso Enyɛnpe Ebɔrɛ, shin nɛ n ji n lar; ŋkpal ŋ kaa bee ji kashenteŋ, a maŋ wora n jija so.

Nshɛ 90:13

Enyɛnpe Ebɔrɛ, chɛ anyi to! Sa maŋ naŋ jo gbrɛbi kama! Wu fo nyɛrbi kuwɔr, n shu anyi so!

Nshɛ 96:13

n sa Enyɛnpe Ebɔrɛ na. E bee ba nɛ e ba bɔla ekpa niŋiso nɛ kashenteŋ so nna n ji basa nɛ b wɔ durnya to demu.

Ɛksodɔs 32:14

Ndoŋ nna nɛ Enyɛnpe Ebɔrɛ chɛrga mbe nfɛra nsaa maŋ naŋ bar tɔrɔ na bumo so.

Jɛremaya 20:11

Ama fo, Enyɛnpe Ebɔrɛ, nɛ fo shi ga nsaa kɔ eleŋ na ka wɔ ma kaman so, bekama nɛ baa kɔrfɛ ma na beeŋ wora ŋ gben. Baaŋ ji anishinyɔr mbaanaayɔ, ŋkpal manɛ so, b maaŋ nya kusɔ nɛ baa fin ma so na. Esa kama maaŋ teŋ bumo be ŋaba na so kikɛ.

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Jɛremaya 42:10

E yɛ: ‘Nɛ menyee sha kechena kasawule ere so, kumo ere mee leŋ menyi to nna nɛ men chena kumo so nɛ m baa chɛ menyi to, saŋɛ na so men maaŋ naŋ lar kumo so. Kemur nɛ n shin nɛ k ba menyi so na sa ma kebɔltofinfin damta ga.

Danɛl 12:7

Nɛ malaika na maŋ mbe enɔ anyɔ so ŋ ŋini awɔlpa nseŋ nase kɔnɔ kpakpaso ashi Ebɔrɛ nɛ e wɔ ŋkpa to mbaanaayɔ na be ketre to ŋ kaŋɛ le: “K beeŋ ta nfɛ asa nɛ bargato pɔɛŋ nɛ Ebɔrɛ be basa be tɔrɔ nɛ baa ji na e loge na nɛ kusɔ kama e bɔlɔ so.”

Jowɛl 2:14

Nɛ men lar men be alubi to ashere Enyɛnpe, men be Ebɔrɛ na beeŋ chɛrga mbe nfɛra nseŋ nɛfa menyi nɛ men be adɔjibi e wora nɛnɛ ga. Loŋ nɛ menyeeŋ tiŋ n nya adɔjibi nɛ asɔ nuuso n lara sarga n sa mo.

Jowɛl 2:18

Enyɛnpe Ebɔrɛ be kasawule be asheŋ tir mo ga nna, nɛ e wu mbe basa kuwɔr nseŋ nu bumo be kabɔrɛkule

Levitikɔs 26:43

Ama, pɔɛŋ nɛ loŋ e wora, a daga fanɛ kasawule na e dese jiga n wushi nɛnɛ, nɛ bumo alɛ e ka bumo kekini ma mbraana nɛ atandeana na be kukɔ kikɛ.

Eemɔs 7:3

Ndoŋ nna nɛ Enyɛnpe Ebɔrɛ chɛrga mbe nfɛra nseŋ kaŋɛ le: “M maaŋ shin nɛ kusɔ nɛ fo wu ere e wora kikɛ.”

Eemɔs 7:6

Nɛ Enyɛnpe Ebɔrɛ naŋ chɛrga mbe nfɛra ŋ kaŋɛ le: “Loŋ maaŋ wora kikɛ.”

Hibruwebi 10:30

Ŋkpal manɛ so, an kikɛ nyi esa nɛ e daŋ kaŋɛ le na fanɛ: “Keka esa be kulubi la ma asheŋ nna. Ma, Enyɛnpe na e naaŋ ka esa be kulubi nɛ kumo be ekpa so.” Anyi alɛ nseŋ naa nyi esa nɛ e kaŋɛ le na gba: “Enyɛnpe beeŋ gberge mbe basa kusoe.”

Demujipoana 2:18

Jemanɛ kikɛ nɛ Enyɛnpe Ebɔrɛ na baŋ ya lara ejuŋkparpo n sa bumo, mo alɛ beeŋ chɛ loŋ be ejuŋkparpo na to nɛ e tiŋ m mɔlga bumo ashi bumo doŋana be enɔ to hale n ya fo fanɛ ejuŋkparpo na ka beeŋ wu. Ŋkpal manɛ so, jemanɛ kikɛ nɛ b baŋ ya kaa wɔ tɔrɔ to nseŋ shu n tre Enyɛnpe Ebɔrɛ na e bee wu bumo kuwɔr nna.