Ditɛronɔmi 32:30 - EBƆRƐ BE KAWƆL

³⁰ Manɛ so nɛ esa koŋwule tiŋ m pɔɔ basa kagboŋ so, nɛ basa anyɔ malɛ tiŋ m pɔɔ basa ŋgboŋ kudu so? Enyɛnpe bumo be Ebɔrɛ na e kini bumo n lɛ. Bumo be Ebɔrɛ lempo na e ta bumo n sa bumo doŋana.

Ditɛronɔmi 32:30 ပူးပေါင်းရင်းမြစ်များ

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

2 Bewura 7:5

Kanyɛ ka bee biri, nɛ ebotipo ana na lar n yɔ Siriyaebi na be keeyi to nɛ esa kama maŋ wɔtɔ. Enyɛnpe Ebɔrɛ na e shin nɛ Siriya be benapo na nu egbri ko fanɛ benapo damta ka dii egbaŋɛ nɛ egbaŋɛturko a ba na, nseŋ fɛ fanɛ Israɛl be ewura na e ya haya Hitebi nɛ Ijiptebi be bewura nɛ bumo benapo fanɛ b ba kɔ bumo kena.

1 Kronikɛls 12:14

Gad be yiri to be basa ere be beko daa la benapo be benimugboŋ nɛ b daa keni benapo be katuŋ kagboŋ so nna nɛ beko malɛ la benimu nɛ baa keni benapo be katuŋ kalfa so.

2 Kronikɛls 24:24

Kashenteŋ nna fanɛ Siriya be benapo na daa maŋ shibi, ama Enyɛnpe Ebɔrɛ daŋ shin nna nɛ b kɔ m pɔɔ Juda be benapo damta na so ŋkpal b ka kini mo Enyɛnpe bumo nananyɛnana be Ebɔrɛ na so. Kananɛ Enyɛnpe na daŋ gberge ewura Jɔash kusoe nna na.

Job be kawɔl 11:10

Nɛ fanɛ Ebɔrɛ ti fo ebu ŋko n yɛr fo demujikpa, manɛ nɛ feeŋ tiŋ n wora mo?

Job be kawɔl 16:11

Ebɔrɛ malɛ e ta ma m bɔɔ basa lubi enɔ, nɛ jimaŋ nɛ k maa wu kuwɔr ere nya ma e wora loŋ.

Nshɛ 31:8

Fo maŋ yige ma n wɔtɔ ma doŋana be enɔ to. Ama fo sɔ ma n yige, nɛ n nya ma kumu a ji.

Nshɛ 44:12

K du fanɛ fo maŋ fa fo basa yawu kpakpaso, amoso fo maŋ nya tɔnɔ kikɛ.

Aizaaya 30:17

Menyi to be basa kagboŋ beeŋ wu bedoŋ be enapo koŋwule nseŋ shile nɛ bumo be benapo anu e shin nɛ menyi kikɛ e shile. Kumo be lalaloge menyi to be basa gbrɛbi e naaŋ ka nsaa du fanɛ kedibi nɛ b ta tuta n chɛ m mata n yuu kebee be awɔlto na.

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Aizaaya 52:3

Kede be kaman nɛ Enyɛnpetale Ebɔrɛ kaŋɛ mbe basa le: “Men ka daa la anya na, esa kikɛ daa maaŋ ka shɛŋ n tɔ menyi. Amoso, esa maaŋ ka shɛŋ nɛ men nya menyi be amu a ji.

Levitikɔs 26:7

Menyeeŋ kɔ m pɔɔ men doŋana so.

Levitikɔs 26:8

Menyi to be basa anu beeŋ kɔ m pɔɔ basa kalfa so, nɛ basa kalfa e kɔ m pɔɔ basa ŋgboŋ kudu so.

Matiu 18:25

E daa maŋ tiŋ nɛ e ka, amoso, mo nyɛnpe daŋ kaŋɛ nna fanɛ b ta mo nɛ mbe eche nɛ mbe mbia nɛ mbe asɔ kikɛ nyam n fa ŋ ka kukɔ na.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Joshuwa 23:10

Menyi be ekama beeŋ tiŋ ŋ kɔ basa kagboŋ m pɔɔ bumo so ŋkpal men Nyɛnpe Ebɔrɛ ka bee kɔ a sa menyi fanɛ kananɛ e nase kɔnɔ fanɛ e beeŋ wora na so.

Demujipoana 2:14

Enyɛnpe Ebɔrɛ na daŋ nya agbo nna n wɔtɔ bumo n shin nɛ beyu ba kɔ bumo n suge bumo be asɔ kikɛ n shile. Kumo be kaman, nɛ Enyɛnpe Ebɔrɛ na naŋ shin nɛ bedoŋ ba kulti bumo n wɔtɔ ŋ kɔ m pɔɔ bumo so. Israɛlebi na daa maŋ naŋ tiŋ ŋ kuŋ bumo be amu ashi bumo doŋana kutɔ.

Demujipoana 3:8

Amoso nɛ Enyɛnpe Ebɔrɛ na nya agbo n wɔtɔ Israɛlebi nseŋ shin nɛ Ewura Kushan Rishateem, nɛ e la efuli nɛ baa tre Mɛsopoteemia na be ewura na ba kɔ m pɔɔ bumo so. Nfɛ aburwa nɛ Israɛlebi na bee shuŋ mo.

1 Samuɛl 2:2

Ebɔrɛ kikɛ maŋ wɔtɔ a du cheembi fanɛ fo Enyɛnpe na; Esa kama maŋ du fanɛ fo. Fo an be Ebɔrɛ du fanɛ kebee nna a kuŋ anyi.