Ditɛronɔmi 32:27 - EBƆRƐ BE KAWƆL

²⁷ Ama m maaŋ tiŋ n shin nɛ men doŋana e puchi fanɛ b tiŋ m pɔɔ ma basa so, saŋɛ nɛ k la fanɛ ŋ gbagba e pɔɔ bumo so.’

Ditɛronɔmi 32:27 ပူးပေါင်းရင်းမြစ်များ

1 Bewura 20:28

Nɛ anebi na yɔ ewura Ahab kutɔ n ya kaŋɛ mo le: “Enyɛnpe Ebɔrɛ yɛ, ŋkpal Siriyaebi ka kaŋɛ fanɛ n la abee so be ebɔrɛ nna nsaa maŋ tre ma kepla so be ebɔrɛ na so, meeŋ shin nɛ men kɔ m pɔɔ bumo be benapo damta ere so nɛ fo nɛ fo basa e pin fanɛ ma e la Enyɛnpe na kashenteŋto.”

Nshɛ 140:8

O Enyɛnpe Ebɔrɛ, sa maŋ kaŋ shin nɛ kumukpakpasowuraana e nya kusɔ nɛ baa sha. Nɛ mannɛ aloŋ b maaŋ yige kebaakre asheŋ lubi.

Nshɛ 140:9

Shin nɛ basa nɛ b kulti ma n wɔtɔ be mmalga lubi e laŋɛ n ji bumo.

Ɛksodɔs 32:12

Nuso nɛ Ijiptebi na beeŋ kaŋɛ a yɔ fo kaplɛa so? B maaŋ kaŋɛ fanɛ fo lara bumo nna ashi Ijipt be kasawule so nna m ba abee to nɛ fo ba mur a? Amoso shin nɛ fo kagbene e dese nɛ fo chɛrga fo nfɛra nsaa maŋ shin nɛ le be tɔrɔ ere e ba fo basa so.

Aizaaya 37:10

Kusɔ nɛ e kaŋɛ kawɔlbi na to nde: “Sa maŋ ta fo yirda n wɔtɔ fo Ebɔrɛ na to ŋko n shin nɛ mbe kekaŋɛ fanɛ Asiriya be ewura maaŋ tiŋ ŋ kɔ n sɔ Jerusalɛm na e fule fo.

Aizaaya 37:35

Meeŋ kuŋ kadegboŋ na ŋkpal ŋ gbagba be kemaŋkura nɛ kɔnɔ nɛ n nase n sa ma kayɛrbi Deevid nɛ e daa la ewura ashi Jerusalɛm to jemanɛ ko na so.’ ”

Aizaaya 47:7

Men daa fɛ fanɛ menyeeŋ baa ji kuwura jemanɛ kikɛ nna. Menyi alɛ daa maŋ ta asheŋ ere n wɔtɔ kagbene to, ŋko n fɛ kananɛ amo kikɛ beeŋ loge to be asheŋ.

Aizaaya 48:11

Ŋ gbagba so nɛ mee wora le na. M maa sha fanɛ ma ketre e jija nɛ basa e baa keni ma jiga, ŋko n shin nɛ ma nɛ esa ko e chige ma kemaŋkura to. Ma kemaŋkura la n nawule peya nna.”

Jɛremaya 19:4

Meeŋ shin nɛ le e wora ŋkpal basa na ka kini ma n lɛ nseŋ ya kaa lara esarga a sa agbirana nɛ bumo gbagba ŋko bumo nanaana ŋko Juda bewuraana maŋ nyi shɛŋ a laŋɛ amo be kaplɛa so na nseŋ shin nɛ kakpa ere wora eyurpi daŋkare be ekpa so. B mɔ basa damta nɛ b maŋ wora shɛŋ n nase nfe be kaplɛkama,

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Danɛl 4:27

Amoso Yiramu, nu n sa ma kasotoji ere. Yige alubi be kebaawora nsaa wora alela nɛ asheŋ niŋiso. Baa wu betirpo kuwɔr. Loŋ nɛ fo kanyɛ beeŋ baa ti so saŋkama.”

Nɔmbɛs 15:30

Ama kadetobia ŋko efɔ nɛ e kute n wora kulubi bre, bee fɛl Enyɛnpe Ebɔrɛ na nna nsaa maŋ daga e ka wɔ basa na to.

Ditɛronɔmi 9:28

Nɛ fo mur bumo, Ijiptebi na beeŋ kaŋɛ fanɛ fo maŋ tiŋ n ta fo basa na n yɔ kasawule nɛ fo nase bumo kumo be kɔnɔ na so nna nseŋ ya mɔ bumo keshishɛrsawule so ŋkpal fo ka kishi bumo so.

Joshuwa 7:9

Keenanebi nɛ bekama nɛ b wɔ efuli ere so kikɛ beeŋ nu kesheŋ ere nseŋ kulti anyi n wɔtɔ m mɔ anyi kikɛ! Nɛ loŋ malɛ wora, nnɛ nɛ fo bunyaŋ naa wɔ?”

1 Samuɛl 12:22

Ebɔrɛ na e lara menyi fanɛ mo gbagba be basa. Ŋkpal mbe ketre ka shibi so, e maaŋ yige menyi kikɛ.