Ditɛronɔmi 32:23 - EBƆRƐ BE KAWƆL

²³ Ade kikɛ be kaman nɛ n shin nɛ aleblawu nɛ a maŋ kɔ ekar e ba menyi so fanɛ atanyembi na.

Ditɛronɔmi 32:23 ပူးပေါင်းရင်းမြစ်များ

2 Samuɛl 22:15

Nɛ e to atanyembi nɛ a bee nyɛkpɛ plɛplɛ fanɛ bɔrɛ ka nyɛkpɛ na nɛ mo doŋana kikɛ jaŋgeto n shile.

2 Bewura 22:17

Ŋkpal manɛ so b ka kini ma nseŋ lara esarga n sa efuli pɔtɛana so be agbirana nɛ ma agbo kaa bumo so ga. Kusɔ nɛ b wora na so ma agbo maaŋ wushi kikɛ.

Nshɛ 18:14

Nɛ e to atanyembi, nɛ mo doŋana kikɛ pesaŋ to, nɛ bɔrɛ nyɛkpɛ nɛ b lara aya fuful.

Nshɛ 45:5

Shin nɛ fo atanyembi pelpelso na e da ewura mo doŋana be ŋgbene to. Shin nɛ efuli pɔtɛana so ebi e tɔr fo aya ase.

Nshɛ 7:14

Basa di alubi be dampo, nseŋ bela ase nɛ b kurge kafulesheŋ nɛ kumukpakpaso.

Aizaaya 26:15

Enyɛnpe Ebɔrɛ, fo e shin nɛ anyi be basa wora keshi, fo e kpalga anyi be efuli be egbaŋ kaba kama so; nɛ kumo be loŋ bar fo kemaŋkura.

Nfabel 3:13

E ka to ketanyembi na nɛ k ba da ma kagbene to n ya pɛ ma kukuumu.

Ezikɛl 14:21

Ŋkpal ade kikɛ so, kusɔ nɛ ma Enyɛnpetale Ebɔrɛ na bee kaŋɛ e la fanɛ ekpa nɛ meeŋ bɔla kumo so ŋ gberge Jerusalɛm to be basa kusoe kenishipere so nde: “Meeŋ shin nɛ kena nɛ akoŋgboŋ nɛ asɔbɔya lubi nɛ kulɔ mɔso e ba mɔ basa nɛ asɔbɔya kikɛ.

Ezikɛl 5:16

Ma alɛ beeŋ naŋ shin nɛ akoŋ e mɔ menyi fanɛ b ka to menyi atanyembi m mɔ na. Kashenteŋto, meeŋ mur menyi be adɔjibi nɛ akoŋgboŋ a tɔr menyi so.

Ezikɛl 9:6

Men ya mɔ benyɛnnimu nɛ mbrantiɛ nɛ besuŋgurbi nɛ bechekpar nɛ mbi wurbi kikɛ ama men sa maŋ beta ekama nɛ e kɔ ndulgi mbe kasɔto na. Men fara ma bɔrɛlambu to a mɔ a yɔ.” Nɛ b ta benimuana nɛ b daa wɔ bɔrɛlambu na be anishito na n fara.

Levitikɔs 26:18

Ade kikɛ be kaman, nɛ men kraa maŋ wora ma kasonu, meeŋ shin nɛ menyi be kasogberge e ti so ale shunu.

Levitikɔs 26:24

kumo ere meeŋ baa kraa la men doŋ nseŋ shin nɛ menyi be kasogberge a ti so ale shunu a chɔ dra na peya.

Ditɛronɔmi 28:15

Kede be kaman nɛ Mosis naŋ kaŋɛ: Ama nɛ men wora kusoe kpakpaso nsaa maŋ bɛ Enyɛnpe menyi be Ebɔrɛ na mbraana nɛ n ta a sa menyi kabre ere so kashenteŋto, le be asheŋ lubi ere kikɛ e naaŋ wora menyi.

Ditɛronɔmi 32:42

Bumo be ŋklaŋ beeŋ baa chise ma atanyembi so, nɛ ma tokobi e mɔ bekama nɛ b maa shuli a sa ma na. M maaŋ shin nɛ ekama nɛ e bee kɔ ma e ta mbe kumu n ji; bumo nɛ b nya doro nɛ bumo nɛ b wɔ kabuti to kikɛ beeŋ wu.’