Ditɛronɔmi 32:22 - EBƆRƐ BE KAWƆL

²² Kumo be kaman nɛ ma agbo e suse fanɛ edɛ n chɔɔ kusɔ kama durnya to, n ta menyi be adɔ n ti so. Edɛ na beeŋ chɔɔ hale bubuni to ashi kasawule to nseŋ naŋ chɔɔ abeeana gba m mur.

Ditɛronɔmi 32:22 ပူးပေါင်းရင်းမြစ်များ

Nshɛ 144:5

O Enyɛnpe Ebɔrɛ, bugi esoso be kuwɔlpa fanɛ patisa ŋ gbelge m ba; Beta abeeana na, nɛ edishi e kaa amoso.

Nshɛ 21:9

Fo kaŋ ba, feeŋ ta edɛ fuful n chɔɔ bumo m mur, nɛ fo agbo e shin nɛ b ki fanɛ edɛ be kepa.

Nshɛ 46:2

Amoso hale nɛ kasawule gbuŋgbuŋ to nɛ abeegboŋ tia n tɔr teku be kakpa chiŋgeliŋ gba, kufu maŋ kɔ anyi.

Nshɛ 83:14

Kananɛ edɛ baa ji kupo na, ŋko a suse abee so na,

Nshɛ 86:13

Ŋkpal manɛ so, kasha nɛ fo kɔ n sa ma na shi alegaiso! Fo mɔlga ma ashi luwu gbagba to.

Nshɛ 97:3

Edɛ e naa juŋkpar mo a chɔɔ mo doŋana kaba kama so a mur.

Aizaaya 24:6

Amoso Ebɔrɛ sho durnya na kɔnɔ nna nɛ kumo to be basa bee wu ŋkpal bumo be alubi so.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Aizaaya 54:10

Abeegboŋ nɛ abeebi beeŋ tiŋ m bure n tɔr, ama kasha nɛ ŋ kɔ n sa menyi maaŋ loge kikɛ. Meeŋ bɛ kɔnɔ nɛ n naseso ŋ kaŋɛ fanɛ meeŋ sa menyi kayurwushi na so mbaanaayɔ. Kusɔ nɛ Enyɛnpe Ebɔrɛ, nɛ mee sha menyi na kaŋɛ nna na.”

Jɛremaya 15:14

Meeŋ shin nɛ b ki anya n sa bumo doŋana ashi kasawule nɛ b maŋ nyi shɛŋ a laŋɛ kumo be kaplɛa so na so. Ŋkpal manɛ so, ma agbo du fanɛ edɛ nɛ k bee chɔɔ mbaanaayɔ nna.”

Jɛremaya 17:4

Ŋkpal kusɔ nɛ men wora na so, menyeeŋ paŋ kasawule nɛ n sa menyi na, kumo be kaman nɛ n shin nɛ men shuŋ men doŋana ashi kasawule nɛ menyi maŋ nyi shɛŋ a laŋɛ kumo be kaplɛa so. Ŋkpal manɛ so, ma agbo du fanɛ edɛ nɛ k maa duŋ mbaanaayɔ nna.”

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Nfabel 2:2

Enyɛnpe Ebɔrɛ na daŋ maŋ wu ndekarso nɛ a wɔ Juda be efuli so na kikɛ kuwɔr nseŋ shin nɛ a mur. E daŋ shin nɛ mboŋ lempoana nɛ a daa kuŋ kasawule na kikɛ bure n tɔr nna, nseŋ shin nɛ efuli na nɛ bejuŋkparpoana kikɛ ji anishinyɔr.

Nfabel 2:3

Enyɛnpe Ebɔrɛ na daŋ nya agbo nna ga, nseŋ daŋ shin nɛ Israɛl be basa paŋ bumo be eleŋ kikɛ. An doŋana ka ba anyi so, e daŋ kini kechɛ anyi to nna. Mbe agbo daŋ koso anyi so fanɛ edɛ nna a mur kusɔ kikɛ.

Nfabel 2:4

E daa to anyi mbe atanyembi nna fanɛ edoŋ na. Nseŋ daŋ mɔ basa kama nɛ b daa bar anyi kagbenewushi nɛ kagbenefuli na. E daŋ shin nɛ mbe agbo ba fanɛ edɛ nna m ba chɔɔ anyi be nwu nɛ a wɔ Jerusalɛm to na n lɛ kasawule.

Nfabel 4:11

Enyɛnpe Ebɔrɛ ka daŋ nya agbo ga so, e daŋ shin nɛ Jerusalɛm be kadegboŋ na ji edɛ nna m mur cheche.

Ezikɛl 19:12

Ama agbo so nɛ n tia kumo n lɛ kasawule. Afu nɛ a shi epeŋilarkpa daŋ shin nɛ k bolo nɛ kumo be asɔrso gbaŋgbaŋ n tɔr; nɛ kumo be ayabi lempo na wɔl nɛ edɛ ji amo.

Ezikɛl 36:5

Ma, Enyɛnpetale Ebɔrɛ na malga agbogboŋ so nna ŋ gbiti efuliana nɛ a kulti fo Israɛl be efuli na kikɛ, fɔŋfɔŋ Edɔm be efuli na. Ŋkpal manɛ so, bumo e daŋ ji eyur ga nseŋ daŋ sɔ ma kasawule nɛ kumo be asɔbɔya be ejikpa ŋ ki bumo peya.

Ezikɛl 38:19

nɛ n nya agbo n shin nɛ kasawule e gbuŋgbuŋ eleŋ so ashi Israɛl be efuli so.

Levitikɔs 26:20

Menyi maaŋ nya shɛŋ ashi kushuŋ kpakpaso kama nɛ menyeeŋ shuŋ to, ŋkpal manɛ so, menyi be adɔjibi nɛ ndibi sɔrso maaŋ wora kasawule na so.

Eemɔs 5:6

Men bɛta n yɔ Enyɛnpe Ebɔrɛ na kutɔ nseŋ nya ŋkpa. Men baa maŋ ba mo kutɔ, e beeŋ ta edɛ m mur menyi. Menyi Bɛtɛl be basa e naaŋ chɔɔ. Esa kama malɛ maaŋ tiŋ m mɔlga menyi kikɛ.

Eemɔs 7:4

Bɔrɛdare ere to Enyɛnpetale daŋ kaŋɛ nna fanɛ mbe demuji beeŋ ba mbe basa so, nɛ edɛ e ba chɔɔ kusɔ kama ashi kasawule ere so n ta tekugboŋ na gba n tiso.

Maika 1:4

Abeegboŋ na beeŋ ŋalga ashi mbe aya to fanɛ ŋku bumbuŋ ka luri edɛ to ŋ ŋalga a shile a yɔ abee na be afito fanɛ nchu ka shi kebee so a chulgi a wurge kasawule so na.

Habakuk 3:10

Abeegboŋana na ka wu fo nɛ a gbuŋgbuŋ to; nɛ bɔrɛchu shi awɔlpa so n wurge to. Ndoŋ nna nɛ echɛtabo baga to, nɛ amo to be nchu bɔlɔ n dii kepla.

Zefanaiya 1:18

Kachɛ nɛ Enyɛnpe Ebɔrɛ na be agbogboŋ na beeŋ gbelge bumo so na, eshuwa nɛ egbiti nɛ b kɔ na kikɛ gba maaŋ tiŋ m mɔlga bumo. Mbe agbo na beeŋ koso fanɛ edɛ m mur kasawule kikɛ. Nɛ esa kama nɛ e wɔ durnya to be kebaawɔtɔ e ba ekar epul to.

Zefanaiya 3:8

Menyi ere e jo a keni kachɛ nɛ meeŋ wu efuliana na kulubi nseŋ ji amo demu na. N tiŋ n yili kumo fanɛ meeŋ gama efuliana na nɛ kuwurjiana kikɛ abar so nseŋ shin nɛ ma agbo nɛ k bee suse fanɛ edɛ na e ba bumo so. Meeŋ nya agbo ga m mur durnya ere kikɛ.

Nɔmbɛs 16:33

Kasawule na daŋ baŋɛ to nna nɛ bumo nɛ bumo be mpetɛ kikɛ tɔr to nɛ k daŋ buu bumo so nɛ b kra keni nɛ basa na maŋ naŋ wu bumo.

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Matiu 18:9

Nɛ fo kenishi malɛ bee shin nɛ fee luri alubi to, fo chule kumo n lɛ, ŋkpal manɛ so, fo ka ta kenishi koŋwule n luri ŋkpa to e bɔ fo so a chɔ fo ka kɔ anishi anyɔ nɛ b ta fo n lɛ Setani be edɛ to.

Matiu 23:33

Awɔ ere, awɔ lubi be mbia ere, nuso nɛ menyeeŋ wora nɛ b maaŋ gberge menyi kusoe n yɛr menyi Setani be edɛ to?

Ditɛronɔmi 29:20

Enyɛnpe Ebɔrɛ na maaŋ ta m paŋ esa nɛ e beeŋ wora loŋ na. E beeŋ nya agbo ga n wora amodoŋwura nseŋ shin nɛ eshoduu nɛ a wɔ Ebɔrɛ na be mbra be kawɔl ere to a ba mo so nɛ e mur mo cheche. Saŋɛ na so, k beeŋ baa la kasokpele n sa Israɛl be eyiriana na kikɛ.

2 Tɛsalɔnikaebi 1:8

m ba gberge basa nɛ b maŋ nyi Ebɔrɛ nɛ bumo nɛ b maa bɛ an Nyɛnpe Yesu be baru lela na so kusoe.

Hibruwebi 12:29

Ŋkpal manɛ so, anyi be Ebɔrɛ na du fanɛ edɛ chɔɔso nna a mur basa.