Ditɛronɔmi 32:2 - EBƆRƐ BE KAWƆL

² Ma keŋini beeŋ ba fanɛ bɔrɛchu nɛ kasawule e pɔ fanɛ bunyaŋ ka tɔr. Ma mmalga beeŋ tɔr to fanɛ bɔrɛ ka bee ba asɔduuso popɔrbi so ŋko fanɛ bɔrɛ ka bee furi afitiri wurbi so.

Ditɛronɔmi 32:2 ပူးပေါင်းရင်းမြစ်များ

2 Samuɛl 23:4

du nna fanɛ bɔrɛ ka maŋ mɔl nɛ epeŋi nyaŋɛ chipurso nɛ kakpa kikɛ wora parr nna. Loŋ be epeŋi e naa nyaŋɛ a shin nɛ afitiri bee nyɛkpɛso chipurso na.”

Nshɛ 65:10

Fo e naa wurge adɔana so nchu a shin kasawule bee wushi a ki pɔtɔ pɔtɔ nɛ asɔ bee tiŋ a kɔr.

Nshɛ 72:6

Shin nɛ e baa kɔ kechɛto a sa basa fanɛ kananɛ bɔrɛchu bee sa adɔsawule kayul na.

Aŋasa 4:2

Asɔ nɛ a walɛ nɛ mee ŋini menyi; amoso men baa nyiŋi amo.

Hoziya 14:5

Meeŋ ki fanɛ bunyaŋ nɛ k bee tɔr kasawule so n sa menyi, Israɛl be basa. Menyeeŋ ba ki fanɛ Lebanɔn be ndibi nɛ a kɔ atoto damta nɛ a bugi to a walɛ nɛ amo be nliŋi luri kasawule to m pɛ amo to kpakpa na.

Hoziya 6:4

Ama le nɛ Enyɛnpe Ebɔrɛ daŋ kaŋɛ: “Israɛlebi nɛ Judaebi, nuso bre nɛ men yɛ n naŋ wora menyi? Kasha nɛ men kɔ n sa ma na lar men to manaŋ manaŋ nna fanɛ kananɛ kachipurso be bunyaŋ ŋko kunyɔɔ nɛ k bee tɔr kachipurso nsaa kpata to manaŋ manaŋ na nna.

Eemɔs 7:16

Loto naniere n nu kusɔ nɛ Enyɛnpe Ebɔrɛ bee kaŋɛ.

Maika 5:6

Anyi be bejuŋkparpo lempoana ere beeŋ keta benapo nɛ b kɔ eleŋ ga n ya kɔ m mɔlga anyi ashi Asiriyaebi nɛ baa shuŋ kegbir nɛ baa tre Nimrɔd na be enɔ to jemanɛ nɛ baaŋ ba bure n luri anyi be kasawule to na.

Maika 5:7

Israɛl be basa nɛ baaŋ ji efute na beeŋ baa du fanɛ bunyaŋ ŋko bɔrɛchu nɛ k bee sa kayul nseŋ shi Enyɛnpe Ebɔrɛ na kutɔ a ba efuli damtaana so nna.

Zakareya 10:1

Men kule Enyɛnpe Ebɔrɛ na bɔrɛchu kechali so. Mo e naa shin nɛ bɔrɛ bee mɔl a ba, a shin nɛ kasawule so bee nya kayul nɛ asɔduu bee kɔr a wora nɛ edimɛdi bee nya a ji.

Hibruwebi 6:7

Ŋkpal manɛ so, kasawule kama nɛ k bee nu bɔrɛchu nɛ a bee kaa tɔr kumo so nsaa sɔr asɔrso nɛ a daga a sa basa nɛ b duu asɔ kumo so na bee nya Ebɔrɛ be nɛfa nna.