Ditɛronɔmi 32:19 - EBƆRƐ BE KAWƆL

¹⁹ Enyɛnpe Ebɔrɛ na ka wu loŋ nɛ e nya agbo nseŋ kini mbe mbia n lɛ.

Ditɛronɔmi 32:19 ပူးပေါင်းရင်းမြစ်များ

Nshɛ 10:3

Belubiworapo bee ji njɔŋ nna ŋkpal bumo be aparsheŋ lubi so. Nɛ kejimuniwuraana malɛ kishi fo nsaa shoduu fo.

Nshɛ 106:40

Amoso Enyɛnpe Ebɔrɛ na daŋ nya agbo n wora mbe basa nna nseŋ daŋ kishi bumo be asheŋ.

Nshɛ 5:4

Alubi maa par fo. Fo alɛ nɛ alubiworapo maaŋ tiŋ n chena abar so.

Nshɛ 78:59

Ŋkpal kusɔ nɛ b wora na so, Ebɔrɛ daŋ nya agbo nna nseŋ kini Israɛl be basa na n lɛ.

Nshɛ 89:38

Ama naniere fo, Ebɔrɛ na nya agbo nna n wɔtɔ ewura nɛ fo lara na nseŋ kini mo n lɛ, nseŋ pal kaman n sa mo.

Aizaaya 1:2

Ndoŋ nna nɛ Enyɛnpe Ebɔrɛ naŋ kaŋɛ: “Basa nɛ b wɔ ebɔrɛso nɛ kasawule so kikɛ e kaŋ asoe n nu kusɔ nɛ mee kaŋɛ ere! Mbia nɛ m bela e kilgi a kɔ ma na.

Jɛremaya 11:15

Kede be kaman, nɛ Enyɛnpe Ebɔrɛ na naŋ kaŋɛ ma fanɛ ŋ kaŋɛ Juda be basa le: “Men la ma basa laraso nna, ama menyi maŋ kɔ ekpa nɛ men baa wɔ ma bɔrɛlambu to a wora asheŋ lubi lubi ere. Esarga nɛ menyee lara a sa ma ere maaŋ tiŋ ŋ kuŋ menyi ashi kemurgboŋ na to, amoso men yige kusɔ nɛ menyee wora ere.

Jɛremaya 40:2

Nebuzaradan daŋ keta ma nna n lar ekarso nseŋ ya kaŋɛ ma le: “Enyɛnpe fo Ebɔrɛ na daŋ kpele fo basa kusoe fanɛ e beeŋ mur kasawule ere,

Nfabel 2:6

E daŋ shin nɛ mbe bɔrɛlambu nɛ anyee shuŋ mo kumo to na daŋ bure n tɔr nna fanɛ kudɔtobuu na. Nseŋ shin nɛ nchɛgboŋ nɛ kewushiachɛ na be keji ba ekar. Mbe agbogboŋ na so, e daŋ kini ewura na nɛ bɔrɛmatapo na gba nna n lɛ.

Levitikɔs 26:11

Meeŋ baa wɔ ma wajɛbu na to ashi menyi to, ma alɛ maa lar menyi be kaman kikɛ.

Levitikɔs 26:30

Meeŋ mur mboŋ nɛ menyee shuŋ agbir nɛ a wɔ agurɔŋgu so na kikɛ, nseŋ bure menyi be ebɔrɛsure nɛ menyee chɔɔ eduwu amo so na, nseŋ naŋ bela men be bubuni n deŋi menyi be agbirana nɛ a tɔr a dese na so. Menyi be asheŋ beeŋ baa nu ma agbo nɛ ŋ kishi menyi.

Eemɔs 6:8

Le nɛ Enyɛnpetale Ewurgboŋ na kaŋɛ kenishipereso: “Israɛl be basa be kamoowu nɛ b kɔ na be asheŋ bee nu ma agbo alegaiso. Ŋ kishi bumo be nwu gboŋgboŋi nɛ b pɔr na ga. Ma alɛ beeŋ ta bumo be kadegboŋ na nɛ kusɔ kama nɛ k wɔ kumo to n sa bumo doŋana.”

Zakareya 11:8

Kufɔl koŋwule to nɛ n nya agbo n ju mbolpɔkpapo asa ko nɛ b daŋ kishi ma asheŋ ga na.

Kelaraŋŋini 3:16

Ama ŋkpal men ka du yulɛyulɛbi fanɛ nchu a maa tushi, menyi alɛ maŋ naŋ wushi na so, meeŋ luu menyi ashi ma kɔnɔ to n lɛ.

Demujipoana 2:14

Enyɛnpe Ebɔrɛ na daŋ nya agbo nna n wɔtɔ bumo n shin nɛ beyu ba kɔ bumo n suge bumo be asɔ kikɛ n shile. Kumo be kaman, nɛ Enyɛnpe Ebɔrɛ na naŋ shin nɛ bedoŋ ba kulti bumo n wɔtɔ ŋ kɔ m pɔɔ bumo so. Israɛlebi na daa maŋ naŋ tiŋ ŋ kuŋ bumo be amu ashi bumo doŋana kutɔ.