Ditɛronɔmi 32:10 - EBƆRƐ BE KAWƆL

¹⁰ E wu bumo nɛ baa nite keshishɛrsawule so nna, kakpa nɛ k dese fuloŋ nɛ afu bee muu shishɛr a yɔ a ba na. Ndoŋ nna nɛ e kuŋ bumo ŋ keni bumo so nɛnɛ, fanɛ kananɛ e bee kuŋ mo gbagba be kumu na.

Ditɛronɔmi 32:10 ပူးပေါင်းရင်းမြစ်များ

Ɛsta 6:13

n ya kaŋɛ mbe eche nɛ mo teriana kusɔ nɛ k nya mo kikɛ. Ndoŋ nna nɛ mbe eche nɛ mo teriana na kaŋɛ mo le: “Mɔdikaya ka la Juw be esa ere bre fo maaŋ tiŋ m pɔɔ mo so kikɛ. Baa nyi fanɛ fo eleŋ baa fo ekar nna na. Feeŋ ki esa fuloŋ.”

Nshɛ 107:40

Ama Enyɛnpe Ebɔrɛ na beeŋ sɔ menyi be kɔnɔ so ŋ kɔ basa nɛ b daŋ pɔɔ menyi so na n shin nɛ b baa nite cham cham keshishɛrsawule so.

Nshɛ 17:8

Kuŋ ma fanɛ fo kenishi na. Ta ma ŋ ŋana fo atɛ to

Aŋasa 7:2

Baa wora asɔ nɛ ŋ kaŋɛ na nseŋ ji efute tenteŋ; Baa de so, nsaa bɛ ma keŋini na so fanɛ kananɛ esa bee kuŋ kusɔ nɛ e bee sha ga na.

Sɔlɔmɔn 8:5

Wanɛ nɛ mo jipo e pɛ abar be enɔ to n shi keshishɛrsawule so a ba ere? Ndibi nɛ baa tre apɔl na be kifi to nɛ n chɔlta fo; ndoŋ nɛ fo nio di fo kedampo ŋ kurge fo na.

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Jɛremaya 13:11

Kananɛ dɔkɔri bee yili esa be kashɛr to nɛnɛ na nɛ n daa sha Israɛl nɛ Juda be basa kikɛ e baa yil ma kaman. N daa sha fanɛ efuli kama so ebi e pin fanɛ b la ma basa nna, saŋɛ na so baaŋ baa kpaŋ ma nsaa maŋkura ma. Ama b kini kewora ma kasonu.”

Jɛremaya 2:17

Israɛl be basa, men gbagba e shin nɛ k ba loŋ. Men kini ma, Enyɛnpe menyi be Ebɔrɛ na, menyi maŋ naa shin nɛ mee juŋkpar menyi.

Jɛremaya 2:6

Ŋ ka daŋ mɔlga bumo ashi Ijipt be efuli so nseŋ juŋkpar bumo m bɔla kasawule fuloŋ nɛ k la eshishɛr nɛ e biti abar so nawule nseŋ naa la kasawule wɔlso nɛ k kɔ kufu nɛ esa kikɛ maŋ wɔ kumo so ŋko a sha kenite kumo so na be kaman, men nananyɛnana be shɛŋ daa maŋ wɔ ma to.

Ezikɛl 16:5

Esa kikɛ daa maŋ wu fo kuwɔr gba a bishi nɛ e bee wora fo asheŋ ere be kekama. Kachɛ nɛ b kurge fo gbagba na esa kikɛ maŋ nya kasha n sa fo. B ta fo nna n lɛ kupuŋ to.

Ezikɛl 20:36

Kananɛ n ji men tutoana demu Ijipt be efuli so be kiyi to nɛ b ji n tɔr nɛ ŋ gberge bumo kusoe na nɛ meeŋ ji menyi alɛ gba demu. Ma, Enyɛnpetale Ebɔrɛ e kaŋɛ na.

Hoziya 11:3

Ma e pɛ Israɛlebi be enɔ to n ŋini bumo enite, ŋkeshin nɛ bumo alɛ maaŋ wu gba fanɛ ma e naa chɛ bumo to.

Hoziya 13:5

Ma e keni menyi so saŋɛ so nɛ men daa wɔ keshishɛrsawule tushiso na so na.

Zakareya 2:12

Juda beeŋ naŋ laŋɛ ŋ ki Enyɛnpe Ebɔrɛ na peya ashi mbe kasawule cheembi so nɛ Jerusalɛm e ki kadegboŋ mo nɛ e bee sha ga.

Zakareya 2:8

Kusɔ nɛ Enyɛnpetale Ebɔrɛ na shuŋi ma fanɛ n ya kaŋɛ efuli kama so ebi nɛ b daŋ kɔ m pɔɔ menyi nɛ men wɔ Jerusalɛm to so nseŋ sɔ menyi be asɔ na e la fanɛ, Jerusalɛm du fanɛ Enyɛnpetale Ebɔrɛ na be kenishi nna. Kusɔ kama nɛ esa kama baŋ wora Jerusalɛm, mo nɛ amodoŋwura wora na.

Romebi 2:18

Mannɛ fo e naa kaŋɛ fanɛ fo nyi kusɔ nɛ Ebɔrɛ bee sha fanɛ esa e wora, fo alɛ naŋ koya ashi mbra na to a nyi kusɔ nɛ k daga esa ka lara na a?

Romebi 3:2

Cha, Juwebi baa chɔ basa pɔtɛ ekpa kama so nna, ŋkpal manɛ so, kusɔ nɛ k juŋkpar e la fanɛ bumo nɛ Ebɔrɛ ta mbe mmalga m bɔɔ enɔ.

Ditɛronɔmi 1:19

“Ade be kaman nɛ an wora kusɔ nɛ Enyɛnpe, anyi be Ebɔrɛ na kaŋɛ fanɛ an wora na nseŋ lar Sainai be kebee na ase m bɔla keshishɛrsawule palɛlɛ nɛ k kɔ kufu na so a yɔ Amɔriebi be kepreŋsawule so. An ka ya fo kakpa nɛ baa tre Kadɛsh Baania na,

Ditɛronɔmi 1:31

nɛ keshishɛrsawule so na. Men wu kananɛ e keta menyi, fanɛ kananɛ etuto bee keta mbe kebia a nite na, m ba nfe kayurwushiso.’

Ditɛronɔmi 4:36

E daŋ shin nɛ mbe ebɔl shi ebɔrɛso m ba nɛ men nu, saŋɛ na so e beeŋ ŋini menyi asheŋ. Mo alɛ naŋ shin nɛ men wu mbe edɛ cheembi kasawule ere so nna nɛ e bɔla kumo to m malga n sa menyi.