Bumo be ashiri to be ŋkre na so, meeŋ shin nɛ jɛrbi gboŋgboŋi e ba bumo so, nɛ k baa la kasogberge n sa bumo ŋkpal b ka kini ma keŋini nsaa maŋ wora ma mmalga kasonu so.
Ade kikɛ be kaman, luwu nɛ ŋkpa nɛ Ebɔrɛ be nɛfa nɛ mbe eshoduu nɛ n ta a nase menyi be anishito na. Ma alɛ bee ta ebɔrɛso nɛ kasawule so nna fanɛ a ji shɛda n sa amo be kumo nɛ menyeeŋ lara. Men lara ŋkpa, saŋɛ na so, menyi nɛ men be mbia beeŋ baa wɔ ŋkpa to.
To, sibɛ kashɛ ere n nase naniere, nseŋ ŋini Israɛl be basa na nɛ b baa boŋ kumo; saŋɛ na so, baaŋ pin kusɔ nɛ mee sha fanɛ b baa wora nsaa maaŋ nya kusɔ ko n yili so ŋ kini kewora ma kasonu.
Amoso, shin nɛ Israɛl be eyiriana na be bejuŋkparpoana nɛ benimuana na e shɛr nɛ ŋ kaŋɛ bumo asheŋ ere nseŋ ta esoso nɛ kasawule ŋ ki eshɛdajipo fanɛ men kikɛ tea nyi kusɔ nɛ k daga fanɛ men baa wora.
Amoso, esoso nɛ kasawule bee ji ma shɛda kabre nna fanɛ nɛ men kaŋ kini kenu n sa ma, k maaŋ chɛr nɛ men mur kasawule na so. Menyi maaŋ chena kasawule nɛ k wɔ Jɔɔdan be kaba ndoŋ na so n chɛr. Menyeeŋ mur cheche.