Ditɛronɔmi 31:6 - EBƆRƐ BE KAWƆL

⁶ Men nya kagbene a kɔ kenyɛn. Men sa maa ŋana bumo. Ŋkpal manɛ so, Enyɛnpe menyi be Ebɔrɛ na gbagba beeŋ baa wɔ menyi kutɔ. Mo alɛ maaŋ lar menyi kaman ŋko ŋ kplaŋ menyi so kikɛ.”

Ditɛronɔmi 31:6 ပူးပေါင်းရင်းမြစ်များ

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Jɛnesis 28:15

Amoso kaplɛkama nɛ fo yɔ, meeŋ baa wɔ fo kutɔ a keni fo so nseŋ bɛta fo m ba kasawule ere so. M maaŋ yige fo kikɛ ama m baŋ wora kusɔ nɛ n nase kɔnɔ fanɛ meeŋ wora ere nna.”

2 Samuɛl 10:12

Baa kɔ eleŋ nseŋ naa leŋ fo kumu to kpakpa! Men shin nɛ an pere kenishi ŋ kɔ n sa anyi be basa nɛ Ebɔrɛ be nde, nseŋ shin nɛ Enyɛnpe Ebɔrɛ malɛ be aparsheŋ a wora!”

1 Bewura 2:2

“Ma luwu bee taga to, amoso nya eleŋ nɛ kagbene,

1 Bewura 6:13

Meeŋ baa wɔ ma basa Israɛlebi to ashi bɔrɛlambu nɛ menyee pɔr ere to, ma alɛ maaŋ kini bumo n lɛ.”

1 Bewura 8:57

Enyɛnpe anyi be Ebɔrɛ na e baa wɔ anyi alɛ gba kutɔ fanɛ kananɛ e daa wɔ an nananyɛnana kutɔ na, nsaa maŋ yige anyi ŋko ŋ kplaŋ anyi so;

1 Kronikɛls 22:13

Fo baa bɛ mbra nɛ keŋini nɛ Enyɛnpe Ebɔrɛ ta n sa an nananyɛn Mosis dra dra na fanɛ e ta n sa Israɛlebi na so bre, asheŋ beeŋ nyalɛ n sa fo. Ama baa yil to kpakpa a leŋ fo kumu to nsaa maa lɔ kufu.

1 Kronikɛls 28:10

Baa nyi fanɛ Enyɛnpe Ebɔrɛ na e lara fo fanɛ fo pɔr mbe bɔrɛlambu cheembi na n sa mo. Amoso a daga fo ka nya kagbene m pɔr kumo nɛnɛ.”

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

2 Kronikɛls 32:7

“Men ba kɔ eleŋ nsaa leŋ men be amu to. Men saa maa ŋana Asiriya be ewurgboŋ na nɛ mbe benapo nɛ e bee juŋkpar na. Eleŋ nɛ k wɔ anyi be kaba so na chɔ bumo peya na.

Nshɛ 27:1

Enyɛnpe Ebɔrɛ na e la ma kefulto, mo alɛ e naa mɔlga ma; amoso maaŋ ŋana esa kikɛ. Enyɛnpe Ebɔrɛ na du fanɛ ekuŋkpagboŋ nna a kuŋ ma; amoso maa lɔ kufu.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

Nshɛ 94:14

Ama fo Enyɛnpe Ebɔrɛ maaŋ kini fo basa n lɛ; fo alɛ maaŋ kplaŋ efuli nɛ fo gbagba lara na so.

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Jɛremaya 1:8

Sa maa ŋana bumo, ŋkpal manɛ so, meeŋ baa wɔ fo kutɔ nsaa kuŋ fo. Ma, Enyɛnpe Ebɔrɛ e kaŋɛ na!”

Jɛremaya 32:40

Ma nɛ bumo malɛ beeŋ wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Ma alɛ maaŋ yige kebaawora asheŋ lela a sa bumo nseŋ shin nɛ b baa ŋana ma ashi bumo be ŋgbene to, a maaŋ naaŋ shile ma.

Heegai 2:4

Ama ekama e sa maŋ pɔ aba. Menyi ere e baa shuŋ kushuŋ na de, ŋkpal manɛ so, n wɔ menyi kutɔ.

Zakareya 8:13

Efuli pɔtɛana be basa bee shoduu menyi Juda nɛ Israɛl be efuliana so ebi nna, ama meeŋ mɔlga menyi nseŋ shin nɛ men ki nɛfa be basa. Men baa kɔ kenyɛn nsaa maa lɔ kufu.”

Nɔmbɛs 13:20

Men keni, kasawule na walɛ kudɔ ŋko k maŋ walɛ? K kɔ ndibi ŋko k maŋ kɔ? Men wora ania n chuge ndoŋ be asɔrso jiso a ba.” Asɔrso nɛ baa tre greep na be kesɔr be saŋɛ e daa la.

Nɔmbɛs 13:9

Rafu pibinyɛn Paalti shi Bɛnjamin be yiri to nɛ

Nɔmbɛs 14:9

Amoso men sa maŋ shin nɛ an kini kenu n sa Enyɛnpe Ebɔrɛ na. K maŋ daga an ka bee ŋana basa nɛ b wɔ ndoŋ na, ŋkpal manɛ so, Enyɛnpe Ebɔrɛ na wɔ anyi kutɔ, amoso b maaŋ tiŋ ŋ kɔ m pɔɔ anyi so.”

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

Ɛfesesebi 6:10

Ade kikɛ be kaman, men baa kɔ eleŋ Enyɛnpe na nɛ mbe eleŋgboŋ na to.

Ditɛronɔmi 1:29

Ndoŋ nna nɛ ŋ kaŋɛ: ‘Men sa maa ŋana basa na.

Ditɛronɔmi 11:8

Amoso, men baa wora asheŋ nɛ ŋ kaŋɛ menyi kabre ere kikɛ kasonu. Aloŋ nɛ menyeeŋ tiŋ n dii Jɔɔdan be lɔr na n ya sɔ kasawule nɛ menyee sha keluri to ere n chena so.

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

Ditɛronɔmi 31:23

Kumo be kaman nɛ Enyɛnpe Ebɔrɛ na naŋ kaŋɛ Nun pibinyɛn, Joshuwa, le: “Baa kɔ kenyɛn nseŋ yili fo kagbene kukoŋwule. Ŋkpal manɛ so, ŋ gbagba e naaŋ chɛ fo to nɛ fo tiŋ n juŋkpar Israɛl be basa ere n yɔ kasawule nɛ n nase kumo be kɔnɔ n sa bumo na so.”

Ditɛronɔmi 31:7

Ade be kaman, nɛ Mosis tre Joshuwa m ba kaŋɛ mo le ashi Israɛl be basa na kikɛ be anishito: “Nya kagbene a kɔ kenyɛn. Fo e naaŋ juŋkpar basa ere n ya sɔ kasawule nɛ Enyɛnpe Ebɔrɛ na nase kumo be kɔnɔ n sa bumo nananyɛnana na n chena so.

Ditɛronɔmi 31:8

Enyɛnpe Ebɔrɛ na gbagba beeŋ baa wɔ fo kutɔ a juŋkpar fo. Mo alɛ maaŋ lar fo kaman ŋko ŋ kplaŋ fo so kikɛ; amoso sa maa pɔ aba ŋko a lɔ kufu.”

Ditɛronɔmi 4:31

Enyɛnpe, menyi be Ebɔrɛ na beeŋ wu menyi kuwɔr nsaa maŋ mur menyi ŋko ŋ kini menyi n lɛ. E beeŋ nyiŋi mbe kɔnɔ naseso nseŋ wora m bɛ mo nɛ men nananyɛnana be kɔnɔkoŋwule be ŋkre so.

Ditɛronɔmi 7:18

Men sa maa ŋana bumo, ama men baa nyiŋi kusɔ nɛ Enyɛnpe menyi be Ebɔrɛ na wora Ijipt be ewura nɛ mbe basa na.

2 Timoti 2:1

Amoso, fo ere m pibi, baa wɔ eleŋ nɛ k bee shi Yesu Kristo kutɔ a ba ŋkpal mbe kuwɔr be kakɛ na so to

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Joshuwa 10:25

Kumo be kaman nɛ Joshuwa kaŋɛ benapo be benimuana na le: “Men sa maa lɔ kufu ŋko a pɔ aba. Men leŋ men be amu to nsaa kɔ kagbene, ŋkpal manɛ so le nɛ Enyɛnpe Ebɔrɛ na beeŋ wora men doŋana kikɛ.”

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

1 Samuɛl 12:22

Ebɔrɛ na e lara menyi fanɛ mo gbagba be basa. Ŋkpal mbe ketre ka shibi so, e maaŋ yige menyi kikɛ.