Ditɛronɔmi 31:2 - EBƆRƐ BE KAWƆL

² “Nfɛ kalfa nɛ adunyɔ nɛ n ji durnya to. Ma alɛ maŋ naa kɔ eleŋ nseŋ kraa juŋkpar menyi. Kumo be kaman, Enyɛnpe Ebɔrɛ na malɛ gba kaŋɛ ma fanɛ m maaŋ dii n yɔ Jɔɔdan be lɔr na be kaba ndoŋ.

Ditɛronɔmi 31:2 ပူးပေါင်းရင်းမြစ်များ

2 Samuɛl 21:17

Ndoŋ nna nɛ Zeruwa pibinyɛn Abishai daŋ ba mɔlga Deevid nseŋ mɔ kanyɛn gboŋgboŋi na. Kumo be kaman nɛ Deevid be basa na shin nɛ Deevid nase kɔnɔ fanɛ e maaŋ naa tu bumo a yɔ kena to. Nseŋ kaŋɛ mo le: “Anyi maa sha kepaŋ fo, ŋkpal manɛ so fo nɛ Israɛlebi kikɛ bee fute a yige so.”

1 Bewura 3:7

O Enyɛnpe Ebɔrɛ, fo shin nɛ n sɔ n tuto so n ji kuwura. Ama n du fanɛ kebibi nna nsaa maŋ nyi kananɛ kejuŋkpar basa be asheŋ du.

Nshɛ 90:10

Nfɛ nɛ anyee ji kikɛ la nfɛ adushunu nna, nɛ an baa kɔ eleŋ malɛ nɛ an ji nfɛ aduburwa; Ama etɔrɔ wurbi nɛ kagbenejija damta e wɔ amo to, ŋkpal manɛ so, a maa chɛr nsaa choŋ fanɛ afu.

Ɛksodɔs 7:7

Saŋɛ nɛ Mosis nɛ Ɛɛrɔn daŋ malga n sa ewura Fɛɛro na nɛ Mosis daa la nfɛ aduburwa nna nɛ Ɛɛrɔn malɛ daa la nfɛ aduburwa nɛ asa.

Nɔmbɛs 20:12

Ama le nɛ Enyɛnpe Ebɔrɛ daŋ kaŋɛ Mosis nɛ Ɛɛrɔn: “Ŋkpal men ka maŋ yirda ma nseŋ kini keshin nɛ Israɛlebi na pin ma eleŋ so, men maaŋ juŋkpar bumo n yɔ kasawule nɛ n nase kɔnɔ fanɛ meeŋ sa bumo na so.”

Nɔmbɛs 27:17

nsaa beeŋ tiŋ ŋ ŋini bumo kena be kekɔ saŋɛ na so fo basa maaŋ baa du fanɛ mbolpɔ nɛ b maŋ kɔ ekpapo na.”

Ashuŋ Shunso 20:25

N yɔ menyi be ekama ere nyam kutɔ n ya bɔ Ebɔrɛ be kuwura na to be asheŋ n sa menyi, ama naniere n nyi fanɛ menyi be ekama maaŋ naŋ wu ma kikɛ.

Ashuŋ Shunso 7:23

Mosis ka ba fo nfɛ adena nɛ k ba mo to fanɛ e ya chɔrɔ mo peebi Israɛlebi.

Ditɛronɔmi 1:37

Ŋkpal menyi so, Enyɛnpe Ebɔrɛ na daŋ nya agbo nna n wɔtɔ ma alɛ gba nseŋ kaŋɛ le: ‘Mosis, fo alɛ gba maaŋ yɔ kasawule na so.

Ditɛronɔmi 31:1

Ade be kaman nɛ Mosis naŋ kaŋɛ Israɛlebi na le:

Ditɛronɔmi 34:7

Mosis daŋ ji nfɛ kalfa nɛ adunyɔ nna nseŋ wu, ama e daŋ kraa kɔ eleŋ nna fanɛ kabrantiɛ, nɛ mbe anishi malɛ daŋ kraa wu nɛnɛ.