Ditɛronɔmi 31:18 - EBƆRƐ BE KAWƆL

¹⁸ Ma alɛ beeŋ kini kechɛ bumo to, ŋkpal b ka ya kaa shuŋ agbirana n wora kulubi so.

Ditɛronɔmi 31:18 ပူးပေါင်းရင်းမြစ်များ

2 Bewura 22:13

“Enyɛnpe Ebɔrɛ na be agbo beeŋ baa wɔ ma nɛ ma basa kama nɛ b kraa wɔ Juda be efuli ere so so ga ŋkpal an nananyɛnana ka maŋ nu n sa mo nseŋ kini kewora kusɔ nɛ kawɔl ere bee ŋini fanɛ b wora na so. Amoso men ya bishi n fin kusɔ nɛ Enyɛnpe Ebɔrɛ na bee sha fanɛ an wora.”

Ɛksodɔs 34:15

Men sa maŋ kaŋ shin nɛ menyi nɛ kasawule na so be basa e wora kɔnɔkoŋwule be ŋkre kikɛ, nɛ mannɛ aloŋ, b baa lɔŋɛ bumo be agbirana, baaŋ tre menyi n fule menyi nɛ men ji agbirjibi na be ako.

Aizaaya 48:8

N nyi menyi ka la basa nɛ esa maaŋ tiŋ n yirda, nseŋ naa la basa nɛ baa lar ma kaman, yili jemanɛ nɛ n ta menyi ŋ ki efuli n sa ma kumu na. Amoso nɛ menyi maŋ wora ania nɛ men nu kusɔ nɛ ŋ kaŋɛ menyi na.

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Aizaaya 64:7

Esa kikɛ maŋ naa tre fo kabɔrɛkule to ŋko a fin fo kechɛto gba. Anyi be alubi so, fo ta fo kumu nna ŋ ŋana nseŋ kplaŋ anyi so.

Jɛremaya 33:5

‘Basa na be beko beeŋ kɔ Babilɔn be benapo na nɛ benapo na e mɔ basa nɛ n nya agbo ga n wɔtɔ na n nase mboŋ nɛ nwuana na daa yil na. Ma alɛ beeŋ ta ma anishi ŋ ŋana kadegboŋ ere so ŋkpal asheŋ lubi nɛ kumo to be basa wora so.

Ezikɛl 39:23

Kumo be kaman, nɛ efuliana na e pin fanɛ Israɛlebi na daŋ yɔ kenyaya to nna ŋkpal bumo be alubi nɛ b wora n da ma so na so. N daŋ lar bumo kaman nseŋ shin nɛ bumo doŋana kɔ bumo kena m mɔ bumo.

Ditɛronɔmi 31:19

To, sibɛ kashɛ ere n nase naniere, nseŋ ŋini Israɛl be basa na nɛ b baa boŋ kumo; saŋɛ na so, baaŋ pin kusɔ nɛ mee sha fanɛ b baa wora nsaa maaŋ nya kusɔ ko n yili so ŋ kini kewora ma kasonu.

Ditɛronɔmi 32:20

Kumo be kaman nɛ e kaŋɛ le: ‘M maaŋ naŋ chɛ bumo to kikɛ, nseŋ keni kusɔ nɛ k beeŋ wora ŋgbene kpakpasowuraana nɛ b maa ji kashenteŋ ere.

Demujipoana 2:17

Ama Israɛlebi na daa maa nu a sa bumo be bejuŋkparpo ere nsaa wɔtɔ a shuŋ agbirana. Bumo tutoana bre daŋ nu n sa Enyɛnpe Ebɔrɛ na nna, ama bumo ere maa nu a sa mo.