Ditɛronɔmi 31:11 - EBƆRƐ BE KAWƆL

¹¹ Jemanɛ nɛ Israɛl be basa beeŋ ba gama abar so nɛ b shuŋ Enyɛnpe menyi be Ebɔrɛ na ashi kakpa nɛ menyeeŋ baa shuŋ Ebɔrɛ na nɛ menyeeŋ kraŋ kumo n sa bumo.

Ditɛronɔmi 31:11 ပူးပေါင်းရင်းမြစ်များ

2 Bewura 23:2

nɛ mo nɛ bumo nɛ bɔrɛmatapoana na nɛ anebiana na nɛ damawuraana nɛ betirpo kikɛ yɔ bɔrɛlambu na to. Ndoŋ nna na nɛ ewura na kraŋ Ebɔrɛ be mbra be kawɔl nɛ b daŋ wu bɔrɛlambu na to na kikɛ bumo kikɛ be anishito.

Ditɛronɔmi 12:5

Enyɛnpe Ebɔrɛ na gbagba beeŋ lara kakpa nɛ menyi to be eyiriana na beeŋ baa shɛr a shuŋ mo ashi bumo be mboŋ nɛ baaŋ chena.

Ɛksodɔs 34:24

Meeŋ ju efuli pɔtɛana be basa kikɛ nseŋ kpalga men be kasawule to. Esa kama malɛ beeŋ baa ŋana keta men be nsawule jemanɛ nɛ men yɔ nɛ men ya bunyaŋ ma, men Nyɛnpe Ebɔrɛ na ale asa kafɛ kikɛ to na.

Ashuŋ Shunso 15:21

Ŋkpal manɛ so, basa ka fara a kraŋ Mosis be mbra na ashi nshɛrbuana to kewushiachɛ kama na nɛ kananɛ b malga amo be asheŋ kade kama to na chɛr ga kabre.”

Ashuŋ Shunso 13:15

Esa ko ka kraŋ Mosis be mbraana na nɛ anebiana be nwɔl na be mboŋ ko n loge nɛ nshɛrbu na to be benimuana na shuŋi kabɔ bumo kutɔ ŋ kaŋɛ: “Bekurgepoana, nɛ men kɔ kamalga nɛ menyeeŋ ta ŋ leŋ basa ere to, men baa malga.”

Nshɛ 84:7

Fo basa bee nya eleŋ nna a ti so, n ya fo fanɛ ekama ka beeŋ baa tiŋ a ba Ebɔrɛ na be anishito ashi Zayɔn be kebee na so.

Nehemaya 9:3

Awa asa nɛ b yil a nu b ka bee kraŋ Enyɛnpe bumo be Ebɔrɛ na be mbra be kawɔl na. Kumo be kaman nɛ b naŋ ta awa asa malɛ ŋ kule Ebɔrɛ ŋ kaŋɛ bumo be alubi nseŋ bunyaŋ Enyɛnpe Ebɔrɛ na.

Nehemaya 8:13

Kumo be ŋklade nɛ nnaŋ to be benimuana na kikɛ, nɛ bɔrɛmatopoana na nɛ Livaiebi na yɔ Ɛzra kutɔ nɛ e ya ŋini bumo mbra na.

Nehemaya 8:18

Baŋ yili kachɛ nɛ b fara kachɛgboŋ na be keji n ya fo kumo be kachɛ shunusopo na, Ɛzra daa kraŋ mbra be kawɔl na nna a sa basa na karechɛ kikɛ. Kachɛ burwasopo na nɛ ekama gama abar so nɛ b bunyaŋ Ebɔrɛ, fanɛ kananɛ mbra na ŋini na.

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 12:14

A daga fanɛ men baa lara amo ashi kakpa nɛ Enyɛnpe Ebɔrɛ na gbagba beeŋ ŋini menyi ashi menyi be eyiriana na to be kekama be echenakpa. Ndoŋ nawule nɛ menyeeŋ baa lara menyi be esarga nɛ menyeeŋ baa chɔɔ na nɛ asɔ kama nɛ mee kaŋɛ menyi ere kikɛ.

2 Bewura 17:37

Men baa bɛ mbra nɛ keŋini nɛ n ta n sa menyi na so kpakpa. Men sa maŋ kaŋ shuŋ kegbir kikɛ.