Ditɛronɔmi 30:6 - EBƆRƐ BE KAWƆL

⁶ Ade be kaman, Enyɛnpe menyi be Ebɔrɛ na beeŋ sa menyi nɛ men be kaman to ebi ŋgbene nɛ a kɔ kasonu; saŋɛ na so, menyeeŋ tiŋ n sha mo nɛ menyi be ŋgbene kikɛ nseŋ naŋ chena kasawule na so.

Ditɛronɔmi 30:6 ပူးပေါင်းရင်းမြစ်များ

Ɛksodɔs 20:6

Ama mee ŋini basa nɛ baa sha ma nsaa bɛ ma mmalga nasesoana so na ma kasha nɛ k maa chɛrga na nna.

Jɛremaya 24:7

Meeŋ naŋ sa bumo ŋgbene nɛ e beeŋ baa sha kebaanyi ma, Enyɛnpe Ebɔrɛ na. Kumo be kaman nɛ b pin fanɛ b la ma basa nna nɛ ma alɛ la bumo be Ebɔrɛ. Ŋkpal manɛ so, baaŋ laŋɛ bumo be ŋgbene kikɛ m bɛ ma so.

Jɛremaya 32:39

Meeŋ shin nɛ b baa bunyaŋ ma jemanɛ kikɛ kenishipereso, ŋkpal bumo gbagba nɛ bumo be kaman to ebi be nɛnɛ so.

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Levitikɔs 18:5

Men baa wora a bɛ ma atande nɛ mbraana so. Men wora loŋ, menyeeŋ mɔlga menyi be amu, ŋkpal manɛ so, ma e la Enyɛnpe Ebɔrɛ na.”

Matiu 22:37

Nɛ Yesu kaŋɛ mo: “Kede e la amo to be kegboŋi: Baa ta fo kagbene kikɛ nɛ fo kiyoyu kikɛ nɛ fo nfɛra kikɛ a sha Enyɛnpe fo Ebɔrɛ na.

Romebi 11:26

Amoso, Israɛlebi kikɛ beeŋ nya kumɔlga fanɛ kananɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Emɔlgapo na beeŋ shi Zayɔn m ba lara edalubisheŋ kikɛ ashi Jeekɔb be kaman to ebi to.”

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

1 Kɔrintebi 8:3

Ama ekama nɛ e bee sha Ebɔrɛ, kumo ere Ebɔrɛ nyi amodoŋwura.

2 Kɔrintebi 5:17

Amoso, nɛ esa kama baa wɔ Kristo na to, kepɔrso popɔr e la mo, asheŋ dra na kikɛ choŋ nɛ asheŋ popɔr ba.

Ditɛronɔmi 10:16

Amoso yili kabre a yɔ, men baa wora Enyɛnpe Ebɔrɛ na kasonu nseŋ yige menyi be ŋkpensheŋ na.

Ditɛronɔmi 11:1

Men baa sha Enyɛnpe menyi be Ebɔrɛ na nsaa wora mbe mbraana kikɛ kasonu.

Ditɛronɔmi 6:5

Men baa ta menyi be ŋgbene kikɛ nɛ menyi be ayoyu kikɛ nɛ menyi be eleŋ kikɛ a sha Enyɛnpe menyi be Ebɔrɛ na.

Kɔlɔsiebi 2:11

Ŋkpal menyi nɛ Yesu Kristo ka la kukoŋwule na so, e ku menyi be kebaawɔtɔ lubi ashi menyi so, ama mannɛ enɔ be kushuŋ nna fanɛ kananɛ baa ta enɔ a ku kututu ŋkpal eyurpi so na.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

1 Jɔn 4:7

N teri shasoana, men shin nɛ an baa sha abar, ŋkpal manɛ so, kasha shi Ebɔrɛ kutɔ nna. Esa kama nɛ e kɔ kasha la Ebɔrɛ pibi nna na, mo alɛ nsaa nyi Ebɔrɛ.