Ditɛronɔmi 30:16 - EBƆRƐ BE KAWƆL

¹⁶ Nɛ menyeeŋ wora Enyɛnpe, menyi be Ebɔrɛ na be mbraana kasonu nseŋ sha mo bre, menyeeŋ dii dama nsaa la efuli nɛ kumo be basa shi. Enyɛnpe menyi be Ebɔrɛ na malɛ beeŋ nɛfa menyi ashi kasawule nɛ menyee yɔ nɛ men ya sɔ n chena so na so.

Ditɛronɔmi 30:16 ပူးပေါင်းရင်းမြစ်များ

1 Bewura 3:3

Ewura Sɔlɔmɔn ka daa sha Enyɛnpe Ebɔrɛ ga so, e daŋ bɛ kusɔ nɛ mo tuto ewura Deevid kaŋɛ mo so nna. Mo alɛ gba daa ta asɔbɔya nna a lara sarga nsaa chɔɔ duwu ashi abee so be kakpa nɛ baa bunyaŋ Enyɛnpe Ebɔrɛ na.

Aŋasa 3:1

M pibinyɛn, sa maŋ kaŋ teŋ asɔ nɛ mee ŋini fo na so. Baa nyiŋi asɔ nɛ mee kaŋɛ fo fanɛ fo baa wora na saŋkikɛ.

Aizaaya 1:19

Nɛ menyeeŋ baa wora ma kasonu bre, menyeeŋ baa nya asɔ lela kasawule ere so a ji.

Baru lela nɛ Jɔn kute na 14:21

“Esa kama nɛ e kɔ ma mmalga naseso nsaa wora asɔ nɛ a bee kaŋɛ na e la esa nɛ e bee sha ma. Esa kama malɛ nɛ e bee sha ma, n Tuto gba beeŋ sha mo nɛ ma alɛ gba e sha mo nseŋ lara ma kumu ŋ ŋini mo.”

1 Kɔrintebi 7:19

Nɛ b ku esa ŋko b maŋ ku mo, k maŋ la shɛŋ. Kusɔ nɛ k tir e la fanɛ men baa bɛ Ebɔrɛ be mmalga naseso so.

Ditɛronɔmi 30:17

Ama nɛ men kini nseŋ wora kusoe kpakpaso nseŋ n ya kaa shuŋ agbir bre,

Ditɛronɔmi 30:19

Ade kikɛ be kaman, luwu nɛ ŋkpa nɛ Ebɔrɛ be nɛfa nɛ mbe eshoduu nɛ n ta a nase menyi be anishito na. Ma alɛ bee ta ebɔrɛso nɛ kasawule so nna fanɛ a ji shɛda n sa amo be kumo nɛ menyeeŋ lara. Men lara ŋkpa, saŋɛ na so, menyi nɛ men be mbia beeŋ baa wɔ ŋkpa to.

Ditɛronɔmi 30:6

Ade be kaman, Enyɛnpe menyi be Ebɔrɛ na beeŋ sa menyi nɛ men be kaman to ebi ŋgbene nɛ a kɔ kasonu; saŋɛ na so, menyeeŋ tiŋ n sha mo nɛ menyi be ŋgbene kikɛ nseŋ naŋ chena kasawule na so.

Ditɛronɔmi 32:47

Ebɔrɛ be mbraana na maŋ la mmalga fuloŋ nna. Amo e naaŋ sa menyi ŋkpa tenteŋ. Amoso, men baa wora amo kasonu nseŋ nya ŋkpa tenteŋ ashi kasawule nɛ k dese Jɔɔdan be lɔr na be kaba ndoŋ nɛ menyee yɔ nɛ men ya kɔ n sɔ n chena so na so.”

Ditɛronɔmi 4:1

Ade kikɛ be kaman, nɛ Mosis kaŋɛ basa na le: “Nɛ menyee wora mbraana nɛ mee ŋini menyi ere kikɛ kasonu, menyeeŋ baa wɔtɔ nseŋ tiŋ n ya chena kasawule nɛ Enyɛnpe Ebɔrɛ nɛ men nananyɛnana shuŋ na, bee ta a sa menyi na so.

Ditɛronɔmi 5:33

Men baa bɛ amo kikɛ so, saŋɛ na so, asheŋ beeŋ nyalɛ n sa menyi nɛ men tiŋ n chena kasawule nɛ Enyɛnpe, menyi be Ebɔrɛ na bee ta a sa menyi na so n chɛr.

Ditɛronɔmi 6:5

Men baa ta menyi be ŋgbene kikɛ nɛ menyi be ayoyu kikɛ nɛ menyi be eleŋ kikɛ a sha Enyɛnpe menyi be Ebɔrɛ na.

Joshuwa 23:11

Amoso, men baa sha men Nyɛnpe Ebɔrɛ na ga nsaa da so nɛ men maaŋ wora n da mo so.