Ditɛronɔmi 30:14 - EBƆRƐ BE KAWƆL

¹⁴ Ayai, mbraana na wɔ menyi kutɔ nna. Menyeeŋ tiŋ ŋ koya amo m pin amo a kute amo to. Amoso men baa wora amo kasonu naniere.

Ditɛronɔmi 30:14 ပူးပေါင်းရင်းမြစ်များ

Jɛremaya 12:2

Fo e duu bumo fanɛ ndibi nɛ baa mur achin, nsaa daŋ a sɔr asɔrso. B baa malga fo asheŋ lela gba be asheŋ, k maa shi bumo be ŋgbene to.

Ezikɛl 2:5

B kaŋ nu n sa fo ŋko ŋ kini kenu n sa fo ŋkpal b ka la ŋgbene kpakpaso be basa so gba baaŋ pin fanɛ anebi ko ba bumo kutɔ m ba malga bre.

Ezikɛl 33:31

Amoso ma basa bee chala nna m ba nu kusɔ nɛ fo kɔ a kaŋɛ, ama bumo alɛ maaŋ wora kusɔ nɛ fo kaŋɛ fanɛ b wora na. Kashaso nɛ baa malga a sa abar, ama kejimuni nɛ kapuni e bɔlɔ bumo be ŋgbene to.

Ezikɛl 33:33

K maaŋ chɛr baaŋ nya kasogberge, fanɛ kananɛ fo kpele bumo kusoe na. Ndoŋ nɛ baaŋ pin fanɛ anebi ko ba bumo to.”

Matiu 7:21

Mannɛ basa nɛ baa tre ma Enyɛnpe, Enyɛnpe na kikɛ e naaŋ luri ebɔrɛso be kuwura na to she bumo nɛ baa wora n Tuto nɛ e wɔ ebɔrɛso na be aparsheŋ na.

Baru lela nɛ Jɔn kute na 5:46

Nɛ men daŋ yirda Mosis be mmalga kenishipereso nna, men daa beeŋ yirda ma, ŋkpal manɛ so, ma asheŋ nɛ e daŋ sibɛ n sa menyi na.

Ashuŋ Shunso 13:26

Ŋ kurgepoana, Eebraham mo nanabiana nɛ menyi nɛ men la nnyamase a wɔ nfe a bunyaŋ Ebɔrɛ ere kikɛ, anyi kikɛ nɛ b ta le be kumɔlga be kubɔya ere n sa.

Ditɛronɔmi 30:13

Amo alɛ maŋ naa wɔ teku be kaba ndoŋ nna nɛ men naŋ bishi fanɛ: “Wanɛ e naaŋ yɔ teku be kaba ndoŋ n ya bar amo m ba sa anyi nɛ an nu amo nseŋ wora amo kasonu?”

Ditɛronɔmi 30:15

“Kelela nɛ ŋkpa ŋko kulubi nɛ luwu nɛ mee ta a nase menyi be anishito kabre na, nɛ men keni to n lara kumo nɛ menyee sha.